9.48C Vancouver 9.48C VancouverJul 28, 2020 8:35 PM -
ਹੈਲਥ ਕੈਨੇਡਾ ਵੱਲੋਂ ਕੋਵਿਡ-19 ਦੇ ਲੱਛਣਾਂ ਵਾਲੇ ਮਰੀਜ਼ਾਂ ਦੇ ਇਲਾਜ ਲਈ ਰੈਮਡਿਸਿਵਰ ਦੀ ਵਰਤੋਂ ਨੂੰ ਮਨਜ਼ੂਰੀ ਮਿਲ ਗਈ ਹੈ।
ਫੈਡਰਲ ਅਜੈਂਸੀ ਦਾ ਕਹਿਣਾ ਹੈ ਕਿ ਐਂਟੀ-ਵਾਇਰਲ ਡਰੱਗ ਦੀ ਵਰਤੋਂ ਨਿਮੋਨੀਆ ਨਾਲ ਜੂਝ ਰਹੇ ਮਰੀਜ਼ਾਂ, ਜਾਂ ਫੇਰ ਵਧੇਰੇ ਸਾਹ ਦੀ ਲੋੜ ਮਹਿਸੂਸ ਕਰ ਰਹੇ ਮਰੀਜ਼ਾਂ ਲਈ ਕੀਤੀ ਜਾ ਸਕਦੀ ਹੈ।
ਇਹ ਪਹਿਲੀ ਡਰੱਗ ਹੈ ਜਿਸ ਨੂੰ ਹੈਲਥ ਕੈਨੇਡਾ ਵੱਲੋਂ ਕੋਵਿਡ-19 ਦੇ ਇਲਾਜ ਲਈ ਅਧਿਕਾਰਿਕ ਤੌਰ 'ਤੇ ਮਨਜ਼ੂਰੀ ਮਿਲੀ ਹੈ। ਹੈਲਥ ਕੈਨੇਡਾ ਨੇ ਇਸ ਦੀ ਵਰਤੋਂ ਵੱਡੀ ਅਤੇ ਛੋਟੀ ਉਮਰ ਦੇ ਲੋਕਾਂ ਲਈ ਕਰ ਦਿੱਤੀ ਹੈ।
ਹਾਲਾਂਕਿ ਇਸ ਦੀ ਵਰਤੋਂ ਸਿਰਫ਼ ਹਸਪਤਾਲਾਂ ਤੱਕ ਸੀਮਤ ਰੱਖੀ ਗਈ ਹੈ ਜਾਂ ਉਨ੍ਹਾਂ ਮਰੀਜ਼ਾਂ ਲਈ ਕੀਤੀ ਗਈ ਹੈ ਜਿੰਨਾ 'ਤੇ ਕਿ ਨੇੜੇ ਤੋਂ ਨਜ਼ਰ ਰੱਖੀ ਜਾ ਸਕੇ।
ਹੁਣ ਤੱਕ ਸੀਮਤ ਗਿਣਤੀ ਦੇ ਮਰੀਜ਼ਾਂ ਨੂੰ ਹੀ ਰੈਮਡਿਸਿਵਰ ਆਸਰੇ ਇਲਾਜ ਪ੍ਰਦਾਨ ਕੀਤਾ ਗਿਆ ਹੈ।
ਇਸ ਦਰਜ ਨੂੰ ਅਮਰੀਕਾ, ਯੂਰੋਪ, ਜਾਪਾਨ, ਸਿੰਗਾਪੁਰ ਅਤੇ ਆਸਟ੍ਰੇਲੀਆ 'ਚ ਵੀ ਐਮਰਜੈਂਸੀ ਜਾਂ ਕੰਡੀਸ਼ਨਲ ਡਰੱਗ ਦਾ ਦਰਜਾ ਦਿੱਤਾ ਗਿਆ ਹੈ।
ਇਸ ਦੇ ਕਲੀਨੀਕਲ ਟ੍ਰਾਇਲ ਵੀ ਕੀਤੇ ਜਾ ਰਹੇ ਹਨ ਰੈਮਡਿਸਿਵਰ ਦੀ ਵਿਕਰੀ 'ਵੈਕਲਰੀ' ਦੇ ਨਾਮ ਹੇਠ ਹੋ ਰਹੀ ਹੈ, ਅਤੇ ਇਸ ਨੂੰ ਗੀਲੀਆਡ ਸਾਇੰਸਿਜ਼ ਕੈਨੇਡਾ ਵੱਲੋਂ ਮੈਨੂਫੈਕਚਰ ਕੀਤਾ ਜਾ ਰਿਹਾ ਹੈ।
