16.33C Vancouver 16.33C VancouverMay 7, 2020 8:21 PM -
ਗਵਰਨਰ ਜਨਰਲ ਜੂਲੀ ਪਾਏਟ ਦਾ ਕਹਿਣਾ ਹੈ ਕਿ ਕੋਵਿਡ-19 ਪੈਂਡੇਮਿਕ ਤੋਂ ਕਈ ਪ੍ਰਕਾਰ ਦੀ ਸਿੱਖਿਆ ਮਿਲ ਰਹੀ ਹੈ ਅਤੇ ਇਸਦਾ ਲਾਭ ਆਉਣ ਵਾਲੇ ਕਈ ਪ੍ਰਕਾਰ ਦੇ ਸੰਕਟਾਂ ਦੌਰਾਨ ਵੀ ਹੋ ਸਕੇਗਾ।
ਪਾਏਟ ਨੇ ਕਿਹਾ ਕਿ ਜਵਾਲਾਮੁਖੀ ਫਟਣਾ ਜਾਂ ਐਸਟੀਰਾਇਡਸ ਜੇਹੀਆਂ ਕੁਦਰਤੀ ਆਫਤਾਂ, ਕੈਨੇਡਾ 'ਚ ਜੀਵਨ ਨੂੰ ਪ੍ਰਭਾਵਿਤ ਕਰ ਸਕਦੀਆਂ ਹਨ।
ਹਾਲਾਂਕਿ ਉਨ੍ਹਾਂ ਕਿਹਾ ਕਿ ਅਜਿਹੇ ਮਾਮਲਿਆਂ 'ਚ ਸਾਇੰਸ ਮਦਦ ਪ੍ਰਦਾਨ ਕਰ ਸਕਦੀ ਹੈ ਅਤੇ ਇਸਦੇ ਬਾਰੇ ਪਹਿਲਾਂ ਪਤਾ ਲਗਾਇਆ ਜਾ ਸਕਦਾ ਹੈ ਅਤੇ ਇਸਤੇ ਜਵਾਬੀ ਕਾਰਵਾਈ ਲਈ ਸਮਾਂ ਮਿਲ ਸਕਦਾ ਹੈ ਅਤੇ ਪਲੈਨਿੰਗ ਕੀਤੀ ਜਾ ਸਕਦੀ ਹੈ।
ਪਾਏਟ ਖੁਦ ਇੱਕ ਐਸਟ੍ਰੋਨੌਟ (astronaut) ਰਹਿ ਚੁੱਕੀ ਹਨ, ਅਤੇ ਉਨ੍ਹਾਂ ਕਿਹਾ ਕਿ, ਉਨ੍ਹਾਂ ਦੇ ਕੰਮ ਨੇ ਸਿਖਾਇਆ ਸੀ ਕਿ, ਪਲੈਨਿੰਗ 'ਤੇ ਕਾਫੀ ਸਮਾਂ ਬਿਤਾਉਣਾ ਪੈ ਸਕਦਾ ਹੈ, ਅਤੇ ਜਦ ਸਭ ਕੁਝ ਸੋਚੇ ਅਨੁਸਾਰ ਨਾ ਹੋ ਰਿਹਾ ਹੋਵੇ ਤਾਂ ਟੀਮ ਵਰਕ (team work) ਨਾਲ ਬੇਹਤਰ ਨਤੀਜੇ ਹਾਸਿਲ ਕੀਤੇ ਜਾ ਸਕਦੇ ਹਨ।
