20.69C Vancouver 20.69C VancouverJan 21, 2021 9:34 PM -
ਕੈਨੇਡਾ ਦੀ ਗਵਰਨਰ ਜਨਰਲ, ਜੂਲੀ ਪਾਏਟ ਨੇ ਅਸਤੀਫਾ ਦੇ ਦਿੱਤਾ ਹੈ।
ਜਾਣਕਾਰੀ ਅਨੁਸਾਰ ਰੀਡੋ ਹਾਲ 'ਚ ਹਰਾਸਮੈਂਟ ਯਾਨੀ ਕਿ 'ਪ੍ਰੇਸ਼ਾਨੀ ਭਰੇ ਵਰਤਾਰੇ' ਸੰਬੰਧੀ ਰਿਪੋਰਟ ਪੂਰੀ ਹੋ ਚੁੱਕੀ ਹੈ।
ਗਵਰਨਰ ਜਨਰਲ ਦੇ ਦਫ਼ਤਰ 'ਚ 'ਵਰਕਪਲੇਸ ਹਰਾਸਮੈਂਟ' ਸੰਬੰਧੀ ਮਾਮਲਿਆਂ 'ਤੇ ਰਿਪੋਰਟ ਤਿਆਰ ਹੋਣ ਬਾਰੇ ਦੱਸਿਆ ਜਾ ਰਿਹਾ ਹੈ।
ਇਸ ਜਾਂਚ 'ਤੇ ਅਧਾਰਿਤ ਰਿਪੋਰਟ ਨੂੰ ਪ੍ਰਿਵੀ ਕਾਉਂਸਿਲ ਅਫ਼ਸਰ ਵੱਲੋਂ ਤਿਆਰ ਕੀਤਾ ਗਿਆ ਹੈ।
ਹਾਲਾਂਕਿ ਪੂਰੀ ਰਿਪੋਰਟ ਫਿਲਹਾਲ 'ਕਾਂਫੀਡੈਂਸ਼ੀਅਲ' ਯਾਨੀ ਕਿ ਗੁਪਤ ਰੱਖੀ ਗਈ ਹੈ।
ਪ੍ਰਿਵੀ ਕਾਉਂਸਿਲ ਨੇ ਬੀਤੇ ਸਾਲ ਜਾਣਕਾਰੀ ਦਿੱਤੀ ਸੀ ਕਿ 'ਕਵਿੰਟੈਟ ਕੰਸਲਟਿੰਗ ਕਾਰਪੋਰੇਸ਼ਨ' ਨੂੰ 'ਥਰਡ ਪਾਰਟੀ ਇਨਵੈਸਟੀਗੇਸ਼ਨ' ਲਈ ਹਾਇਰ ਕੀਤਾ ਜਾ ਰਿਹਾ ਹੈ।
ਇਹ ਸਭ ਉਸ ਵੇਲੇ ਹੋਇਆ ਸੀ ਜਦ ਸੀ.ਬੀ.ਸੀ. ਦੀ ਇੱਕ ਰਿਪੋਰਟ ਅਨੁਸਾਰ ਪਾਏਟ ਦੇ ਵਿਵਹਾਰ ਕਾਰਨ ਕੁਝ ਲੋਕਾਂ ਨੂੰ ਰੋਣਾ ਪਿਆ ਸੀ ਅਤੇ ਕੁਝ ਲੋਕਾਂ ਨੂੰ ਨੌਕਰੀ ਛੱਡਣੀ ਪਈ ਸੀ।
ਇਸ ਸਭ ਦੀ ਜਾਣਕਾਰੀ ਅੱਜ ਉਜਾਗਰ ਹੋਣ ਵਿਚਾਲੇ ਗਵਰਨਰ ਜਨਰਲ ਨੇ ਅਸਤੀਫਾ ਦੇ ਦਿੱਤਾ ਹੈ।
ਯਾਦ ਰਹੇ ਪਾਏਟ ਇੱਕ ਸਾਬਕਾ ਐਸਟ੍ਰੋਨੌਟ ਹਨ ਅਤੇ ਉਨ੍ਹਾਂ ਨੂੰ ਸਾਲ 2017 'ਚ ਗਵਰਨਰ ਜਨਰਲ ਚੁਣਿਆ ਗਿਆ ਸੀ।
