18.4C Vancouver 18.4C VancouverSep 12, 2023 5:39 PM - The Canadian Press
ਹੈਲਥ ਕੈਨੇਡਾ ਨੇ ਮੌਡਰਨਾ ਦੀ ਅਪਡੇਟ ਕੀਤੀ ਕੋਵਿਡ-19 ਵੈਕਸੀਨ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ।
ਇਹ ਵੈਕਸੀਨ ਛੇ ਮਹੀਨੇ ਜਾਂ ਇਸ ਤੋਂ ਵੱਧ ਉਮਰ ਦੇ ਕੈਨੇਡੀਅਨਜ਼ ਦੇ ਲਗਾਈ ਜਾ ਸਕਦੀ ਹੈ।
ਇਹ ਨਵੀਂ ਵੈਕਸੀਨ ਕੋਵਿਡ-19 ਦੇ XBB.1.5 ਸਬਵੇਰੀਐਂਟ ਨੂੰ ਟਾਰਗੇਟ ਕਰਦੀ ਹੈ।
ਹੈਲਥ ਕੈਨੇਡਾ ਦੀ ਵੈੱਬਸਾਈਟ 'ਤੇ ਅੱਜ ਸਵੇਰੇ ਪੋਸਟ ਕੀਤੇ ਇਸ ਫੈਸਲੇ ਦੇ ਮੁਤਾਬਿਕ 5 ਸਾਲ ਤੋਂ ਵੱਧ ਉਮਰ ਦੇ ਬੱਚਿਆਂ ਨੂੰ ਇਹ ਵੈਕਸੀਨ ਸਿੰਗਲ ਡੋਜ਼ ਵਿੱਚ ਦਿੱਤੀ ਜਾ ਸਕਦੀ ਹੈ।
6 ਮਹੀਨੇ ਤੋਂ 4 ਸਾਲ ਸੀ ਉਮਰ ਦੇ ਜਿਹੜੇ ਬੱਚਿਆਂ ਦੇ ਪਹਿਲਾਂ ਵੈਕਸੀਨ ਲੱਗ ਚੁੱਕੀ ਹੈ ਉਨ੍ਹਾਂ ਵਾਸਤੇ ਇੱਕ ਡੋਜ਼ ਅਤੇ ਜਿਨ੍ਹਾਂ ਦੇ ਪਹਿਲਾਂ ਵੈਕਸੀਨ ਨਹੀਂ ਲੱਗੀ ਉਨ੍ਹਾਂ ਦੇ ਦੋ ਡੋਜ਼ ਲਗਾਉਣ ਦੀ ਸਿਫਾਰਿਸ਼ ਕੀਤੀ ਗਈ ਹੈ।
ਫ਼ੈਡਰਲ ਅਧਿਕਾਰੀਆਂ ਵੱਲੋਂ ਕੋਵਿਡ-19 ਵੈਕਸੀਨਾਂ ਬਾਰੇ ਜਾਣਕਾਰੀ ਵੀ ਜਾਣਕਾਰੀ ਦਿੱਤੀ ਗਈ ਹੈ।
ਦੱਸ ਦਈਏ ਕਿ ਅਪਡੇਟ ਕੀਤੀ ਗਈ ਨਵੀਂ mRNA-ਅਧਾਰਿਤ ਵੈਕਸੀਨ ਮੋਨੋਵੇਲੈਂਟ ਯਾਨੀ ਸਿਰਫ਼ ਇੱਕ ਵੇਰੀਐਂਟ ਖ਼ਿਲਾਫ਼ ਸੁਰੱਖਿਆ ਪ੍ਰਦਾਨ ਕਰਨ ਵਾਲੀ ਵੈਕਸੀਨ ਹੈ, ਜੋ ਓਮੀਕਰੌਨ ਦੇ XBB.1.5 ਸਬਵੇਰੀਐਂਟ ਨੂੰ ਟਾਰਗੇਟ ਬਣਾਉਂਦੀ ਹੈ।
ਏਜੰਸੀ ਨੇ ਸਾਰੇ ਕੈਨੇਡੀਅਨਾਂ ਨੂੰ ਅਪੀਲ ਕੀਤੀ ਹੈ ਕਿ ਉਹ ਆਪਣੇ ਕੋਵਿਡ-19 ਵੈਕਸੀਨ ਨਾਲ ਅਪ-ਟੂ-ਡੇਟ ਰਹਿਣ।
