25.13C Vancouver 25.13C VancouverFeb 26, 2021 4:18 PM -
ਹੈਲਥ ਕੈਨੇਡਾ ਨੇ ਐਸਟਰਾਜ਼ੇਨੇਕਾ ਦੀ ਕੋਵਿਡ -19 ਤੋਂ ਬਚਾਅ ਲਈ ਤਿਆਰ ਕੀਤੀ ਗਈ ਵੈਕਸੀਨ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ।
ਫਾਈਜ਼ਰ-ਬਾਓਐਨਟੈਕ ਅਤੇ ਮੋਡਰਨਾ ਤੋਂ ਬਾਅਦ ਇਹ ਕੈਨੇਡਾ ਵਿਚ ਵਾਇਰਸ ਤੋਂ ਬਚਾਅ ਲਈ ਪ੍ਰਵਾਨ ਕੀਤਾ ਜਾਣ ਵਾਲਾ ਤੀਸਰਾ ਟੀਕਾ ਹੈ।
ਐਸਟਰਾਜ਼ੇਨੇਕਾ ਨੂੰ ਯੂਨੀਵਰਸਿਟੀ ਆਫ ਆਕਸਫੋਰਡ ਅਤੇ ਭਾਰਤ ਦੇ ਸਿਰਮ ਇੰਸਟੀਚਿਊਟ ਵੱਲੋਂ ਤਿਆਰ ਕੀਤਾ ਗਿਆ ਹੈ।
ਹੈਲਥ ਕੈਨੇਡਾ ਦੀ ਸੀਨੀਅਰ ਮੈਡੀਕਲ ਸਲਾਹਕਾਰ ਡਾਕਟਰ ਸੁਪ੍ਰਿਯਾ ਸ਼ਰਮਾ ਮੁਤਾਬਕ ਫਾਈਜ਼ਰ-ਬਾਓਐਨਟੈਕ ਅਤੇ ਮੋਡਰਨਾ ਵਾਂਗ ਇਨ੍ਹਾਂ ਟੀਕਿਆਂ ਨੂੰ ਬਹੁਤ ਠੰਡੇ ਤਾਪਮਾਨ ਵਿੱਚ ਰੱਖਣ ਦੀ ਲੋੜ ਨਹੀਂ ਹੈ।
ਫੈਡਰਲ ਸਰਕਾਰ ਵੱਲੋਂ ਪਹਿਲਾਂ ਹੀ ਐਸਟਰਾਜ਼ੇਨੇਕਾ ਦੀਆਂ 20 ਮਿਲੀਅਨ ਖੁਰਾਕਾਂ ਆਰਡਰ ਕੀਤੀਆਂ ਜਾ ਚੁੱਕੀਆਂ ਹਨ। ਕੋਵੈਕਸ ਨਾਂ ਦੇ ਅੰਤਰਰਾਸ਼ਟਰੀ ਵੈਕਸੀਨ ਪ੍ਰੋਗਰਾਮ ਰਾਹੀਂ ਵੀ ਐਸਟਰਾਜ਼ੇਨੇਕਾ ਦੀਆਂ 1.9 ਮਿਲੀਅਨ ਖੁਰਾਕਾਂ ਜੂਨ ਦੇ ਅਖੀਰ ਤੱਕ ਉਪਲੱਬਧ ਹੋ ਜਾਣਗੀਆਂ।
ਹੈਲਥ ਕੈਨੇਡਾ ਵਲੋਂ ਜੌਨਸਨ ਐਂਡ ਜੌਨਸਨ ਅਤੇ ਨੋਵੈਕਸ ਵਲੋਂ ਤਿਆਰ ਕੀਤੇ ਟੀਕਿਆਂ ਦੀ ਪੜਚੋਲ ਫਿਲਹਾਲ ਜਾਰੀ ਹੈ।
