ਓਨਟਾਰੀਓ ਦੇ ਵਿਟਬੇਅ ਇਲਾਕੇ ਵਿਚ ਹਾਈਵੇ 401 ’ਤੇ ਵਾਪਰਿਆ ਵੱਡਾ ਹਾਦਸਾ, 4 ਲੋਕਾਂ ਦੀ ਮੌਤ

ਓਨਟਾਰੀਓ ਦੇ ਵਿਟਬੇਅ ਇਲਾਕੇ ਵਿਚ ਹਾਈਵੇ 401 ’ਤੇ ਵੱਡਾ ਹਾਦਸਾ ਵਾਪਰਿਆ ਹੈ, ਜਿਸ ਵਿਚ ਇੱਕ ਮਾਸੂਮ ਬੱਚੇ ਸਮੇਤ 4 ਲੋਕਾਂ ਦੀ ਮੌਤ ਹੋ ਗਈ। ਇਹ ਦੁਰਘਟਨਾ ਕਲੇਰਿੰਗਟਨ ਵਿਚ ਡਕੈਤੀ ਕਰਕੇ ਭੱਜ ਰਹੇ ਸ਼ੱਕੀਆਂ ਦੀ ਇੱਕ ਗੱਡੀ ਦੇ ਹਾਈਵੇ ’ਤੇ ਗਲਤ ਦਿਸ਼ਾ ਵਿਚ ਦਾਖ਼ਲ ਹੋਣ ਕਾਰਨ ਹੋਈ।

ਪੁਲਿਸ ਦਾ ਕਹਿਣਾ ਹੈ ਕਿ ਘਟਨਾ ਕੱਲ ਸ਼ਾਮ ਦੀ ਹੈ। ਕਰੀਬ 7.50 ਵਜੇ ਪੁਲਿਸ ਨੂੰ ਕਲੇਰਿੰਗਟਨ ਵਿਖੇ ਲੁੱਟ ਦੀ ਸੂਚਨਾ ਮਿਲੀ ਅਤੇ ਅਧਿਕਾਰੀਆਂ ਦੇ ਪਹੁੰਚਣ ’ਤੇ ਉਹ ਗੱਡੀ ਵਿਚ ਭੱਜ ਨਿਕਲੇ। ਓਨਟਾਰੀਓ ਦੀ ਪੁਲਿਸ ਵਾਚਡੌਗ ਨੇ ਕਿਹਾ ਕਿ ਅਧਿਕਾਰੀਆਂ ਵਲੋਂ ਸ਼ੱਕੀ ਵਾਹਨ ਦਾ ਪਿੱਛਾ ਹੁਣਸਪੈਸ਼ਲ ਇਨਵੈਸਟੀਗੇਸ਼ਨ ਯੂਨਿਟ ਵਲੋਂ ਜਾਂਚ ਦਾ ਵਿਸ਼ਾ ਹੈ। ਹਾਈਵੇ 401 ’ਤੇ

ਟਰਾਂਸਪੋਰਟ ਟਰੱਕ ਅਤੇ ਕਾਰ ਵਿਚਾਲੇ ਟੱਕਰ ਹੋਈ। ਹਾਦਸੇ ਤੋਂ ਬਾਅਦ ਸਾਹਮਣੇ ਆਈਆਂ ਤਸਵੀਰਾਂ ਵਿਚ ਦੇਖਿਆ ਜਾ ਸਕਦਾ ਹੈ ਕਿ ਦੋਵੇਂ ਵਾਹਨ ਬੁਰੀ ਤਰ੍ਹਾਂ ਨੁਕਸਾਨੇ ਗਏ। ਫਿਲਹਾਲ ਹਾਦਸੇ ਵਿਚ ਮਾਰੇ ਗਏ ਲੋਕਾਂ ਦੀ ਪਛਾਣ ਸਾਂਝੀ ਨਹੀਂ ਕੀਤੀ।