13.89C Vancouver 13.89C VancouverApr 16, 2025 5:41 PM - Connect Newsroom
ਕੈਨੇਡਾ ਵਿਚ 28 ਅਪ੍ਰੈਲ ਨੂੰ ਵੋਟਾਂ ਤੋਂ ਪਹਿਲਾਂ ਅੱਜ ਅਤੇ ਕੱਲ੍ਹ ਫੈਡਰਲ ਲੀਡਰ ਦੀ ਹੋਣ ਵਾਲੀ ਡਿਬੇਟ ਵਿਚੋਂ ਗ੍ਰੀਨ ਪਾਰਟੀ ਨੂੰ ਬਾਹਰ ਕਰ ਦਿੱਤਾ ਗਿਆ ਹੈ। ਸਰਕਾਰ ਦੀ ਏਜੰਸੀ ਲੀਡਰਾਂ ਦੀ ਬਹਿਸ ਕਮਿਸ਼ਨ ਜਿਸ ਨੂੰ ਫ੍ਰੈਂਚ ਅਤੇ ਇੰਗਲਿਸ਼ ਡਿਬੇਟ ਆਯੋਜਨ ਕਰਨ ਦਾ ਜਿੰਮਾ ਸੌਂਪਿਆ ਗਿਆ ਹੈ, ਉਸ ਦਾ ਕਹਿਣਾ ਹੈ ਕਿ ਡਿਬੇਟ ਵਿਚ ਸ਼ਮੂਲੀਅਤ ਲਈ ਜ਼ਰੂਰੀ ਸ਼ਰਤਾਂ ਨੂੰ ਪੂਰਾ ਨਾ ਕਰਨ ਕਾਰਨ ਗ੍ਰੀਨ ਪਾਰਟੀ ਨੂੰ ਦਿੱਤਾ ਸੱਦਾ ਰੱਦ ਕੀਤਾ ਗਿਆ ਹੈ।
ਕਮਿਸ਼ਨ ਨੇ ਕਿਹਾ ਕਿ ਗ੍ਰੀਨ ਪਾਰਟੀ ਨੇ ਜਾਣਬੁੱਝ ਕੇ ਫੈਡਰਲ ਚੋਣਾਂ ਵਿਚ ਹਿੱਸਾ ਲੈਣ ਵਾਲੇ ਆਪਣੇ ਉਮੀਦਵਾਰਾਂ ਦੀ ਗਿਣਤੀ ਘਟਾਈ ਹੈ, ਜਿਸ ਕਾਰਨ ਹੁਣ ਉਹ ਸ਼ਮੂਲੀਅਤ ਦੇ ਮਾਪਦੰਡਾਂ ਨੂੰ ਪੂਰਾ ਨਹੀਂ ਕਰਦੀ।
ਕਮਿਸ਼ਨ ਨੇ ਕਿਹਾ ਕਿ ਗ੍ਰੀਨ ਪਾਰਟੀ ਨੇ ਮਾਰਚ ਵਿਚ 343 ਉਮੀਦਵਾਰਾਂ ਦੀ ਸੂਚੀ ਜਮ੍ਹਾਂ ਕਰਵਾਈ ਸੀ ਪਰ ਇਲੈਕਸ਼ਨ ਕੈਨੇਡਾ ਨੇ ਗ੍ਰੀਨ ਦੇ ਬੈਨਰ ਹੇਠ ਚੋਣ ਲੜ ਰਹੇ ਸਿਰਫ਼ 232 ਉਮੀਦਵਾਰਾਂ ਦੀ ਸੂਚੀ ਦਿੱਤੀ ਹੈ, ਜਿਸ ਦਾ ਮਤਲਬ ਹੈ ਕਿ ਗ੍ਰੀਨ ਪਾਰਟੀ ਦੇ ਉਮੀਦਵਾਰ ਲਗਭਗ 68 ਫੀਸਦੀ ਹਲਕਿਆਂ ਵਿਚ ਹੀ ਚੋਣ ਲੜ ਰਹੇ ਹਨ ਅਤੇ ਪਾਰਟੀ 90 ਫੀਸਦੀ ਦੇ ਮਾਪਦੰਡ ਨੂੰ ਪੂਰਾ ਨਹੀਂ ਕਰਦੀ।
ਗ੍ਰੀਨ ਪਾਰਟੀ ਨੇ ਹਾਲ ਹੀ ਵਿਚ ਉਨ੍ਹਾਂ ਹਲਕਿਆਂ ਤੋਂ ਵੀ ਉਮੀਦਵਾਰ ਵਾਪਸ ਲਏ ਹਨ ਜਿੱਥੇ ਉਸ ਨੂੰ ਲੱਗਦਾ ਹੈ ਕਿ ਕੰਜ਼ਰਵੇਟਿਵ ਪਾਰਟੀ ਜਿੱਤ ਸਕਦੀ ਹੈ।
