16.59C Vancouver 16.59C VancouverJan 25, 2021 8:37 PM -
ਡਿਪਟੀ ਪ੍ਰਧਾਨ ਮੰਤਰੀ ਅਤੇ ਵਿੱਤ ਮੰਤਰੀ, ਕ੍ਰਿਸਟੀਆ ਫ੍ਰੀਲੈਂਡ ਨੇ ਕਨੇਡੀਅਨ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਉਹ ਆਪਣੇ 2 ਸੈਂਟ ਦੇਸ਼ ਨੂੰ ਸਮਰਪਿਤ ਕਰਨ ਲਈ ਤਿਆਰ ਰਹਿਣ।
ਇਹ ਟਿੱਪਣੀ ਉਸ ਵੇਲੇ ਕੀਤੀ ਗਈ ਹੈ, ਜਦ ਦੇਸ਼ ਦੇ ਇਤਿਹਾਸ ਸਭ ਤੋਂ ਅਹਿਮ ਮੰਨੇ ਜਾ ਰਹੇ ਬਜਟ ਨੂੰ ਪੇਸ਼ ਕੀਤੇ ਜਾਣ ਦੀ ਤਿਆਰੀ ਕੀਤੀ ਜਾ ਰਹੀ ਹੈ।
ਫ੍ਰੀਲੈਂਡ ਨੇ ਦੱਸਿਆ ਕਿ ਕੈਨੇਡਾ ਨੂੰ ਪੈਂਡੈਮਿਕ ਤੋਂ ਉਭਾਰਨ ਲਈ ਕੰਸਲਟੇਸ਼ਨ ਯਾਨੀ ਕਿ ਸਲਾਹ-ਮਸ਼ਵਰੇ ਦੀ ਸ਼ੁਰੂਆਤ ਹੋ ਰਹੀ ਹੈ।
ਉਨ੍ਹਾਂ ਕਿਹਾ ਕਿ ਉਹ ਚਾਹੁੰਦੀ ਹਨ ਕਿ ਲੋਕ ਆਪਣੀਆਂ ਤਰਜੀਹਾਂ ਸਾਂਝੀਆਂ ਕਰਨ ਤਾਂ ਜੋ ਸਰਕਾਰ ਦੇ ਪਰਿਵਾਰਾਂ ਅਤੇ ਵਪਾਰਾਂ ਨੂੰ ਸਹਿਯੋਗ 'ਚ ਹੋਰ ਜਾਣਕਾਰੀ ਮਿਲ ਸਕੇ।
ਇਸ ਦੇ ਲਈ ਸਰਕਾਰ ਨੇ ਇੱਕ ਵੈਬਸਾਈਟ ਵੀ ਲਾਂਚ ਕੀਤੀ ਹੈ।
letstalkbudget2021.ca ਨਾਮ ਦੀ ਵੈਬਸਾਈਟ 'ਤੇ ਕਨੇਡੀਅਨ ਲੋਕ ਕੁਝ ਸਵਾਲਾਂ ਦੇ ਜਵਾਬ ਦੇ ਕੇ ਆਪਣੀਆਂ ਸਲਾਹਾਂ ਸਾਂਝੀਆਂ ਕਰ ਸਕਦੇ ਹਨ।
ਫ੍ਰੀਲੈਂਡ ਨੇ ਕਿਹਾ ਟਰੂਡੋ ਸਰਕਾਰ ਵੱਲੋਂ ਕੈਨੇਡਾ-ਯੂ.ਐਸ. ਇਕਾਨਮੀਜ਼ ਦੇ ਇੱਕ-ਦੂਜੇ ਨਾਲ ਜੁੜੇ ਹੋਣ 'ਤੇ ਦਿੱਤੇ ਜਾਵੇਗਾ ਜ਼ੋਰ
ਅਮਰੀਕਾ 'ਚ ਵਾਈਟ ਹਾਊਸ ਨੇ ਇੱਕ ਨਵੇਂ ਐਗਜ਼ੀਕਿਊਟਿਵ ਆਰਡਰ ਦਾ ਐਲਾਨ ਕੀਤਾ ਹੈ।
ਇਸ 'ਚ ਬਾਈ ਅਮਰੀਕਨ ਮੁਹਿੰਮ (ਅਮਰੀਕਾ ਦੇ ਅੰਦਰ ਦੀ ਵਧੇਰੇ ਖਰੀਦ ਦੀ ਮੁਹਿੰਮ) ਨੂੰ ਤਰਜੀਹ ਦਿੱਤੇ ਜਾਣ ਦਾ ਐਲਾਨ ਕੀਤਾ ਗਿਆ ਹੈ।
ਇਸ ਦਾ ਟੀਚਾ ਅਮਰੀਕੀ ਵਰਕਰਾਂ ਅਤੇ ਕੰਪਨੀਆਂ ਨੂੰ ਸਰਕਾਰ ਦੇ ਖਰਚੇ ਦਾ ਲਾਭ ਪਹੁੰਚਾਉਣਾ ਹੈ।
ਡਿਪਟੀ ਪ੍ਰਧਾਨ ਮੰਤਰੀ ਕ੍ਰਿਸਟੀਆ ਫ੍ਰੀਲੈਂਡ ਦਾ ਕਹਿਣਾ ਹੈ ਕਿ ਟਰੂਡੋ ਸਰਕਾਰ ਵੱਲੋਂ ਦੋਨਾਂ ਇਕਾਨਮੀਆਂ ਦੀ ਇੱਕ-ਦੂਜੇ 'ਤੇ ਨਿਰਭਰਤਾ ਅਤੇ ਇੱਕ-ਦੂਜੇ ਨਾਲ ਜੁੜੇ ਹੋਣ 'ਤੇ ਜ਼ੋਰ ਦਿੱਤਾ ਜਾਵੇਗਾ।
ਯਾਦ ਰਹੇ ਬੀਤੇ ਹਫ਼ਤੇ ਰਾਸ਼ਟਰਪਤੀ ਜੋ ਬਾਈਡਨ ਨੇ ਕੀਸਟੋਨ ਐਕਸ.ਐਲ. ਪਾਈਪਲਾਈਨ ਐਕਸਪੈਂਸ਼ਨ 'ਤੇ ਵੀ ਰੋਕ ਲਗਾ ਦਿੱਤੀ ਸੀ।
