ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਸਵਿਜ਼ਰਲੈਂਡ ਹੋਏ ਰਵਾਨਾ

ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਕਤਰ ਦਾ ਸਫਲ ਦੌਰਾ ਖ਼ਤਮ ਕਰਕੇ ਅੱਜ ਸਵਿਜ਼ਰਲੈਂਡ ਰਵਾਨਾ ਹੋਏ ਹਨ। ਉਹ ਇੱਥੇ ਡਾਵੋਸ ਵਿਚ ਹੋਣ ਵਾਲੀ ਵਰਲਡ ਇਕਨਾਮਿਕ ਫੋਰਮ ਵਿਚ ਸ਼ਾਮਲ ਹੋਣਗੇ ਅਤੇ ਵੱਖ-ਵੱਖ ਦੇਸ਼ਾਂ ਦੇ ਲੀਡਰਸ, ਵਿੱਤੀ ਸੰਸਥਾਵਾਂ ਅਤੇ ਕਾਰਪੋਰੇਟ ਦੇ ਅਧਿਕਾਰੀਆਂ ਨਾਲ ਵੀ ਮੁਲਾਕਾਤ ਕਰਨਗੇ ਤਾਂ ਜੋ ਕੈਨੇਡਾ ਲਈ ਇਨਵੈਸਟਮੈਂਟ ਨੂੰ ਆਕਰਸ਼ਿਤ ਕੀਤਾ ਜਾ ਸਕੇ।

ਇਸ ਤੋਂ ਪਹਿਲਾਂ ਕਤਰ ਵਿਚ ਉਨ੍ਹਾਂ ਸ਼ੇਖ ਤਮੀਮ ਬਿਨ ਹਮਦ ਅਲ ਥਾਨੀ ਨਾਲ ਮੁਲਾਕਾਤ ਦੌਰਾਨ ਵਪਾਰ ਅਤੇ ਰੱਖਿਆ ਸਹਿਯੋਗ ਵਧਾਉਣ ਲਈ ਅਹਿਮ ਸਮਝੌਤਿਆਂ 'ਤੇ ਦਸਤਖਤ ਕੀਤੇ ਹਨ। ਪ੍ਰਧਾਨ ਮੰਤਰੀ ਮੁਤਾਬਕ,ਕਤਰ ਨੇ ਕੈਨੇਡਾ ਦੇ ਇਨਫਰਾਸਟਕਚਰ ਅਤੇ ਐਨਰਜੀ ਪ੍ਰੋਜੈਕਟਸ ਵਿਚ ਰਣਨੀਤਕ ਨਿਵੇਸ਼ ਦਾ ਭਰੋਸਾ ਦਿੱਤਾ ਹੈ। ਪੀ.ਐਮ. ਕਾਰਨੀ ਨੇ ਕਿਹਾ ਕਿ ਇਸ ਨਾਲ ਕੈਨੇਡਾ ਵਿਚ ਰੁਜ਼ਗਾਰ ਦੇ ਨਵੇਂ ਮੌਕੇ ਪੈਦਾ ਹੋਣਗੇ।

ਇਹ ਪ੍ਰਧਾਨ ਮੰਤਰੀ ਦਾ ਕਤਰ ਦਾ ਪਹਿਲਾ ਔਫੀਸ਼ੀਅਲ ਦੌਰਾ ਸੀ। ਖਾੜੀ ਖੇਤਰ ਵਿਚ ਇਹ ਤੀਜੀ ਸਭ ਤੋਂ ਵੱਡੀ ਅਰਥਵਿਵਸਥਾ ਹੈ ਅਤੇ ਲਗਭਗ 10,000 ਕੈਨੇਡੀਅਨਜ਼ ਕਤਰ ਵਿਚ ਰਹਿੰਦੇ ਹਨ ਜੋ ਐਗਰੀ -ਫੂਡ ਸੈਕਟਰ ਤੋਂ ਲੈ ਕੇ ਐਰੋਸਪੇਸ ਅਤੇ ਆਰਟੀਫੀਸ਼ੀਅਲ ਇੰਟੈਲੀਜੈਂਸ ਵਿਚ ਕੰਮ ਕਰਦੇ ਹਨ।