ਪਾਕਿਸਤਾਨ 'ਚ ਅੱਤਵਾਦੀ ਹਮਲੇ 'ਚ 20 ਲੋਕਾਂ ਦੀ ਮੌਤ, 7 ਜ਼ਖਮੀ

ਪਾਕਿਸਤਾਨ ਦੇ ਬਲੋਚਿਸਤਾਨ ਸੂਬੇ ਵਿਚ ਸ਼ੁੱਕਰਵਾਰ ਨੂੰ ਇਕ ਨਿੱਜੀ ਕੋਲਾ ਖਾਨ 'ਤੇ ਹੋਏ ਅੱਤਵਾਦੀ ਹਮਲੇ ਵਿਚ 20 ਲੋਕਾਂ ਦੀ ਮੌਤ ਹੋ ਗਈ ਅਤੇ 7 ਜ਼ਖਮੀ ਹੋ ਗਏ। ਪਾਕਿਸਤਾਨੀ ਮੀਡੀਆ ਮੁਤਾਬਕ, ਹਮਲਾਵਰਾਂ ਨੇ ਡੂਕੀ ਇਲਾਕੇ ਵਿਚ ਜੁਨੈਦ ਕੋਲਾ ਕੰਪਨੀ ਦੀ ਖਾਨ 'ਤੇ ਹਮਲਾ ਕੀਤਾ।

ਪੁਲਿਸ ਮੁਤਾਬਰ, ਹਮਲਾਵਰ ਰਾਕੇਟ ਲਾਂਚਰ ਅਤੇ ਗ੍ਰਨੇਡ ਨਾਲ ਲੈੱਸ ਸਨ। ਹਮਲੇ ਵਿਚ ਮਾਰੇ ਗਏ ਵਰਕਰ ਪਾਕਿਸਤਾਨ ਦੇ ਵੱਖ-ਵੱਖ ਇਲਾਕਿਆਂ ਦੇ ਰਹਿਣ ਵਾਲੇ ਸਨ। ਇਨ੍ਹਾਂ ਵਿਚੋਂ 4 ਅਫਗਾਨਿਸਤਾਨ ਦੇ ਰਹਿਣ ਵਾਲੇ ਸਨ। ਹੁਣ ਤੱਕ ਕਿਸੇ ਵੀ ਵਿਦਰੋਹੀ ਜਾਂ ਅੱਤਵਾਦੀ ਸੰਗਠਨ ਨੇ ਹਮਲੇ ਦੀ ਜ਼ਿੰਮੇਵਾਰੀ ਨਹੀਂ ਲਈ ਹੈ। ਰਿਪੋਰਟਸ ਮੁਤਾਬਕ, ਹਮਲਾਵਰਾਂ ਨੇ ਕੋਲਾ ਖਾਨ ਵਿਚ ਕੰਮ ਕਰਨ ਵਾਲੇ ਸਾਰੇ ਵਰਕਰਜ਼ ਨੂੰ ਇੱਕ ਜਗ੍ਹਾ ਇਕੱਠੇ ਕਰਕੇ ਗੋਲੀ ਮਾਰੀ। ਪਾਕਿਸਤਾਨ ਵਿਚ ਇਹ ਪਿਛਲੇ 4 ਦਿਨਾਂ ਵਿ ਦੂਜਾ ਅੱਤਵਾਦੀ ਹਮਲਾ ਹੈ। ਇਸ ਤੋਂ ਪਹਿਲਾਂ 6 ਅਕਤੂਬਰ ਨੂੰ ਦੇਰ ਰਾਤ ਕਰਾਚੀ ਹਵਾਈ ਅੱਡੇ ਕੋਲ ਧਮਾਕਾ ਹੋਇਆ ਸੀ, ਜਿਸ ਵਿਚ ਤਿੰਨ ਲੋਕ ਮਾਰੇ ਗਏ ਸਨ ਅਤੇ 11 ਜ਼ਖਮੀ ਹੋ ਗਏ ਸਨ।