10.85C Vancouver 10.85C VancouverJul 24, 2020 5:48 PM -
ਫ਼ੈਡਰਲ ਸਰਕਾਰ ਦੁਆਰਾ ਚਾਈਲਡ ਕੇਅਰ ਸੈਕਟਰ ਨੂੰ 625 ਮਿਲੀਅਨ ਡੌਲਰ ਦਾ ਸਹਿਯੋਗ ਦਿੱਤਾ ਜਾ ਰਿਹਾ ਹੈ।
ਮਾਪਿਆਂ ਵੱਲੋਂ ਪੈਂਡੇਮਿਕ ਲੌਕਡਾਊਨ ਦੀ ਸਥਿਤੀ ਤੋਂ ਬਾਅਦ ਕੰਮ ਤੇ ਵਾਪਿਸ ਜਾਣ ਲਈ ਸਰਕਾਰ ਤੋਂ ਕਦਮ ਚੁੱਕਣ ਦੀ ਮੰਗ ਕੀਤੀ ਜਾ ਰਹੀ ਸੀ, ਜਿਸ ਨੂੰ ਦੇਖਦੇ ਹੋਏ ਸਰਕਾਰ ਨੇ ਇਹ ਫ਼ੈਸਲਾ ਲਿਆ ਹੈ।
ਮਿਨਿਸਟਰ ਔਫ਼ ਫੈਮੀਲੀਜ਼, ਚਿਲਡਰਨ ਐਂਡ ਸੋਸ਼ਲ ਡਿਵੈਪਲਮੈਂਟ ਅਹਿਮਦ ਹੁਸੈਨ ਨੇ ਸ਼ੁੱਕਰਵਾਰ ਨੂੰ ਕਿਹਾ ਕਿ ਇਹ ਨਿਵੇਸ਼ ਯਕੀਨੀ ਬਣਾਏਗਾ ਕਿ ਮਾਪਿਆਂ ਦੇ ਹੌਲੀ-ਹੌਲੀ ਕੰਮ ਤੇ ਵਾਪਿਸ ਜਾਂਦਿਆਂ ਕਾਫ਼ੀ, ਸੁਰੱਖਿਅਤ ਅਤੇ ਕਿਫ਼ਾਇਤੀ ਚਾਈਲਡ ਕੇਅਰ ਸਪੇਸਿਸ ਮੁਹੱਈਆ ਕਰਵਾਈਆਂ ਜਾ ਸਕਣ।
ਇਹ ਨਿਵੇਸ਼ ਫੈਡਰਲ ਸਰਕਾਰ ਦੇ ਸੂਬਿਆਂ ਅਤੇ ਟੈਰੇਟੋਰੀਜ਼ ਲਈ ਜਾਰੀ ਕੀਤੇ ਗਏ $19 ਬਿਲੀਅਨ ਦੇ ਸੇਫ਼ ਰੀਸਟਾਰਟ ਐਗ੍ਰੀਮੈਂਟ ਦਾ ਹਿੱਸਾ ਹੈ।
ਮਾਪਿਆਂ ਦੁਆਰਾ ਸਕੂਲ ਅਤੇ ਡੇਅਕੇਅਰ ਫੇਸੀਲੀਟੀਜ਼ ਖੋਲਣ ਦੀ ਕਾਫ਼ੀ ਦੇਰ ਤੋਂ ਮੰਗ ਕੀਤੀ ਜਾ ਰਹੀ ਸੀ, ਪਰ ਬਾਰਜ਼, ਗੌਲਫ਼ ਕੋਰਸਿਜ਼, ਜਿੱਮ ਅਤੇ ਹੋਰ ਰੀਕ੍ਰੀਏਸ਼ਨਲ ਫੇਸੀਲੀਟੀਜ਼ ਦੇ ਪਹਿਲਾਂ ਖੁੱਲ੍ਹਣ 'ਤੇ ਸਿਆਸਤਦਾਨਾਂ ਉੱਤੇ ਆਪਣੀ ਤਰਹੀਜ਼ਾਂ ਭੁੱਲਣ ਦੇ ਇਲਜ਼ਾਮ ਲੱਗ ਰਹੇ ਸਨ, ਜਿਸ ਤੋਂ ਬਾਅਦ ਚੁੱਕਿਆ ਗਿਆ ਇਹ ਕਦਮ ਅਹਿਮ ਮੰਨਿਆ ਜਾ ਰਿਹਾ ਹੈ।
