13.85C Vancouver 13.85C VancouverDec 9, 2024 2:09 PM - The Canadian Press
ਕੈਨੇਡਾ ਦੀ ਮੁੱਖ ਵਿਰੋਧੀ ਧਿਰ ਵਲੋਂ ਪੀ. ਐੱਮ. ਜਸਟਿਨ ਟਰੂਡੋ ਦੀ ਸਰਕਾਰ ਨੂੰ ਡੇਗਣ ਲਈ ਪਿਛਲੇ ਹਫ਼ਤੇ ਪੇਸ਼ ਕੀਤੇ ਗਏ ਬੇਭਰੋਸਗੀ 'ਤੇ ਅੱਜ ਹਾਊਸ ਔਫ ਕੌਮਨਜ਼ ਵਿਚ ਵੋਟ ਹੋਵੇਗੀ।
ਕੰਜ਼ਰਵੇਟਿਵ ਵਲੋਂ ਸਰਕਾਰ ਨੂੰ ਡੇਗਣ ਦੀ ਇਹ ਤੀਜੀ ਕੋਸ਼ਿਸ਼ ਹੈ, ਹਾਲਾਂਕਿ, ਐੱਨ. ਡੀ. ਪੀ. ਦੇ ਸਮਰਥਨ ਨਾਲ ਲਿਬਰਲ ਸਰਕਾਰ ਇਸ ਵਾਰ ਵੀ ਬਚਣ ਦੀ ਸੰਭਾਵਨਾ ਹੈ। ਕੰਜ਼ਰਵੇਟਿਵ ਪਾਰਟੀ ਨੇ ਬੇਭਰੋਸਗੀ ਮਤੇ ਵਿਚ ਜਗਮੀਤ ਸਿੰਘ ਵਲੋਂ ਲਿਬਰਲਸ ਦੀ ਕੀਤੀ ਗਈ ਆਲੋਚਨਾ ਨੂੰ ਸ਼ਾਮਲ ਕੀਤਾ ਸੀ ਅਤੇ ਸਦਨ ਨੂੰ ਐੱਨ. ਡੀ. ਪੀ. ਲੀਡਰ ਦੇ ਵਿਚਾਰਾਂ ਨਾਲ ਸਹਿਮਤ ਹੋਣ ਅਤੇ ਸਰਕਾਰ ਨੂੰ ਡੇਗਣ ਲਈ ਵੋਟ ਕਰਨ ਦੀ ਮੰਗ ਕੀਤੀ ਹੈ। ਹਾਲਾਂਕਿ, ਜਗਮੀਤ ਸਿੰਘ ਨੇ ਪਿਛਲੇ ਹਫਤੇ ਹੀ ਸਾਫ ਕਰ ਦਿੱਤਾ ਸੀ ਕਿ ਉਹ ਕੰਜ਼ਰਵੇਟਿਵ ਦਾ ਸਮਰਥਨ ਨਹੀਂ ਕਰਨਗੇ ਇਸ ਲਈ ਪ੍ਰਸਤਾਵ ਫੇਲ੍ਹ ਹੋਣ ਦੀ ਪੂਰੀ ਸੰਭਾਵਨਾ ਹੈ।
ਇਸ ਦੇ ਨਾਲ ਹੀ ਸਦਨ ਵਲੋਂ ਐੱਨ. ਡੀ. ਪੀ. ਦੇ ਵੀ ਇੱਕ ਪ੍ਰਸਤਾਵ 'ਤੇ ਵੀ ਵੋਟ ਕੀਤੀ ਜਾਣੀ ਹੈ, ਜਿਸ ਵਿਚ $250 ਦੀ ਰਿਬੇਟ ਦਾ ਵਿਸਥਾਰ ਸੇਵਾ ਮੁਕਤ ਬਜ਼ੁਰਗ ਅਤੇ ਅਪਾਹਜਤਾ ਲਾਭ 'ਤੇ ਨਿਰਭਰ ਲੋਕਾਂ ਤੱਕ ਕਰਨ ਦੀ ਮੰਗ ਕੀਤੀ ਗਈ ਹੈ।
