25.59C Vancouver 25.59C VancouverApr 14, 2020 5:33 PM -
ਫੈਡਰਲ ਸਰਕਾਰ ਵੱਲੋਂ ਮੰਗਲਵਾਰ ਅੱਧੀ ਰਾਤ ਤੋਂ ਬਾਅਦ ਕੈਨੇਡਾ ਵਾਪਸ ਆਉਣ ਵਾਲੇ ਸਾਰੇ ਯਾਤਰੀਆਂ ਉੱਤੇ 14 ਦਿਨਾਂ ਲਈ ਇਕੱਲਤਾ ਵਿਚ ਰਹਿਣ ਦੇ ਸਖ਼ਤ ਨਿਰਦੇਸ਼ ਲਾਗੂ ਕੀਤੇ ਜਾਣਗੇ।
ਸਰਕਾਰ ਮੁਤਾਬਕ ਇਹ ਨਿਰਦੇਸ਼ ਵਾਪਸ ਆ ਰਹੇ ਸਾਰੇ ਯਾਤਰੀਆਂ ਉੱਤੇ ਲਾਗੂ ਹੁੰਦੇ ਹਨ ਭਾਵੇਂ ਉਨ੍ਹਾਂ ਵਿੱਚ ਕੋਵਿਡ-19 ਦੀਆਂ ਨਿਸ਼ਾਨੀਆਂ ਹਨ ਜਾਂ ਨਹੀਂ।
ਇਨ੍ਹਾਂ ਵਿਅਕਤੀਆਂ ਨੂੰ ਕਮਜ਼ੋਰ, 65 ਸਾਲ ਤੋਂ ਵੱਧ ਉਮਰ ਦੇ ਬਜ਼ੁਰਗਾਂ ਅਤੇ ਉਨ੍ਹਾਂ ਲੋਕਾਂ ਨਾਲ ਰਹਿਣ ਦੀ ਵੀ ਮਨਾਹੀ ਹੋਵੇਗੀ ਜੋ ਪਹਿਲਾਂ ਤੋਂ ਸਿਹਤ ਸਬੰਧੀ ਮੁਸ਼ਕਿਲਾਂ ਦਾ ਸਾਹਮਣਾ ਕਰ ਰਹੇ ਹਨ।
ਜਿਨ੍ਹਾਂ ਕੋਲ ਕੁਆਰੰਟੀਨ ਕਰਨ ਲਈ ਭਰੋਸੇਯੋਗ ਪਲਾਨ ਨਹੀਂ ਹੈ, ਤਾਂ ਸਰਕਾਰ ਵੱਲੋਂ ਮੁਹੱਈਆ ਕਰਵਾਏ ਗਏ ਹੋਟਲ ਵਿੱਚ ਉਨ੍ਹਾਂ ਨੂੰ 14 ਦਿਨਾਂ ਲਈ ਰਹਿਣਾ ਪਵੇਗਾ।
ਡਿਪਟੀ ਪ੍ਰਧਾਨ ਮੰਤਰੀ ਕ੍ਰਿਸਟਿਆ ਫ੍ਰੀਲੈਂਡ ਮੁਤਾਬਕ ਵਾਪਸ ਆ ਰਹੇ ਸਾਰੇ ਕਨੇਡੀਅਨਾਂ ਨੂੰ ਪਹਿਲਾਂ ਤੋਂ ਕੁਆਰੰਟੀਨ ਸਬੰਧੀ ਯੋਜਨਾ ਬਣਾ ਲੈਣੀ ਚਾਹੀਦੀ ਹੈ।
