23C Vancouver 23C VancouverFeb 20, 2021 12:58 AM -
ਫੈਡਰਲ ਰੱਖਿਆ ਮੰਤਰੀ, ਹਰਜੀਤ ਸੱਜਣ ਨੇ ਟਿੱਪਣੀ ਕਰਨ ਤੋਂ ਇਨਕਾਰ ਕੀਤਾ ਹੈ ਕਿ ਉਨ੍ਹਾਂ ਨੂੰ ਪਹਿਲਾਂ ਕਿਸ ਵੇਲੇ ਪਤਾ ਲੱਗਿਆ ਕਿ ਸਾਬਕਾ ਚੀਫ਼ ਆਫ ਡਿਫੈਂਸ ਸਟਾਫ਼ ਦੇ ਖਿਲਾਫ਼ ਜਿਨਸੀ ਬਦਸਲੂਕੀ ਦੇ ਇਲਜ਼ਾਮ ਲੱਗੇ ਸਨ।
ਹਰਜੀਤ ਸੱਜਣ ਹਾਊਸ ਆਫ ਕਾਮਨਜ਼ ਦੀ ਡਿਫੈਂਸ ਕਮੇਟੀ ਸਾਹਮਣੇ ਪੇਸ਼ ਹੋਏ ਸਨ।
ਸੱਜਣ ਨੇ ਕਿਹਾ ਕਿ ਉਨ੍ਹਾਂ ਦੀ ਜਨਰਲ ਜੋਨਾਥਨ ਵੈਂਸ ਬਾਰੇ ਹੋਈ ਕੋਈ ਵੀ ਗੱਲਬਾਤ ਕਾਂਫੀਡੈਂਸ਼ੀਅਲ ਯਾਨੀ ਕਿ ਗੁਪਤ ਹੈ।
ਇੱਕ ਨਿਊਜ਼ ਰਿਪੋਰਟ 'ਚ ਇਲਜ਼ਾਮ ਲਗਾਏ ਗਏ ਹਨ ਕਿ ਜਨਰਲ ਜੋਨਾਥਨ ਵੈਂਸ ਦਾ ਇੱਕ ਕਈ ਅਹੁਦੇ ਛੋਟੀ ਔਰਤ ਅਫ਼ਸਰ ਨਾਲ ਅਫੇਅਰ ਜਾਰੀ ਸੀ।
ਇਹ ਵੀ ਇਲਜ਼ਾਮ ਲਗਾਏ ਗਏ ਹਨ ਕਿ ਜਨਰਲ ਜੋਨਾਥਨ ਵੈਂਸ ਨੇ ਸਾਲ 2012 'ਚ ਇੱਕ ਸਿਪਾਹੀ 'ਤੇ ਜਿਨਸੀ ਟਿੱਪਣੀ ਕੀਤੀ ਸੀ।
ਇਸ ਸਿਪਾਹੀ ਅਤੇ ਜਨਰਲ ਵੈਂਸ ਦੀ ਉਮਰ ਵਿਚਾਲੇ ਕਾਫੀ ਫਰਕ ਦੱਸਿਆ ਗਿਆ ਹੈ।
ਗਲੋਬਲ ਨਿਊਜ਼ ਅਨੁਸਾਰ ਜਨਰਲ ਵੈਂਸ ਨੇ ਮੰਨਿਆ ਹੈ ਕਿ ਕਰੀਬ 20 ਸਾਲ ਪਹਿਲਾਂ ਉਹ ਇੱਕ ਅਫ਼ਸਰ ਨੂੰ ਡੇਟ ਕਰ ਰਹੇ ਸਨ, ਪਰ ਉਨ੍ਹਾਂ ਕਿਹਾ ਕਿ ਸਮੇਂ ਦੇ ਨਾਲ ਉਨ੍ਹਾਂ ਦਾ ਰਿਸ਼ਤਾ ਬਦਲ ਗਿਆ ਸੀ, ਅਤੇ ਉਨ੍ਹਾਂ 'ਚ ਸੈਕਸ਼ੂਅਲ ਰਿਸ਼ਤੇ ਨਹੀਂ ਰਹਿ ਗਏ ਸਨ।
