9.83C Vancouver 9.83C VancouverMar 30, 2022 10:17 PM - Connect News
ਸਰੀ ਆਰ.ਸੀ.ਐਮ.ਪੀ. ਵੱਲੋਂ ਇੱਕ ਲਾਪਤਾ ਟੀਨੇਜਰ ਦੀ ਭਾਲ ਲਈ ਲੋਕਾਂ ਨੂੰ ਅਪੀਲ ਕੀਤੀ ਗਈ ਹੈ।
ਪੁਲਿਸ ਦਾ ਕਹਿਣਾ ਹੈ ਕਿ ਲਾਪਤਾ ਰਿਪੋਰਟ ਹੋਣ ਤੋਂ ਕਰੀਬ 3 ਮਹੀਨੇ ਬਾਅਦ ਵੀ ਉਸ ਦੀ ਆਪਣੇ ਪਰਿਵਾਰਕ ਮੈਂਬਰਾਂ ਨਾਲ ਕੋਈ ਗੱਲਬਾਤ ਨਹੀਂ ਹੋਈ ਹੈ।
ਪੁਲਿਸ ਦਾ ਕਹਿਣਾ ਹੈ ਕਿ ਪਰਿਵਾਰ ਅਤੇ ਪੁਲਿਸ ਟੀਨੇਜਰ ਲਈ ਚਿੰਤਤ ਹਨ।
ਲਾਪਤਾ ਲੜਕੀ ਦਾ ਨਾਮ ਹੇਲੀ ਮੈਕਲੈਲੈਂਡ ਹੈ।
ਉਸ ਨੂੰ 7 ਜਨਵਰੀ ਨੂੰ ਲਾਪਤਾ ਰਿਪੋਰਟ ਕੀਤਾ ਗਿਆ ਸੀ।
6 ਜਨਵਰੀ ਨੂੰ ਉਸ ਨੂੰ 96 ਐਵੀਨਿਊ ਅਤੇ 151 ਸਟ੍ਰੀਟ ਕੋਲ ਰਾਤ ਕਰੀਬ 9 ਵਜੇ ਵੇਖਿਆ ਗਿਆ ਸੀ।
ਲੜਕੀ ਦੀ ਤਸਵੀਰ ਵੀ ਜਾਰੀ ਕੀਤੀ ਗਈ ਹੈ।
ਲੜਕੀ ਦੀ ਉਮਰ 18 ਸਾਲ ਹੈ।
ਪੁਲਿਸ ਦਾ ਕਹਿਣਾ ਹੈ ਕਿ ਲਾਪਤਾ ਲੜਕੀ ਦਾ ਉਸ ਦੇ ਪਰਿਵਾਰ ਜਾਂ ਦੋਸਤਾਂ ਨਾਲ ਕੋਈ ਸੰਪਰਕ ਨਹੀਂ ਹੋਇਆ ਹੈ।
ਪੁਲਿਸ ਦਾ ਕਹਿਣਾ ਹੈ ਕਿ ਲੜਕੀ ਦਾ ਆਪਣੇ ਕਰੀਬੀਆਂ ਨਾਲ ਕੁਝ ਸਮੇਂ ਲਈ ਸੰਪਰਕ ਨਾ ਕਰਨਾ ਉਸ ਦੇ ਸੁਭਾਅ ਦਾ ਹਿੱਸਾ ਸੀ ਪਰ ਇੰਨੇ ਲੰਮੇ ਸਮੇਂ ਤਕ ਸੰਪਰਕ ਤੋਂ ਬਾਹਰ ਰਹਿਣਾ ਚਿੰਤਾਜਨਕ ਹੈ।
ਉਸ ਦਾ ਕੱਦ ਕਰੀਬ 5'6", ਰੰਗ ਗੋਰਾ, ਵਾਲਾਂ ਦਾ ਰੰਗ ਲਾਲ ਅਤੇ ਅੱਖਾਂ ਦਾ ਰੰਗ ਨੀਲਾ ਦੱਸਿਆ ਗਿਆ ਹੈ।
