13.07C Vancouver 13.07C VancouverJul 5, 2021 12:40 PM -
ਹਰਿਆਣਾ ਕਾਂਗਰਸ ਵਿੱਚ ਮੁੜ ਬਦਲਾਅ ਅਤੇ ਜਨਰਲ ਸਕੱਤਰ ਕੇ ਸੀ ਵੇਨੂਗੋਪਾਲ ਨਾਲ ਬੈਠਕ ਤੋਂ ਪਹਿਲਾਂ, ਪਾਰਟੀ ਦਾ ਇੱਕ ਵਫ਼ਦ ਸੂਬੇ ਦੇ ਸਾਬਕਾ ਮੁੱਖ ਮੰਤਰੀ ਭੁਪਿੰਦਰ ਸਿੰਘ ਹੁੱਡਾ, ਉਹਨਾਂ ਦੇ ਪੁੱਤਰ ਅਤੇ ਐਮ ਪੀ ਦੀਪਇੰਦਰ ਸਿੰਘ ਹੁੱਡਾ ਨੂੰ ਉਨ੍ਹਾਂ ਦੇ ਗ੍ਰਹਿ ਵਿਖੇ ਮਿਲਿਆ।
ਸੂਤਰਾਂ ਮੁਤਾਬਕ, ਅੱਜ ਕਾਂਗਰਸ ਐਮ ਐੱਲ ਏ ਦਾ ਇੱਕ ਵਫ਼ਦ ਅੱਜ ਕੌਮੀ ਰਾਜਧਾਨੀ ਵਿੱਚ ਕਾਂਗਰਸ ਦੇ ਜਨਰਲ ਸਕੱਤਰ ਕੇ ਸੀ ਵੇਨੂਗੋਪਾਲ ਨਾਲ ਮੁਲਾਕਾਤ ਕਰੇਗਾ।
ਹਰਿਆਣਾ ਕਾਂਗਰਸ ਨੇ ਤਕਰੀਬਨ 6 ਸਾਲਾਂ ਦੇ ਵਕਫ਼ੇ ਤੋਂ ਬਾਅਦ, ਸੂਬੇ ਵਿੱਚ ਆਪਣੀ ਪਾਰਟੀ ਵਿੱਚ ਫੇਰਬਦਲ ਕਰਨਾ ਸ਼ੁਰੂ ਕੀਤਾ ਹੈ।
ਦੱਸਣਯੋਗ ਹੈ ਕਿ ਪਾਰਟੀ ਨੇ 2015 ਵਿੱਚ ਸੂਬੇ ਵਿੱਚ ਜ਼ਿਲਿਆਂ ਦੀਆਂ ਕਾਂਗਰਸ ਕਮੇਟੀਆਂ ਖ਼ਤਮ ਕਰ ਦਿੱਤੀਆਂ ਸਨ ਅਤੇ ਹੁਣ ਪਾਰਟੀ ਨੇ ਉਹਨਾਂ ਨੂੰ ਮੁੜ ਸੁਰਜੀਤ ਕਰ ਰਹੀ ਹੈ।
ਹਾਲਾਂਕਿ ਇਸ ਤਰਾਂ ਹੋਣ ਨਾਲ ਹਰਿਆਣਾ ਕਾਂਗਰਸ ਵਿੱਚ ਅੰਦਰੂਨੀ ਕਲੇਸ਼ ਸ਼ੁਰੂ ਹੋ ਗਿਆ ਹੈ, ਕਿਉਂਕਿ ਕੁਝ ਦਿਨ ਪਹਿਲਾਂ ਹੀ ਪਾਰਟੀ ਦੇ ਸਾਬਕਾ ਮੁੱਖ ਮੰਤਰੀ ਭੁਪਿੰਦਰ ਸਿੰਘ ਹੁੱਡਾ ਖੇਮੇ ਦੇ 19 ਐੱਮ ਐੱਲ ਏ, ਏਆਈਸੀਸੀ ਦੇ ਸੂਬਾਈ ਪ੍ਰਧਾਨ, ਵਿਵੇਕ ਬੰਸਲ ਨੂੰ ਮਿਲੇ ਸਨ।
ਸੂਤਰਾਂ ਮੁਤਾਬਕ, ਐੱਮਐੱਲਏ ਨੇ ਬਾਂਸਲ ਨੂੰ ਆਖਿਆ ਹੈ ਕਿ ਸੂਬਾਈ ਕਾਂਗਰਸ ਕਮੇਟੀ ਦੀ ਲੀਡਰਸ਼ਿਪ ਬਦਲੀ ਜਾਣੀ ਚਾਹੀਦੀ ਹੈ।
ਇਸ ਤੋਂ ਅਲਾਵਾ, ਐੱਮਐੱਲਏ ਦੇ ਵਫ਼ਦ ਮੁਤਾਬਕ ਉਨ੍ਹਾਂ ਨੂੰ ਪਾਰਟੀ ਵੱਲੋਂ ਅਤੇ ਐਚਪੀਸੀਸੀ ਮੁਖੀ ਸੇਲਜਾ ਵੱਲੋਂ ਵੀ ਸੂਬੇ ਵਿੱਚ ਪਾਰਟੀ ਦੇ ਵਿਸਥਾਰ ਵਿੱਚ ਕੀਤੀ ਜਾ ਰਹੀ ਦੇਰੀ ਤੇ ਮੁੱਖ ਫੈਸਲਿਆਂ ਵਿੱਚ ਨਜ਼ਰਅੰਦਾਜ਼ ਕੀਤਾ ਗਿਆ ਹੈ।
ਗ਼ੌਰਤਲਬ ਹੈ, ਕਿ ਇਸ ਤੋਂ ਪਹਿਲਾਂ ਪੀਸੀਸੀ ਮੁਖੀ ਕੁਮਾਰੀ ਸੇਲਜਾ ਨੇ ਵੀ ਸ਼ੁੱਕਰਵਾਰ ਨੂੰ ਵੇਨੂਗੋਪਾਲ ਨਾਲ ਮੁਲਾਕਾਤ ਕੀਤੀ ਹੈ।
ਹਰਿਆਣਾ ਕਾਂਗਰਸ ਐਮਐਲਏਸ ਦਾ ਵਫ਼ਦ ਸਾਬਕਾ ਸੀਐੱਮ ਹੁੱਡਾ ਨੂੰ ਮਿਲਿਆ
