10.61C Vancouver 10.61C VancouverDec 6, 2023 5:02 PM - The Canadian Press
ਗਲੋਬਲ ਅਫੇਅਰਜ਼ ਕੈਨੇਡਾ ਨੇ ਐਂਟੀਗੁਆ ਵਿੱਚ ਦੋ ਕੈਨੇਡੀਅਨ ਨਾਗਰਿਕਾਂ ਦੀ ਮੌਤ ਹੋਣ ਦੀ ਪੁਸ਼ਟੀ ਕੀਤੀ ਹੈ। ਹਾਲਾਂਕਿ ਏਜੰਸੀ ਨੇ ਇਸ ਦੇ ਕਾਰਨਾਂ ਬਾਰੇ ਜਾਣਕਾਰੀ ਨਹੀਂ ਦਿੱਤੀ ਪਰ ਇਹ ਖ਼ਬਰ ਉਸ ਵਿਚਕਾਰ ਆਈ ਹੈ ਜਦੋਂ ਪਿਛਲੇ ਹਫ਼ਤੇ ਲੋਕਲ ਅਧਿਕਾਰੀਆਂ ਨੇ ਡੇਵਿਲ ਦੇ ਬ੍ਰਿਜ ਤੋਂ ਇੱਕ ਔਰਤ ਅਤੇ ਬੱਚੇ ਦੇ ਪਾਣੀ ਵਿੱਚ ਡਿੱਗ ਜਾਣ ਦੀ ਰਿਪੋਰਟ ਦਿੱਤੀ ਸੀ।
ਗਲੋਬਲ ਅਫੇਅਰਜ਼ ਕੈਨੇਡਾ ਨੇ ਕਿਹਾ ਕਿ ਮ੍ਰਿਤਕਾਂ ਦੇ ਪਰਿਵਾਰ ਨੂੰ ਕੌਂਸਲਰ ਮਦਦ ਦਿੱਤੀ ਜਾ ਰਹੀ ਹੈ ਅਤੇ ਹੋਰ ਜਾਣਕਾਰੀ ਲਈ ਕੌਂਸਲਰ ਅਧਿਕਾਰੀ ਤੇ ਸਥਾਨਕ ਅਧਿਕਾਰੀਆਂ ਨਾਲ ਸੰਪਰਕ ਵਿੱਚ ਹਨ।
ਐਂਟੀਗੁਆ ਅਤੇ ਬਾਰਬੁਡਾ ਡਿਫੈਂਸ ਫੋਰਸ ਨੇ ਪਿਛਲੇ ਹਫਤੇ ਇੱਕ ਪ੍ਰੈੱਸ ਰਿਲੀਜ਼ ਵਿੱਚ ਦੱਸਿਆ ਸੀ ਕਿ 30 ਨਵੰਬਰ ਨੂੰ ਸਵੇਰੇ ਕਰੀਬ 6:45 ਵਜੇ ਡੇਵਿਲਜ਼ ਬ੍ਰਿਜ 'ਤੇ ਇੱਕ ਔਰਤ ਅਤੇ ਇੱਕ ਬੱਚਾ ਪਾਣੀ ਵਿੱਚ ਡਿੱਗ ਗਏ ਸਨ, ਜਿਨ੍ਹਾਂ ਦੀਆਂ ਬਾਅਦ ਵਿੱਚ ਲਾਸ਼ਾਂ ਬਰਾਮਦ ਕੀਤੀਆਂ ਗਈਆਂ ਹਾਲਾਂਕਿ, ਸਥਾਨਕ ਪੁਲਿਸ ਨੇ ਉਨ੍ਹਾਂ ਦੀ ਪਛਾਣ ਦੀ ਪੁਸ਼ਟੀ ਨਹੀਂ ਕੀਤੀ ਸੀ ਪਰ ਸਥਾਨਕ ਮੀਡੀਆ ਅਨੁਸਾਰ ਇਹ ਕੈਨੇਡੀਅਨ ਨਾਗਰਿਕ ਸਨ।
ਇਸ ਸਾਲ ਇਹ ਦੂਜੀ ਵਾਰ ਹੈ ਜਦੋਂ ਡੇਵਿਲਜ਼ ਬ੍ਰਿਜ ਤੋਂ ਪਾਣੀ ਵਿੱਚ ਡਿੱਗਣ ਨਾਲ ਕਿਸੇ ਕੈਨੇਡੀਅਨ ਦੀ ਮੌਤ ਹੋਈ ਹੈ। ਅਪ੍ਰੈਲ ਵਿੱਚ ਇਸੇ ਲੋਕੇਸ਼ਨ 'ਤੇ 60 ਸਾਲਾ ਕੈਨੇਡੀਅਨ ਵਿਅਕਤੀ ਦੀ ਮੌਤ ਹੋਈ ਸੀ।
