ਐਡਮਿੰਟਨ ਰੈਲੀ ਵਿੱਚ ਹਾਰਪਰ ਨੇ ਪੌਲੀਐਵ ਦਾ ਕੀਤਾ ਸਮਰਥਨ

ਕੈਨੇਡਾ ਦੇ ਸਾਬਕਾ ਪ੍ਰਧਾਨ ਮੰਤਰੀ ਸਟੀਫਨ ਹਾਰਪਰ ਨੇ ਸੋਮਵਾਰ ਰਾਤ ਪਾਰਟੀ ਦੀ ਐਡਮਿੰਟਨ ਰੈਲੀ ਵਿਚ ਪੀਅਰ ਪੌਲੀਐਵ ਦਾ ਜ਼ੋਰਦਾਰ ਸਮਰਥਨ ਕਰਦੇ ਹੋਏ ਉਨ੍ਹਾਂ ਨੂੰ ਕੈਨੇਡਾ ਦੇ ਅਗਲੇ ਬਣਨ ਵਾਲੇ ਪ੍ਰਧਾਨ ਮੰਤਰੀ ਦੱਸਿਆ।ਹਾਰਪਰ ਨੇ ਕਿਹਾ ਕਿ ਕੈਨੇਡਾ ਪਰਿਵਰਤਨ ਲਈ ਬੇਤਾਬ ਹੈ ਅਤੇ ਪੌਲੀਐਵ ਲਿਬਰਲਸ ਦੇ ਇੱਕ ਦਹਾਕੇ ਦੇ ਸ਼ਾਸਨ ਨੂੰ ਉਖਾੜ ਕੇ ਦੇਸ਼ ਦੀ ਅਗਵਾਈ ਕਰਨ ਵਾਲੇ ਅਗਲੇ ਨੇਤਾ ਹੋਣਗੇ।

ਪੌਲੀਐਵ ਦੀ ਐਡਮਿੰਟਨ ਰੈਲੀ ਨੂੰ ਉਨ੍ਹਾਂ ਦੀ ਚੋਣ ਕੰਪੇਨ ਦੀ ਹੁਣ ਤੱਕ ਦੀ ਸਭ ਤੋਂ ਵੱਡੀ ਰੈਲੀ ਦੱਸਿਆ ਜਾਂਦਾ ਹੈ। ਪ੍ਰਬੰਧਕਾਂ ਦਾ ਕਹਿਣਾ ਹੈ ਕਿ ਇਸ ਰੈਲੀ ਵਿਚ ਸ਼ਾਮਲ ਹੋਣ ਲਈ 10,000 ਤੋਂ ਵੱਧ ਲੋਕਾਂ ਨੇ ਰਜਿਸਟਰ ਕੀਤਾ।

ਹਾਰਪਰ ਨੇ ਪੌਲੀਐਵ ਤੋਂ ਪਹਿਲਾਂ 10 ਮਿੰਟ ਰੈਲੀ ਨੂੰ ਸੰਬੋਧਨ ਕੀਤਾ। ਉਨ੍ਹਾਂ ਕਿਹਾ ਕਿ ਇਸ ਵਿਚ ਕੋਈ ਸ਼ੱਕੀ ਨਹੀਂ ਕਿ ਸਾਡਾ ਦੇਸ਼ ਅੱਜ ਟਰੰਪ ਪ੍ਰਸ਼ਾਸਨ ਦੀਆਂ ਨੀਤੀਆਂ ਕਾਰਨ ਇੱਕ ਇਤਿਹਾਸਕ ਚੁਣੌਤੀਪੂਰਨ ਸਮੇਂ ਦਾ ਸਾਹਮਣਾ ਕਰ ਰਿਹਾ ਹੈ ਪਰ ਸੱਚਾਈ ਇਹ ਵੀ ਹੈ ਕਿ ਕੈਨੇਡਾ ਇਸ ਸਮੇਂ ਜਿਨ੍ਹਾਂ ਸਮੱਸਿਆਵਾਂ ਦਾ ਸਾਹਮਣਾ ਕਰ ਰਿਹਾ ਹੈ ਉਹ ਸਿਰਫ਼ ਟਰੰਪ ਦੀਆਂ ਪੈਦਾ ਕੀਤੀਆਂ ਹੋਈਆਂ ਨਹੀਂ ਹਨ, ਉਸ ਲਈ ਸਿੱਧੇ ਲਿਬਰਲਸ ਜ਼ਿੰਮੇਵਾਰ ਹਨ।

ਗੌਰਤਲਬ ਹੈ ਕਿ ਹਾਰਪਰ ਪੌਲੀਐਵ ਦੇ ਇੱਕ ਘੰਟੇ ਲੰਬੇ ਭਾਸ਼ਣ ਤੱਕ ਰੁਕੇ, ਉਹ ਰੈਲੀ ਵਿਚ ਵਿਸ਼ੇਸ਼ ਮਹਿਮਾਨ ਸਨ।