14.87C Vancouver 14.87C VancouverApr 9, 2020 9:27 PM -
ਬੀ.ਸੀ. 'ਚ ਰੈਂਟ ਲਈ ਅਪਲਾਈ ਕਰਨ ਵਾਲੀਆਂ ਐਪਲੀਕੇਸ਼ਨਾਂ ਕਿਵੇਂ ਲਗਾਈਆਂ ਜਾ ਸਕਦੀਆਂ ਹਨ, ਇਸਦੇ ਬਾਰੇ ਵੇਰਵੇ ਅੱਜ ਸਾਂਝੇ ਕੀਤੇ ਗਏ ਹਨ।
ਕੋਵਿਡ-19 ਦੇ ਸੰਕਟ ਕਾਰਨ ਕਮਾਈ ਦਾ ਨੁਕਸਾਨ ਝੱਲਣ ਵਾਲੇ ਲੋਕ, ਇਸਦੇ ਲਈ ਅਪਲਾਈ ਕਰ ਸਕਦੇ ਹਨ।
ਇਸ ਪ੍ਰੋਗਰਾਮ ਤਹਿਤ $300 ਤੋਂ $500 ਹਾਸਿਲ ਕੀਤੇ ਜਾ ਸਕਣਗੇ।
ਮਯੂਨਿਸਿਪਲ ਅਫੇਅਰਸ ਅਤੇ ਹਾਊਸਿੰਗ ਮੰਤਰੀ, ਸਿਲੀਨਾ ਰੌਬਿਨਸਨ ਨੇ ਕਿਹਾ ਕਿ ਇਸ ਮਦਦ ਆਸਰੇ ਰੈਂਟਰਸ ਨੂੰ ਆਪਣੇ ਘਰ ਛੱਡਣ ਤੋਂ ਬਚਾਅ ਕੀਤਾ ਜਾ ਸਕੇਗਾ।
ਗਾਈਡਲਾਈਨਸ ਅਨੁਸਾਰ ਇਸਦੇ ਲਈ ਨਿਮਨਲਿਖਤ ਕਰਾਈਟੀਰੀਆ ਰੱਖਿਆ ਗਿਆ ਹੈ:
ਜੇਕਰ ਤੁਸੀਂ ਐਂਪਲਾਇਮੈਂਟ ਇਨਸ਼ੋਰੈਂਸ ਲਈ, ਕੈਨੇਡਾ ਐਮਰਜੈਂਸੀ ਰਿਸਪਾਂਸ ਬੈਨੀਫਿਟ ਲਈ ਐਲੀਜੀਬਲ ਹੋ, ਜਾਂ ਆਪਣੀ ਕਮਾਈ 'ਚ 25% ਦੇ ਨੁਕਸਾਨ ਦਾ ਸਾਹਮਣਾ ਕਰ ਰਹੇ ਹੋ, ਤਾਂ ਇਸਦੇ ਲਈ ਯੋਗਤਾਂ ਬਣ ਸਕਦੀ ਹੈ।
ਇਸਦੇ ਨਾਲ ਹੀ ਸਾਲ 2019 ਦੀ ਕਮਾਈ $74,150 (ਜਿੰਨਾ 'ਤੇ ਕੋਈ ਨਿਰਭਰ ਨਹੀਂ ਕਰਦਾ) ਤੋਂ ਘੱਟ ਦੀ, ਜਾਂ ਜਿੰਨਾ 'ਤੇ ਕੋਈ ਨਿਰਭਰ ਕਰਦਾ ਹੈ ਅਤੇ ਕਮਾਈ $1,13,040 ਤੋਂ ਘੱਟ ਦੀ ਹੋਣ 'ਤੇ ਹੀ ਯੋਗਤਾ ਬਣ ਸਕਦੀ ਹੈ।
ਇਸਦੇ ਨਾਲ ਜੇਕਰ ਮੌਜੂਦਾ ਇਨਕਮ ਦਾ 30% ਜਾਂ ਵਧੇਰੇ ਹਿੱਸਾ ਕਿਰਾਇਆ ਦੇਣ ਲਈ ਵਰਤਿਆ ਜਾ ਰਿਹਾ ਹੈ, ਤਾਂ ਫੇਰ ਹੀ ਇਸਦੇ ਲਈ ਅਪਲਾਈ ਕੀਤਾ ਜਾ ਸਕੇਗਾ।
ਹਾਲਾਂਕਿ ਇਹ ਵੀ ਜਰੂਰੀ ਹੈ ਕਿ ਅਪਲਾਈ ਕਰਨ ਵਾਲੇ ਨੂੰ ਰੈਂਟ ਲਈ ਕੋਈ ਹੋਰ ਸਬਸਿਡੀ ਨਹੀਂ ਮਿਲ ਰਹੀ ਹੋਣੀ ਚਾਹੀਦੀ।
ਕਿਰਾਏਦਾਰਾਂ ਨੂੰ ਇਹ ਮਦਦ ਅਪ੍ਰੈਲ, ਮਈ ਅਤੇ ਜੂਨ ਲਈ ਦਿੱਤੀ ਜਾ ਰਹੀ ਹੈ।
