8.49C Vancouver 8.49C VancouverJun 9, 2020 4:18 PM -
ਅਮਰੀਕਾ ਦੇ ਹੂਸਟਨ 'ਚ ਅੱਜ ਪੁਲਿਸ ਹਿਰਾਸਤ 'ਚ ਜਾਨ ਗਵਾਉਣ ਵਾਲੇ ਜਾਰਜ ਫਲਾਇਡ ਦਾ ਫਿਊਨਰਲ ਹੋਇਆ ਹੈ। ਸੈਂਕੜੇ-ਹਜ਼ਾਰਾਂ ਲੋਕਾਂ ਨੇ ਇਸ ਫਿਊਨਰਲ 'ਚ ਹਾਜ਼ਰੀ ਭਰੀ ਅਤੇ ਨਮ ਅੱਖਾਂ ਨਾਲ ਜਾਰਜ ਫਲਾਇਡ ਨੂੰ ਯਾਦ ਕੀਤਾ।
ਇੱਕ ਸੋਨੇ ਰੰਗੇ ਤਾਬੂਤ 'ਚ ਜਾਰਜ ਫਲਾਇਡ ਦੇ ਮ੍ਰਿਤ ਸ਼ਰੀਰ ਨੂੰ ਰੱਖਿਆ ਗਿਆ ਸੀ।
ਪਰਿਵਾਰਿਕ ਮੈਂਬਰਾਂ ਅਤੇ ਹੋਰ ਲੋਕਾਂ ਨੇ ਇਸ ਮੌਕੇ ਆਪਣੀਆਂ ਭਾਵਨਾਵਾਂ ਸਾਂਝੀਆਂ ਕਰਦੇ ਹੋਏ ਜਾਰਜ ਫਲੈਡ ਬਾਰੇ ਗੱਲਬਾਤ ਕੀਤੀ।
ਫਲਾਇਡ ਦੀ ਭਤੀਜੀ, ਬਰੁੱਕ ਵਿਲੀਅਮਜ਼ ਆਪਣੀਆਂ ਗੱਲਬਾਤ ਸਾਂਝੀ ਕਰਦੇ ਹੋਏ ਬੇਹੱਦ ਭਾਵੁਕ ਹੋ ਗਈ ਅਤੇ ਉਨ੍ਹਾਂ ਸਵਾਲ ਕੀਤਾ ਕਿ ਆਖਿਰ ਜਾਰਜ ਫਲਾਇਡ ਨਾਲ ਇਹ ਸਭ ਕਿਉਂ ਹੋਇਆ।
ਉਨ੍ਹਾਂ ਕਿਹਾ, ਆਖਿਰ ਅਫ਼ਸਰਾਂ ਨੇ ਫਲਾਇਡ ਨਾਲ ਅਜਿਹਾ ਕਿਉਂ ਕੀਤਾ।
ਜਾਰਜ ਫਲਾਇਡ ਦੇ ਮ੍ਰਿਤ ਸ਼ਰੀਰ ਨੂੰ ਉਨ੍ਹਾਂ ਦੀ ਮਾਂ ਦੀ ਕਬਰ ਕੋਲ ਦਫ਼ਨਾਇਆ ਜਾ ਰਿਹਾ ਹੈ।
46 ਸਾਲਾ ਫਲਾਇਡ ਦੀ 25 ਮਈ ਨੂੰ ਜਾਨ ਚਲੀ ਗਈ ਸੀ ਅਤੇ ਮੌਕੇ ਦੀ ਇੱਕ ਵੀਡੀਓ ਸਾਹਮਣੇ ਆਈ ਸੀ, ਜਿਸ ਦੌਰਾਨ ਸਪਸ਼ਟ ਹੋਇਆ ਸੀ ਕਿ, ਇੱਕ ਪੁਲਿਸ ਅਫ਼ਸਰ ਨੇ ਫਲਾਇਡ ਦੀ ਧੌਣ 'ਤੇ ਗੋਡੇ ਨਾਲ ਦਬਾਅ ਬਣਾ ਕੇ ਰੱਖਿਆ ਸੀ, ਜਦ ਜਾਰਜ ਫਲਾਇਡ ਨੂੰ ਕੁਰਲਾਉਂਦੇ ਹੋਏ ਸੁਣਿਆ ਜਾ ਸਕਦਾ ਸੀ ਕਿ ਉਸ ਨੂੰ ਸਾਹ ਲੈਣ 'ਚ ਪ੍ਰੇਸ਼ਾਨੀ ਹੋ ਰਹੀ ਹੈ।
ਸੋਮਵਾਰ ਦੇ ਇੱਕ ਪਬਲਿਕ ਸਰਵਿਸ ਮੈਮੋਰੀਅਲ 'ਚ ਵੀ ਕਰੀਬ 6,000 ਲੋਕ ਇਕੱਠੇ ਹੋਏ ਸਨ।
