7.93C Vancouver 7.93C VancouverFeb 7, 2020 11:19 PM -
ਦਿੱਲੀ ਦੇ ਨਾਲ ਲੱਗਦੇ ਗੁਰੂਗ੍ਰਾਮ ਵਿੱਚ ਹਾਈ ਪ੍ਰੋਫਾਇਲ ਦੋਹਰੇ ਕਤਲ ਕਾਂਡ ਮਾਮਲੇ 'ਚ ਪੀ.ਐਸ.ਓ. ਮਹਿਪਾਲ ਨੂੰ ਦੋਸ਼ੀ ਕਰਾਰ ਦਿੰਦੇ ਹੋਏ, ਹਰਿਆਣਾ ਦੀ ਅਦਾਲਤ ਨੇ ਉਸਨੂੰ ਫਾਂਸੀ ਦੀ ਸਜਾ ਸੁਣਾਈ ਹੈ।
ਮਾਮਲਾ 13 ਅਕਤੂਬਰ 2018 ਦਾ ਹੈ।
ਦੋਸ਼ੀ ਮਹਿਪਾਲ ਨੇ 13 ਅਕਤੂਬਰ 2018 ਦੀ ਦੁਪਹਿਰ ਜੱਜ ਕ੍ਰਿਸ਼ਨਕਾਂਤ ਸ਼ਰਮਾ ਦੀ ਪਤਨੀ ਤੇ ਬੇਟੇ ਦਾ ਕਤਲ ਕਰ ਦਿੱਤਾ ਸੀ।
ਮਹਿਪਾਲ ਡੇਢ ਸਾਲ ਤੋਂ ਜੱਜ ਕ੍ਰਿਸ਼ਨਕਾਂਤ ਦੀ ਸੁਰੱਖਿਆ 'ਚ ਤਾਇਨਾਤ ਸੀ।
ਦੋਸ਼ੀ ਪੀ.ਐਸ.ਓ. ਵਾਰਦਾਤ ਵਾਲੇ ਦਿਨ ਦੀ ਦੁਪਹਿਰ ਮੌਕੇ, ਜੱਜ ਦੀ ਪਤਨੀ ਤੇ ਬੇਟੇ ਨੂੰ ਮਾਰਕਿਟ 'ਚ ਮੈਡੀਕਲ ਸਟੋਰ ਲੈ ਕੇ ਆਇਆ ਸੀ ਤੇ ਉੱਥੇ ਹੀ ਉਸ ਨੇ ਦੋਹਾਂ ਨੂੰ ਗੋਲੀ ਮਾਰ ਦਿੱਤੀ ਸੀ।
ਇਸ ਤੋਂ ਬਾਅਦ ਉਸ ਨੇ ਆਪ ਜੱਜ ਨੂੰ ਫੋਨ ਕਰਕੇ ਦੱਸਿਆ ਕਿ ਉਸਨੇ ਉਨ੍ਹਾਂ ਦੀ ਪਤਨੀ ਤੇ ਬੇਟੇ ਨੂੰ ਗੋਲੀ ਮਾਰ ਦਿੱਤੀ ਹੈ।
ਇਲਾਜ ਦੌਰਾਨ ਦੋਨਾਂ ਦੀ ਮੌਤ ਹੋ ਗਈ ਸੀ।
ਹੁਣ ਕੋਰਟ ਵਲੋਂ ਮਹਿਪਾਲ ਨੂੰ ਦੋਸ਼ੀ ਕਰਾਰ ਦਿੰਦਿਆਂ ਫਾਂਸੀ ਦੀ ਸਜਾ ਸੁਣਾ ਦਿੱਤੀ ਗਈ ਹੈ।
