11.4C Vancouver 11.4C VancouverMay 7, 2020 10:40 PM -
ਗਰੇਹਾਉਂਡ ਕੈਨੇਡਾ ਨੇ ਟੈਂਪਰੇਰੀ ਪੱਧਰ 'ਤੇ ਆਪਣੀਆਂ ਸਾਰੀਆਂ ਬੱਸ ਸੇਵਾਵਾਂ ਰੱਦ ਕਰਨ ਦਾ ਫੈਸਲਾ ਲਿਆ ਹੈ।
ਕੋਵਿਡ-19 ਪੈਂਡੇਮਿਕ ਕਾਰਨ ਰਾਈਡਰਸ਼ਿਪ 'ਚ ਆਈ ਗਿਰਾਵਟ ਕਾਰਨ ਇਹ ਫੈਸਲਾ ਲਿਆ ਗਿਆ ਹੈ।
ਟਰਾਂਸਪੋਰਟੇਸ਼ਨ ਕੰਪਨੀ ਦਾ ਕਹਿਣਾ ਹੈ ਕਿ 13 ਮਈ ਤੋਂ ਓਹ ਸਾਰੇ ਰੂਟਸ 'ਤੇ ਉਸ ਵੇਲੇ ਤੱਕ ਸੇਵਾਵਾਂ ਰੋਕਣ ਜਾ ਰਹੇ ਹਨ, ਜਦ ਤੱਕ ਕਿ ਪਸੈਂਜਰ ਡਿਮਾਂਡ ਬੇਹਤਰ ਨਹੀਂ ਹੋ ਜਾਂਦੀ।
ਗਰੇਹਾਉਂਡ ਕੈਨੇਡਾ ਅਨੁਸਾਰ ਉਨ੍ਹਾਂ ਦੀ ਰਾਈਡਰਸ਼ਿਪ 'ਚ 95% ਤੱਕ ਦੀ ਗਿਰਾਵਟ ਦਰਜ ਕੀਤੀ ਗਈ ਹੈ।
ਉਨ੍ਹਾਂ ਦੱਸਿਆ ਕਿ ਫੈਸਲੇ ਦਾ ਅਸਰ 400 ਕਰਮਚਾਰੀਆਂ 'ਤੇ ਪਵੇਗਾ।
ਬੱਸ ਆਪਰੇਟਰ ਦਾ ਕਹਿਣਾ ਹੈ ਕਿ ਵਪਾਰ 'ਚ ਘਾਟੇ ਦੌਰਾਨ, ਉਨ੍ਹਾਂ ਖਰਚਿਆਂ 'ਚ ਵੀ ਕਟੌਤੀ ਕਰਨ ਦੀ ਕੋਸ਼ਿਸ਼ ਕੀਤੀ ਹੈ ਅਤੇ ਫੈਡਰਲ ਅਤੇ ਸੂਬਾ ਸਰਕਾਰਾਂ ਤੱਕ ਵੀ ਵਿੱਤੀ ਸਹਾਇਤਾ ਲਈ ਪਹੁੰਚ ਕੀਤੀ ਹੈ।
ਯਾਦ ਰਹੇ ਗਰੇਹਾਉਂਡ ਕੈਨੇਡਾ ਨੇ ਪਿਛਲੇ ਕੁਝ ਸਾਲਾਂ ਦੌਰਾਨ ਕੈਨੇਡਾ ਦੇ ਕਈ ਰੂਟਸ 'ਤੇ ਸੇਵਾਵਾਂ ਘਟਾਈਆਂ ਜਾਂ ਬੰਦ ਕੀਤੀਆਂ ਸਨ।
ਇਸਦੀ ਵਜ੍ਹਾ ਵੀ ਸੇਵਾਵਾਂ ਸੰਬੰਧੀ ਡਿਮਾਂਡ 'ਚ ਗਿਰਾਵਟ ਨੂੰ ਦੱਸਿਆ ਗਿਆ ਸੀ।
