16.14C Vancouver 16.14C VancouverJan 13, 2022 11:13 PM - The Canadian Press
ਹੈਲਥ ਕੈਨੇਡਾ ਦੀ ਚੀਫ਼ ਮੈਡਿਕਲ ਐਡਵਾਈਜ਼ਰ ਦਾ ਕਹਿਣਾ ਹੈ ਕਿ ਫਾਈਜ਼ਰ ਦੀ ਕੋਵਿਡ-19 ਸੰਬੰਧੀ ਐਂਟੀ-ਵਾਇਰਲ ਗੋਲੀ ਬਾਰੇ 7 ਤੋਂ 10 ਦਿਨ 'ਚ ਫੈਸਲਾ ਲਿਆ ਜਾ ਸਕਦਾ ਹੈ।
ਡਾ. ਸੁਪ੍ਰੀਆ ਸ਼ਰਮਾ ਨੇ ਕਿਹਾ ਕਿ ਡਿਪਾਰਟਮੈਂਟ ਨੇ ਇਸ ਡਰੱਗ ਨੂੰ ਮਨਜ਼ੂਰੀ ਦੇਣ ਤੋਂ ਪਹਿਲਾਂ ਫਾਈਜ਼ਰ ਨਾਲ ਸੰਪਰਕ ਕੀਤਾ ਹੈ ਅਤੇ ਡਰੱਗ ਦੀਆਂ ਸ਼ਿਪਮੈਂਟਸ ਬਾਰੇ ਜਾਣਕਾਰੀ ਲਈ ਹੈ।
ਕੰਪਨੀ ਤੋਂ ਪੁੱਛਿਆ ਗਿਆ ਹੈ ਕਿ ਕਿਸੇ ਅਰਜੈਂਟ ਲੋੜ ਵੇਲੇ ਮੈਡੀਕੇਸ਼ਨ ਨੂੰ ਕੈਨੇਡਾ ਦੇ ਵੱਖੋ-ਵੱਖਰੇ ਇਲਾਕਿਆਂ 'ਚ ਕਿਵੇਂ ਪਹੁੰਚਾਇਆ ਜਾ ਸਕਦਾ ਹੈ।
ਸੁਪ੍ਰੀਆ ਸ਼ਰਮਾ ਨੇ ਕਿਹਾ ਕਿ ਕੰਪਨੀ ਨੇ ਸ਼ਿਪਮੈਂਟ ਤੋਂ ਇਨਕਾਰ ਕਰ ਦਿੱਤਾ ਕਿਉਂਕਿ ਉਸ ਕੋਲ ਸਪਲਾਈ ਭੇਜਣ ਲਈ ਉਪਲਬਧ ਨਹੀਂ ਸੀ।
ਇਸ ਗੋਲੀ ਦਾ ਨਾਮ ਪੈਕਸਲੋਵਿਡ ਹੈ ਅਤੇ ਕੈਨੇਡਾ ਦਾ ਇਸ ਗੋਲੀ ਦੀਆਂ 1 ਮਿਲੀਅਨ ਖੁਰਾਕਾਂ ਹਾਸਿਲ ਕਰਨ ਦਾ ਕਰਾਰ ਹੈ।
ਪਰ ਫਾਈਜ਼ਰ ਦੀ ਬੁਲਾਰੀ ਕ੍ਰਿਸਟੀਨਾ ਐਂਟੋਨਿਓ ਨੇ ਕਿਹਾ ਕਿ ਹੈਲਥ ਕੈਨੇਡਾ ਵੱਲੋਂ ਮਨਜ਼ੂਰੀ ਤੋਂ ਪਹਿਲਾਂ ਕੋਈ ਸ਼ਿਪਮੈਂਟ ਨਹੀਂ ਭੇਜੀ ਜਾਵੇਗੀ।
ਯਾਦ ਰਹੇ ਅਮਰੀਕਾ ਅਤੇ ਯੂ.ਕੇ. ਵੱਲੋਂ ਇਸ ਗੋਲੀ ਨੂੰ ਦਿਸੰਬਰ 'ਚ ਮਨਜ਼ੂਰੀ ਦੇ ਦਿੱਤੀ ਗਈ ਸੀ।
ਕੈਨੇਡਾ 'ਚ ਡਾਕਟਰਾਂ ਵੱਲੋਂ ਇਸ ਗੋਲੀ ਨੂੰ ਜਲਦੀ ਤੋਂ ਜਲਦੀ ਮਨਜ਼ੂਰੀ ਦੇਣ ਦੀ ਮੰਗ ਕੀਤੀ ਜਾ ਰਹੀ ਹੈ।
