11.64C Vancouver 11.64C VancouverJul 29, 2025 5:54 PM - The Canadian Press
ਬੀ.ਸੀ. ਦੇ ਕ੍ਰੈਸਟਨ ਟਾਊਨ ਨੇੜੇ ਸ਼ਨੀਵਾਰ ਨੂੰ ਕੂਟੇਨੇ ਰਿਵਰ ਕੋਲ ਇੱਕ ਪਤੀ-ਪਤਨੀ ਵਲੋਂ ਈ-ਬਾਈਕਿੰਗ ਦੌਰਾਨ ਹੋਏ ਰਿੱਛ ਦੇ ਹਮਲੇ ਬਾਰੇ ਕੰਜ਼ਰਵੇਸ਼ਨ ਅਫਸਰ ਸਰਵਿਸ ਦਾ ਕਹਿਣਾ ਹੈ ਕਿ ਇਹ ਹਮਲਾ ਸੰਭਵ ਤੌਰ 'ਤੇ ਰੱਖਿਆਤਮਕ ਸੁਭਾਅ ਦਾ ਸੀ, ਇਸ ਗੱਲ ਦਾ ਕੋਈ ਸਬੂਤ ਨਹੀਂ ਮਿਲਿਆ ਕਿ ਦੋਵੇਂ ਰਿੱਛ ਸ਼ਿਕਾਰ ਲਈ ਕਿਸੇ ਇਨਸਾਨ ਦਾ ਪਿੱਛਾ ਕਰ ਰਹੇ ਸਨ।
ਅਪਡੇਟ ਵਿਚ ਕਿਹਾ ਗਿਆ ਹੈ ਕਿ ਹਮਲੇ ਤੋਂ ਪਹਿਲਾਂ ਇਲਾਕੇ ਵਿਚ ਰਿੱਛ ਦੀ ਗਤੀਵਧੀ ਜਾਂ ਉਸ ਦੇ ਹਮਲਾਵਰ ਰੁਖ਼ ਦੀ ਕੋਈ ਰਿਪੋਰਟ ਨਹੀਂ ਸੀ, ਇਸ ਲਈ ਜਾਂਚ ਮਗਰੋਂ ਕੰਜ਼ਰਵੇਸ਼ਨ ਅਫਸਰ ਸਰਵਿਸ ਹੁਣ ਉਨ੍ਹਾਂ ਰਿੱਛ ਨੂੰ ਫੜਨ ਜਾਂ ਮਾਰਨ ਦੀ ਕੋਸ਼ਿਸ਼ ਨਹੀਂ ਕਰ ਰਹੀ ਹੈ।
ਇੰਸਪੈਕਟਰ ਡੇਵ ਵੈਬਸਟਰ ਨੇ ਕਿਹਾ ਕਿ ਪੀੜਤ ਜੋੜਾ ਜੰਗਲ ਵਿਚ ਰਿੱਛ ਦੇ ਸੰਭਾਵੀ ਹਮਲੇ ਲਈ ਚੰਗੀ ਤਰ੍ਹਾਂ ਤਿਆਰ ਸੀ, ਜਿਸ ਨਾਲ ਹਮਲੇ ਦੀ ਗੰਭੀਰਤਾ ਨੂੰ ਘਟਾਉਣ ਵਿਚ ਮਦਦ ਮਿਲੀ। ਪੀੜਤ ਦੀ ਪਤਨੀ ਨੇ ਦੋਵੇਂ ਰਿੱਛ ਬਿਅਰ ਸਪ੍ਰੇਅ ਨਾਲ ਭਜਾਏ ਸਨ। ਹਾਲਾਂਕਿ, ਰਿਪੋਰਟ ਮਗਰੋਂ ਅਜੇ ਵੀ ਸਾਵਧਾਨੀ ਵਜੋਂ ਇਲਾਕੇ ਦੇ ਟ੍ਰੇਲਜ਼ ਬੰਦ ਰੱਖੇ ਗਏ ਹਨ।
