14.37C Vancouver 14.37C VancouverMar 19, 2021 7:26 PM -
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦਾ ਕਹਿਣਾ ਹੈ ਕਿ ਸਰਕਾਰ ਵੱਲੋਂ ਕੁਝ ਫਾਈਨਲ ਕਦਮ ਚੁੱਕੇ ਜਾ ਰਹੇ ਹਨ ਜਿਸ ਨਾਲ ਅਮਰੀਕਾ ਵੱਲੋਂ ਕੈਨੇਡਾ ਨੂੰ ਔਕਸਫਰਡ-ਐਸਟ੍ਰਾਜ਼ੈਨਕਾ ਦੀਆਂ 1.5 ਮਿਲੀਅਨ ਖੁਰਾਕਾਂ ਭੇਜਣ ਦਾ ਰਸਤਾ ਖੁੱਲ੍ਹ ਸਕੇ।
ਇਸੇ ਵਿਚਾਲੇ ਵਾਈਟ ਹਾਊਸ ਨੇ ਪੁਸ਼ਟੀ ਕੀਤੀ ਹੈ ਕਿ ਅਮਰੀਕਾ ਵੱਲੋਂ ਕੈਨੇਡਾ ਅਤੇ ਮੈਕਸੀਕੋ ਨੂੰ ਇਸ ਵੈਕਸੀਨ ਦੀਆਂ ਕੁੱਲ 4 ਮਿਲੀਅਨ ਖੁਰਾਕਾਂ ਦੀ ਡਿਲੀਵਰੀ ਕੀਤੀ ਜਾਵੇਗੀ।
ਪ੍ਰੈਜ਼ੀਡੈਂਟ ਦੇ ਕਾਉਂਸਲਰ ਅਤੇ ਕੋਰੋਨਾ ਵਾਇਰਸ ਰਿਸਪਾਂਸ ਕੋਆਰਡੀਨੇਟਰ ਜੈਫਰੀ ਜ਼ੀਐਂਟਸ ਨੇ ਦੱਸਿਆ ਕਿ ਇਹ ਐਸਟ੍ਰਾਜ਼ੈਨਕਾ ਦੀਆਂ ਵੈਕਸੀਨ ਹੋਣਗੀਆਂ, ਜਿਸ ਨੂੰ ਕਿ ਅਮਰੀਕਾ 'ਚ ਵਰਤਣ ਦੀ ਮਨਜ਼ੂਰੀ ਨਹੀਂ ਮਿਲੀ ਹੈ।
ਪ੍ਰੋਕਿਓਰਮੈਂਟ ਮੰਤਰੀ ਅਨੀਤਾ ਅਨੰਦ ਅਨੁਸਾਰ, ਇਹ ਖੁਰਾਕਾਂ ਇਸੇ ਮਹੀਨੇ ਦੇ ਅੰਤ ਤਕ ਪਹੁੰਚ ਸਕਦੀਆਂ ਹਨ।
ਟਰੂਡੋ ਨੇ ਨਾਲ ਹੀ ਦੱਸਿਆ ਕਿ ਕਨੇਡੀਅਨ ਆਰਮਡ ਫੋਰਸਿਜ਼ ਨੂੰ ਉੱਤਰੀ ਮੈਨੀਟੋਬਾ ਦੇ 23 ਫਰਸਟ ਨੇਸ਼ਨਸ 'ਚ ਜ਼ਿੰਮੇਵਾਰੀ ਸੌਂਪੀ ਜਾ ਰਹੀ ਹੈ।
ਇਹ ਟੀਮਾਂ ਉਨ੍ਹਾਂ ਕਮਿਊਨਿਟੀਸ ਤਕ ਵੈਕਸੀਨੇਸ਼ਨ 'ਚ ਮਦਦ ਪ੍ਰਦਾਨ ਕਰਨਗੀਆਂ ਜਿੱਥੇ ਪਹੁੰਚ ਕਰਨੀ ਮੁਸ਼ਕਿਲ ਹੈ।
