19.99C Vancouver 19.99C VancouverJan 23, 2021 1:20 AM -
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਦੱਸਿਆ ਹੈ ਕਿ ਸਰਕਾਰ ਵੱਲੋਂ ਅਜਿਹੇ ਕਈ ਆਪਸ਼ਨਸ 'ਤੇ ਵਿਚਾਰ ਕੀਤਾ ਜਾ ਰਿਹਾ ਹੈ, ਜਿੰਨਾ ਨਾਲ ਕੈਨੇਡਾ ਪਰਤ ਰਹੇ ਲੋਕਾਂ ਲਈ ਵਧੇਰੇ ਵਿਘਨ ਖੜੇ ਹੋ ਸਕਦੇ ਹਨ।
ਕੋਵਿਡ-19 ਦੇ ਨਵੇਂ ਸਟ੍ਰੇਨ ਦੇ ਕਾਰਨ ਯਾਤਰਾ ਸੰਬੰਧੀ ਸਖਤ ਪਬੰਦੀਆਂ ਲਗਾਉਣ ਬਾਰੇ ਵਿਚਾਰ ਕੀਤਾ ਜਾ ਰਿਹਾ ਹੈ।
ਇਸ 'ਚ ਕੈਨੇਡਾ ਪਰਤਣ 'ਤੇ ਆਪਣੇ ਖਰਚੇ 'ਤੇ ਕਿਸੇ ਹੋਟਲ 'ਚ ਕੁਆਰੰਟੀਨ ਕਰਨ ਜਿਹੇ ਫੈਸਲੇ ਲਏ ਜਾ ਸਕਦੇ ਹਨ।
ਟਰੂਡੋ ਨੇ ਕਿਹਾ ਕਿ ਇਸ ਪ੍ਰਕਾਰ ਦੇ ਫੈਸਲੇ ਅਚਾਨਕ ਅਤੇ ਸਖ਼ਤਾਈ ਦੇ ਨਾਲ ਲਾਗੂ ਕੀਤੇ ਜਾ ਸਕਦੇ ਹਨ।
ਇਹ ਫੈਸਲੇ ਕਿਸੇ ਵੀ ਗੈਰ-ਜ਼ਰੂਰੀ ਯਾਤਰਾ ਲਈ ਲਾਗੂ ਹੋਣਗੇ।
ਯਾਦ ਰਹੇ ਹੁਣ ਵੀ ਕੈਨੇਡਾ ਪਹੁੰਚ ਰਹੇ ਕਿਸੇ ਵੀ ਅੰਤਰਰਾਸ਼ਟਰੀ ਯਾਤਰੀ ਲਈ ਖੁਦ ਨੂੰ 14 ਦਿਨ ਲਈ ਇਕੱਲੇ ਰੱਖਣਾ ਜ਼ਰੂਰੀ ਹੈ।
ਇਸ ਤੋਂ ਇਲਾਵਾ ਕੈਨੇਡਾ 'ਚ ਦਾਖਿਲ ਹੋਣ ਤੋਂ 72 ਘੰਟੇ ਪਹਿਲਾਂ ਕੋਵਿਡ-19 ਟੈਸਟ ਦੇ ਨੈਗੇਟਿਵ ਨਤੀਜੇ ਹਾਸਿਲ ਕਰਨਾ ਵੀ ਜ਼ਰੂਰੀ ਬਣਾਇਆ ਹੋਇਆ ਹੈ।
ਹਾਲਾਂਕਿ ਨਵੇਂ ਫੈਸਲੇ ਤਹਿਤ ਘਰ ਦੀ ਜਗ੍ਹਾ ਕਿਸੇ ਹੋਟਲ 'ਚ ਕੁਆਰੰਟੀਨ ਕਰਨਾ ਪੈ ਸਕਦਾ ਹੈ।
ਜੂਲੀ ਪਾਏਟ ਦੀ ਨਿਯੁਕਤੀ ਦੇ ਸਵਾਲਾਂ 'ਤੇ ਟਰੂਡੋ ਦੀ ਟਿੱਪਣੀ
ਅੱਜ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਜੂਲੀ ਪਾਏਟ ਦੀ ਨਿਯੁਕਤੀ ਅਤੇ ਅਸਤੀਫੇ 'ਤੇ ਜਵਾਬ ਦਿੰਦਿਆਂ ਕਿਹਾ ਕਿ ਕੈਨੇਡਾ 'ਚ ਕਿਸੇ ਵੀ ਅਜਿਹੀ ਨਿਯੁਕਤੀ ਲਈ ਸਖਤ ਪ੍ਰੀਕਿਰਿਆ ਹੈ ਅਤੇ ਉਸ ਦਾ ਪਾਲਣ ਕੀਤਾ ਜਾਂਦਾ ਹੈ।
ਉਨ੍ਹਾਂ ਕਿਹਾ ਕਿ ਇਸ ਮਾਮਲੇ 'ਚ ਵੀ ਪੂਰੀ ਪ੍ਰੀਕਿਰਿਆ ਦਾ ਪਾਲਣ ਹੋਇਆ ਸੀ।
ਹਾਲਾਂਕਿ ਉਨ੍ਹਾਂ ਮੰਨਿਆ ਕਿ ਇਸ ਪ੍ਰੀਕਿਰਿਆ 'ਤੇ ਨਜ਼ਰ ਰੱਖੀ ਜਾਵੇਗੀ ਅਤੇ ਲੋੜੀਂਦੇ ਬਦਲਾਅ ਕੀਤੇ ਜਾ ਸਕਦੇ ਹਨ।
ਪ੍ਰਧਾਨ ਮੰਤਰੀ ਟਰੂਡੋ ਦੀ ਫਾਈਜ਼ਰ ਦੇ ਸੀ.ਈ.ਓ. ਨਾਲ ਹੋਈ ਗੱਲ
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦਾ ਕਹਿਣਾ ਹੈ ਕਿ ਫਾਈਜ਼ਰ ਦੇ ਸੀ.ਈ.ਓ. ਨੇ ਉਨ੍ਹਾਂ ਨੂੰ ਵਿਸ਼ਵਾਸ ਦਵਾਇਆ ਹੈ ਕਿ ਕੈਨੇਡਾ ਕੋਲ ਕੰਪਨੀ ਦੇ ਵਾਅਦੇ ਮੁਤਾਬਿਕ ਸਾਰੀ ਵੈਕਸੀਨ ਖੁਰਾਕਾਂ ਪਹੁੰਚਾਈਆਂ ਜਾਣਗੀਆਂ।
ਪ੍ਰਧਾਨ ਮੰਤਰੀ ਨੇ ਦੱਸਿਆ ਕਿ ਉਨ੍ਹਾਂ ਐਲਬਰਟ ਬੁਰਲਾ ਨਾਲ ਗੱਲ ਕੀਤੀ ਹੈ।
ਉਨ੍ਹਾਂ ਕਿਹਾ ਕਿ ਬੀਤੇ ਕੱਲ ਉਨ੍ਹਾਂ ਦੀ ਫੋਨ ਜ਼ਰੀਏ ਗੱਲਬਾਤ ਹੋਈ ਹੈ।
ਟਰੂਡੋ ਨੇ ਇਹ ਵੀ ਦੱਸਿਆ ਕਿ ਫਰਵਰੀ 'ਚ ਕੈਨੇਡਾ ਕੋਲ ਮੌਡਰਨਾ ਵੈਕਸੀਨ ਦੀਆਂ ਕਰੀਬ ਅੱਧਾ ਮਿਲੀਅਨ ਡੋਜ਼ ਪਹੁੰਚ ਜਾਣਗੀਆਂ।
