ਕਤਰ ਦੀ ਰਾਜਧਾਨੀ ਵਿਚ ਇਜ਼ਰਾਇਲ ਵਲੋਂ ਹਮਲੇ 'ਚ ਹਮਾਸ ਨੇ ਛੇ ਲੋਕਾਂ ਦੇ ਮਾਰੇ ਜਾਣ ਦੀ ਕੀਤੀ ਪੁਸ਼ਟੀ

ਕਤਰ ਦੀ ਰਾਜਧਾਨੀ ਦੋਹਾ ਵਿਚ ਇਜ਼ਰਾਇਲ ਵਲੋਂ ਹਮਲੇ ਵਿਚ ਹਮਾਸ ਨੇ ਛੇ ਲੋਕਾਂ ਦੇ ਮਾਰੇ ਜਾਣ ਦੀ ਪੁਸ਼ਟੀ ਕੀਤੀ ਹੈ, ਜਿਨ੍ਹਾਂ ਵਿਚ ਕਤਰ ਸੁਰੱਖਿਆ ਬਲਾਂ ਦਾ ਇੱਕ ਮੈਂਬਰ ਵੀ ਸ਼ਾਮਲ ਸੀ। ਹਮਾਸ ਨੇ ਕਿਹਾ ਕਿ ਇਸ ਹਮਲੇ ਵਿਚ ਉਸ ਦੀ negotiating ਟੀਮ ਬਚ ਗਈ ਪਰ ਮਾਰੇ ਗਏ ਲੋਕਾਂ ਵਿਚ ਗਰੁੱਪ ਦੇ ਮੁੱਖ ਵਾਰਤਾਕਾਰ ਖਲੀਲ ਅਲ-ਹਯਾ ਦਾ ਪੁੱਤਰ ਵੀ ਸ਼ਾਮਲ ਸੀ।

ਇਸ ਵਿਚਕਾਰ ਅਮਰੀਕੀ ਰਾਸ਼ਟਰਪਤੀ ਡੌਨਲਡ ਟਰੰਪ ਨੇ ਇੱਕ ਬਿਆਨ ਵਿਚ ਕਤਰ ਦੇ ਨੇਤਾਵਾਂ ਨੂੰ ਭਰੋਸਾ ਦਿੱਤਾ ਕਿ ਉਨ੍ਹਾਂ ਦੀ ਧਰਤੀ 'ਤੇ ਅਜਿਹਾ ਦੁਬਾਰਾ ਨਹੀਂ ਹੋਵੇਗਾ। ਉਥੇ ਹੀ, ਇਜ਼ਰਾਇਲੀ ਪ੍ਰਧਨ ਮੰਤਰੀ ਬੈਂਜਾਮਿਨ ਨੇਤਨਯਾਹੂ ਨੇ ਕਿਹਾ ਕਿ ਇਹ ਹਮਲਾ ਹਮਾਸ ਦੀ ਸੀਨੀਅਰ ਲੀਡਰਸ਼ਿਪ ਨੂੰ ਟਾਰਗੇਟ ਕਰਕੇ ਕੀਤਾ ਗਿਆ ਸੀ।

ਨੇਤਨਯਾਹੂ ਨੇ ਕਿਹਾ ਕਿ ਦੋਹਾ ਵਿਚ ਸਾਡਾ ਹਮਲਾ ਯਰੂਸ਼ਲਮ ਦੇ ਬੱਸ ਸਟੌਪ 'ਤੇ ਇਜ਼ਰਾਇਲੀ ਲੋਕਾਂ ਉਤੇ ਹੋਈ ਫਾਇਰਿੰਗ ਅਤੇ 7 ਅਕਤੂਬਰ, 2023 ਨੂੰ ਹਮਾਸ ਦੀ ਅਗਵਾਈ ਵਾਲੇ ਹਮਲਿਆਂ ਦਾ ਬਦਲਾ ਲੈਣ ਲਈ ਸੀ। ਕਤਰ ਲੰਬੇ ਸਮੇਂ ਤੋਂ ਹਮਾਸ ਨੇਤਾਵਾਂ ਦਾ ਟਿਕਾਣਾ ਹੈ।