17.17C Vancouver 17.17C VancouverJan 18, 2022 8:24 PM - The Canadian Press
ਕੈਨੇਡਾ 'ਚ ਗਰੋਸਰੀ ਸਟੋਰਸ 'ਤੇ ਕੋਵਿਡ-19 ਦੇ ਓਮੀਕਰੌਨ ਵੇਰੀਐਂਟ ਦੇ ਫੈਲਾਅ ਵਿਚਾਲੇ ਸਟਾਫ਼ ਦੀ ਘਾਟ ਦਾ ਸੰਕਟ ਮੰਡਰਾ ਰਿਹਾ ਹੈ।
ਦੂਜੇ ਪਾਸੇ ਗਰੋਸਰੀ ਸਟੋਰਸ 'ਤੇ ਸਮਾਨ ਦੀ ਸਪਲਾਈ ਦਾ ਮਸਲਾ ਵੀ ਮੁਸੀਬਤ ਬਣਦਾ ਵਿਖਾਈ ਦੇਣ ਲੱਗਿਆ ਹੈ।
ਸਪਲਾਈ ਦੀ ਘਾਟ 'ਚ ਇੱਕ ਪਾਸੇ ਵਿੰਟਰ ਸਟੌਰਮਸ ਨੂੰ ਕਾਰਨ ਦੱਸਿਆ ਜਾ ਰਿਹਾ ਹੈ ਅਤੇ ਦੂਜੇ ਪਾਸੇ ਵੈਕਸੀਨ ਮੈਂਡੇਟਸ ਵਿਚਾਲੇ ਟਰੱਕਰਸ ਦੀ ਘਾਟ ਨੂੰ ਵੀ ਇੱਕ ਕਾਰਨ ਮੰਨਿਆ ਜਾ ਰਿਹਾ ਹੈ।
ਕਨੇਡੀਅਨ ਫੈਡਰੇਸ਼ਨ ਆਫ ਇੰਡੀਪੈਂਡੈਂਟ ਗਰੋਸਰਸ ਦਾ ਕਹਿਣਾ ਹੈ ਕਿ ਕੋਵਿਡ-19 ਪ੍ਰੋਟੋਕਾਲਸ ਕਾਰਨ ਕਰਮਚਾਰੀਆਂ ਦੀ ਗੈਰਹਾਜਰੀ ਕਰੀਬ 30% ਤਕ ਪਹੁੰਚ ਗਈ ਹੈ।
ਦੱਸਿਆ ਗਿਆ ਕਿ ਇਹ ਘਾਟ ਵਧਦੀ ਜਾ ਰਹੀ ਹੈ।
ਚੇਤਾਵਨੀ ਦਿੱਤੀ ਗਈ ਹੈ ਕਿ ਜੇਕਰ ਹਾਲਾਤ ਅਜਿਹੇ ਹੀ ਰਹੇ ਤਾਂ ਕੁਝ ਗਰੋਸਰੀ ਸਟੋਰਸ ਨੂੰ ਖੋਲ੍ਹਣਾ ਮੁਸ਼ਕਿਲ ਹੋ ਸਕਦਾ ਹੈ।
ਅਜਿਹੇ 'ਚ ਪੇਂਡੂ ਅਤੇ ਪਿਛੜੇ ਇਲਾਕਿਆਂ 'ਚ ਫੂਡ ਸਿਕਿਉਰਿਟੀ ਸੰਬੰਧੀ ਖਤਰਾ ਖੜਾ ਹੋ ਸਕਦਾ ਹੈ।
