21.88C Vancouver 21.88C VancouverDec 12, 2023 10:46 PM - The Canadian Press
ਹਾਊਸ ਆਫ ਕਾਮਨਜ਼ ਦੇ ਸਪੀਕਰ ਗ੍ਰੇਗ ਫਰਗਸ ਦੀ ਵਿਵਾਦਤ ਵੀਡੀਓ 'ਤੇ ਚਰਚਾ ਰੁਕਣ ਦਾ ਨਾਮ ਨਹੀਂ ਲੈ ਰਹੀ ,ਬੇਸ਼ੱਕ ਉਹਨਾਂ ਵੱਲੋਂ ਹਾਊਸ ਦੀ ਪ੍ਰੋਸੀਡਰ ਕਮੇਟੀ ਸਾਹਮਣੇ ਪੇਸ਼ ਹੋ ਕੇ ਮਾਫੀ ਮੰਗੀ ਗਈ ਹੈ।
ਹੁਣ ਫੈਡਰਲ ਨਿਊ ਡੈਮੋਕਰੇਟਸ ਦਾ ਕਹਿਣਾ ਹੈ ਕਿ ਉਹ ਗ੍ਰੇਗ ਫਰਗਸ ਤੋਂ ਅਸਤੀਫੇ ਦੀ ਮੰਗ ਨਹੀਂ ਕਰਨਗੇ। ਐਨਡੀਪੀ ਹਾਊਸ ਦੇ ਨੇਤਾ ਪੀਟਰ ਜੂਲੀਅਨ ਦਾ ਕਹਿਣਾ ਹੈ ਕਿ ਫਰਗਸ ਨੂੰ ਦੁਬਾਰਾ ਮੁਆਫੀ ਮੰਗਣੀ ਪਵੇਗੀ ਅਤੇ ਜੁਰਮਾਨਾ ਭਰਨਾ ਪਵੇਗਾ , ਹਾਲਾਂਕਿ ਉਨ੍ਹਾਂ ਨੇ ਇਹ ਨਹੀਂ ਦੱਸਿਆ ਕਿ ਇਹ ਜੁਰਮਾਨਾ ਕਿੰਨਾ ਹੋ ਸਕਦਾ ਹੈ।
ਜ਼ਿਕਰਯੋਗ ਹੈ ਕਿ ਫਰਗਸ ਦਾ ਇਹ ਵਿਵਾਦ ਉਨ੍ਹਾਂ ਦੇ ਵੀਡੀਓ ਮੈਸੇਜ ਨੂੰ ਲੈ ਕੇ ਹੈ ਜੋ ਹਾਲ ਹੀ ਵਿੱਚ ਓਨਟੇਰੀਓ ਦੀ ਲਿਬਰਲ ਲੀਡਰਸ਼ਿਪ ਸੰਮੇਲਨ ਵਿੱਚ ਚਲਾਇਆ ਗਿਆ ਸੀ। ਇਸ 105 ਸਕਿੰਟ ਦੀ ਵੀਡੀਓ ਵਿੱਚ ਫਰਗਸ ਨੇ ਸਪੀਕਰ ਦੇ ਚੈਂਬਰ ਤੋਂ ਓਨਟੇਰਿਓ ਲਿਬਰਲ ਪਾਰਟੀ ਦੇ ਅੰਤਰਿਮ ਲੀਡਰ ਤੇ ਆਪਣੇ ਪੁਰਾਣੇ ਮਿੱਤਰ ਜੌਨ ਫਰੇਜ਼ਰ ਦੀ ਵਿਦਾਇਗੀ ਮੌਕੇ ਤੇ ਉਨ੍ਹਾਂ ਨੂੰ ਸ਼ਰਧਾਂਜਲੀ ਦਿੱਤੀ ਸੀ। ਇਸ ਦੌਰਾਨ ਉਹ ਸਪੀਕਰ ਦੀ ਪੁਸ਼ਾਕ ਵਿੱਚ ਵੀ ਸਨ, ਜਿਸ ਨੂੰ ਲੈ ਕੇ ਕੰਜ਼ਰਵੇਟਿਵ ਅਤੇ ਬਲਾਕ ਕਿਊਬੈਕਵਾ ਉਨ੍ਹਾਂ ਦੇ ਅਸਤੀਫੇ ਦੀ ਮੰਗ ਕਰ ਰਹੇ ਸਨ।
ਫਰਗਸ ਨੇ ਸੋਮਵਾਰ ਨੂੰ ਹਾਊਸ ਦੀ ਪ੍ਰੋਸੀਡਰ ਕਮੇਟੀ ਤੋਂ ਮੁਆਫੀ ਮੰਗੀ, ਜੋ ਇਸ ਹਫਤੇ ਹਾਊਸ ਆਫ ਕਾਮਨਜ਼ ਨੂੰ ਵਾਪਸ ਰਿਪੋਰਟ ਕਰੇਗੀ ਕੀ ਇਸਨੂੰ ਮਨਜ਼ੂਰੀ ਦਿੱਤੀ ਜਾਣੀ ਚਾਹੀਦੀ ਹੈ ਜਾਂ ਨਹੀਂ।
