11.49C Vancouver 11.49C VancouverDec 1, 2022 1:58 AM - Connect News
ਡੈਲਟਾ ਪੁਲਿਸ ਦਾ ਕਹਿਣਾ ਹੈ ਕਿ ਸਰ੍ਹੀ ਦੇ ਬਲਜੀਤ ਸਿੰਘ ਨਿੱਜਰ ਨਾਮ ਦੇ ਵਿਅਕਤੀ 'ਤੇ ਅਨਔਥੋਰਾਈਜ਼ਡ ਪੋਜ਼ੈਸ਼ਨ ਆਫ ਰਿਸਟ੍ਰਿਕਟਿਡ ਫਾਇਰਆਰਮ ਅਤੇ ਹਥਿਆਰ ਹੋਣ ਦੀ ਜਾਣਕਾਰੀ ਹੁੰਦੇ ਹੋਏ ਵੀ ਵਾਹਨ ਹਾਸਿਲ ਕਰਨ ਜਿਹੇ ਦੋਸ਼ ਲੱਗੇ ਹਨ।
ਬਲਜੀਤ ਸਿੰਘ ਨਿੱਜਰ ਦੀ ਉਮਰ 32 ਸਾਲ ਹੈ।
ਪੁਲਿਸ ਦਾ ਕਹਿਣਾ ਹੈ ਕਿ ਇੱਕ ਅਫ਼ਸਰ ਨੇ 24 ਨਵੰਬਰ ਨੂੰ ਤੜਕੇ ਕਰੀਬ 4.20 ਵਜੇ 80 ਐਵੀਨਿਊ ਅਤੇ ਸਕੌਟ ਰੋਡ ਕੋਲ ਇੱਕ ਟਰੱਕ ਨੂੰ ਰੋਕਿਆ ਸੀ।
ਮੌਕੇ 'ਤੇ ਅਫ਼ਸਰ ਦੀ ਮਦਦ ਲਈ ਇੱਕ ਦੂਜੀ ਅਫ਼ਸਰ ਨੇ ਪਹੁੰਚ ਕੀਤੀ ਅਤੇ ਉਸ ਨੇ ਟਰੱਕ 'ਚ ਸਾਹਮਣੇ ਪਿਆ ਹਥਿਆਰ ਵੇਖਿਆ।
ਵਾਹਨ ਚਾਲਕ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ।
ਵਾਹਨ ਦੀ ਤਲਾਸ਼ੀ ਦੌਰਾਨ ਕੁੱਲ 2 ਭਰੀਆਂ ਹੋਈਆਂ ਬੰਦੂਕਾਂ ਮਿਲੀਆਂ।
ਪੁਲਿਸ ਅਨੁਸਾਰ ਇੱਕ ਬੰਦੂਕ 'ਘੋਸਟ ਗੰਨ' ਦੱਸੀ ਗਈ।
ਪੁਲਿਸ ਦਾ ਕਹਿਣਾ ਹੈ ਕਿ ਉਨ੍ਹਾਂ ਕੋਲ ਇਸ ਵਿਅਕਤੀ ਬਾਰੇ ਜਾਣਕਾਰੀ ਹੈ ਅਤੇ ਇਸ ਦੇ ਤਾਰ ਬੀ.ਸੀ. ਦੀ ਗੈਂਗ ਹਿੰਸਾ ਨਾਲ ਜੁੜੇ ਹਨ।
ਇਸ ਵਿਅਕਤੀ ਨੂੰ ਹਿਰਾਸਤ 'ਚ ਰੱਖਿਆ ਗਿਆ ਹੈ।
