ਹੈਲਥ ਕੈਨੇਡਾ ਨੇ ਫਾਈਜ਼ਰ ਦੀ ਅਪਡੇਟ ਕੋਵਿਡ-19 ਵੈਕਸੀਨ ਨੂੰ ਦਿੱਤੀ ਹਰੀ ਝੰਡੀ

ਹੈਲਥ ਕੈਨੇਡਾ ਨੇ ਫਾਈਜ਼ਰ ਦੀ ਅਪਡੇਟ ਕੋਵਿਡ-19 ਵੈਕਸੀਨ ਨੂੰ ਹਰੀ ਝੰਡੀ ਦਿੱਤੀ ਹੈ, ਜੋ ਕਿ ਓਮੀਕ੍ਰੋਨ ਦੇ ਨਵੇਂ ਵੈਰੀਐਂਟ ਖਿਲਾਫ ਕਾਰਗਰ ਹੋਵੇਗੀ। ਫਾਈਜ਼ਰ ਅਤੇ BioNTech ਦੀ mRNA vaccine Comirnaty - Omicron ਦੇ ਕੇ.ਪੀ. 2 ਸਬਵੈਰੀਐਂਟ ਨੂੰ ਟਾਰਗੇਟ ਕਰਕੇ ਬਣਾਈ ਗਈ ਹੈ, ਜੋ ਕਿ XBB.1.5 ਸਬਵੈਰੀਐਂਟ ਦੀ ਪਿਛਲੀ ਵੈਕਸੀਨ ਦੀ ਜਗ੍ਹਾ ਲਵੇਗੀ।

ਹੈਲਥ ਕੈਨੇਡਾ ਨੇ ਹਾਲ ਹੀ ਵਿਚ ਪ੍ਰਾਂਤਾਂ ਅਤੇ ਪ੍ਰਦੇਸ਼ਾਂ ਨੂੰ ਉਨ੍ਹਾਂ ਦੇ ਪੁਰਾਣੇ ਕੋਵਿਡ-19 ਟੀਕਿਆਂ ਨੂੰ ਹਟਾਉਣ ਲਈ ਕਿਹਾ ਹੈ ਤਾਂ ਜੋ ਇਹ ਯਕੀਨੀ ਬਣਾਇਆ ਜਾ ਸਕੇ ਕਿ ਲੇਟਸਟ ਵੈਕਸੀਨ ਹੀ ਇਸ ਸਾਹ ਦੇ ਵਾਇਰਸ ਸੀਜ਼ਨ ਦੌਰਾਨ ਵਰਤੀ ਜਾਵੇਗੀ।

ਕੋਮੀਰਨੈਟੀ ਇਸ ਸੀਜ਼ਨ ਲਈ ਹੈਲਥ ਕੈਨੇਡਾ ਵਲੋਂ ਮਨਜ਼ੂਰ ਕੀਤੀ ਗਈ ਤੀਜੀ ਅੱਪਡੇਟਡ ਕੋਵਿਡ-19 ਵੈਕਸੀਨ ਹੈ। ਇਸ ਤੋਂ ਪਹਿਲਾਂ ਹਾਲ ਹੀ ਵਿਚ ਮੋਡਰਨਾ ਦੀ ਵੈਕਸੀਨ ਸਪਾਈਕਵੈਕਸ ਅਤੇ ਨੋਵਾਵੈਕਸ ਦੀ ਪ੍ਰੋਟੀਨ ਆਧਾਰਿਤ ਟੀਕਾ ਵੈਕਸੋਵਿਡ ਮਨਜ਼ੂਰ ਕੀਤੀਆਂ ਗਈਆਂ ਸਨ।