13.88C Vancouver 13.88C VancouverJun 1, 2021 5:41 PM -
ਗ੍ਰੀਸ, ਜਰਮਨੀ ਅਤੇ 5 ਹੋਰ ਯੂਰੋਪੀਅਨ ਯੂਨੀਅਨ ਦੇਸ਼ਾਂ ਨੇ ਇੱਕ ਵੈਕਸੀਨੇਸ਼ਨ ਸਰਟੀਫਿਕੇਟ ਸਿਸਟਮ ਪੇਸ਼ ਕੀਤਾ ਹੈ।
ਇਹ ਸਰਟੀਫਿਕੇਟ ਯਾਤਰਾ ਦੇ ਲਈ ਇਸਤੇਮਾਲ ਕੀਤਾ ਜਾਵੇਗਾ ਅਤੇ ਯਾਤਰੀਆਂ ਦੇ ਵੈਕਸੀਨ ਹਾਸਿਲ ਕਰਨ ਦਾ ਪ੍ਰਮਾਣ ਪੇਸ਼ ਕਰੇਗਾ।
27 ਦੇਸ਼ਾਂ ਦੇ ਬਲੌਕ 'ਚ ਇਸ ਸਰਟੀਫਿਕੇਟ ਸੰਬੰਧੀ ਪ੍ਰੋਗਰਾਮ ਦੀ ਸ਼ੁਰੂਆਤ 1 ਜੁਲਾਈ ਤੋਂ ਕਰਨ ਦੀ ਜਾਣਕਾਰੀ ਦਿੱਤੀ ਜਾ ਰਹੀ ਹੈ।
ਇਸ ਪ੍ਰੋਗਰਾਮ ਨੂੰ ਪੇਸ਼ ਕਰਨ ਵਾਲੇ ਬਾਕੀ ਦੇਸ਼ਾਂ 'ਚ ਬੁਲਗਾਰੀਆ, ਚੈਕ ਰਿਪਬਲਿਕ, ਡੈਨਮਾਰਕ, ਕਰੋਏਸ਼ੀਆ ਅਤੇ ਪੋਲੈਂਡ ਸ਼ਾਮਿਲ ਹਨ।
ਵੱਡੇ ਪੱਧਰ 'ਤੇ ਟੂਰਿਜ਼ਮ 'ਤੇ ਨਿਰਭਰ ਕਰਨ ਵਾਲਾ ਗ੍ਰੀਸ, ਇਸ ਸਾਂਝੇ ਪੱਧਰ 'ਤੇ ਰੈਕੋਗਨਾਈਜ਼ ਕੀਤੇ ਜਾਣ ਵਾਲੇ ਸਰਟੀਫਿਕੇਟ ਦੀ ਵਰਤੋਂ 'ਤੇ ਜ਼ੋਰ ਦਿੰਦਾ ਰਿਹਾ ਹੈ।
ਇਸ 'ਚ ਕਿਉ.ਆਰ. ਕੋਡ ਅਤੇ ਹੋਰ ਐਡਵਾਂਸਡ ਸਿਕਿਉਰਿਟੀ ਫੀਚਰ ਵਰਤੇ ਜਾਣਗੇ।
ਇਹ ਸਰਟੀਫਿਕੇਟ ਅਜਿਹੇ ਲੋਕਾਂ ਨੂੰ ਦਿੱਤੇ ਜਾਣਗੇ ਜੋ ਪੂਰੀ ਤਰ੍ਹਾਂ ਵੈਕਸੀਨੇਟ ਹੋ ਚੁੱਕੇ ਹਨ ਜਾਂ ਜਿਹੜੇ ਲੋਕ ਵਾਇਰਸ ਤੋਂ ਪੀੜਤ ਹੋਣ ਤੋਂ ਬਾਅਦ ਇਸ ਪ੍ਰਤੀ ਐਂਟੀਬੌਡੀ ਸਥਾਪਿਤ ਕਰ ਚੁੱਕੇ ਹਨ।
72 ਘੰਟੇ ਵਿਚਾਲੇ ਪੀ.ਸੀ.ਆਰ. ਟੈਸਟ ਹਾਸਿਲ ਕਰਨ ਵਾਲੇ ਲੋਕਾਂ ਨੂੰ ਵੀ ਇਹ ਸਰਟੀਫਿਕੇਟ ਜਾਰੀ ਕੀਤਾ ਜਾਵੇਗਾ।
ਈ.ਯੂ. ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਇਹਨਾਂ ਸਰਟੀਫਿਕੇਟਸ ਨਾਲ ਬਲੌਕ 'ਚ ਯਾਤਰਾ ਕਰਨਾ ਆਸਾਨ ਬਣ ਸਕੇਗਾ।
