ਹੈਲਥ ਕੈਨੇਡਾ ਵੱਲੋਂ ਜੌਨਸਨ ਐਂਡ ਜੌਨਸਨ ਵੈਕਸੀਨ ਦੇ ਵਿਲੱਖਣ ਕਿਸਮ ਦੇ ਬਲੱਡ ਕਲੌਟਸ ਦੀ ਕੀਤੀ ਜਾ ਰਹੀ ਜਾਂਚ

ਹੈਲਥ ਕੈਨੇਡਾ ਨੇ ਇੱਕ ਟਵੀਟ ਕਰ ਦੱਸਿਆ ਹੈ ਕਿ ਰਿਪੋਰਟਸ ਦੀ ਜਾਂਚ ਕੀਤੀ ਜਾ ਰਹੀ ਹੈ ਕਿ ਜੌਨਸਨ ਐਂਡ ਜੌਨਸਨ ਦੀ ਕੋਵਿਡ-19 ਵੈਕਸੀਨ ਕੁਝ ਬੇਹੱਦ ਵਿਲੱਖਣ ਕਿਸਮ ਦੇ ਬਲੱਡ ਕਲੌਟਸ ਦਾ ਕਾਰਨ ਬਣੀ ਹੋ ਸਕਦੀ ਹੈ।

ਕਨੇਡੀਅਨ ਡਰੱਗ ਰੈਗੂਲੇਟਰ ਦਾ ਕਹਿਣਾ ਹੈ ਕਿ ਇਸ ਮਾਮਲੇ 'ਤੇ ਨਜ਼ਰ ਰੱਖੀ ਜਾ ਰਹੀ ਹੈ।

ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦਾ ਕਹਿਣਾ ਹੈ ਕਿ ਕੈਨੇਡਾ ਹੁਣ ਵੀ ਟ੍ਰੈਕ 'ਤੇ ਹੈ ਕਿ ਇਸੇ ਮਹੀਨੇ ਦੇ ਅੰਤ ਤਕ ਦੇਸ਼ ਕੋਲ ਜੌਨਸਨ ਐਂਡ ਜੌਨਸਨ ਦੀ ਕੋਵਿਡ-19 ਵੈਕਸੀਨ ਪਹੁੰਚ ਸਕਦੀ ਹੈ।

ਪਰ ਉਨ੍ਹਾਂ ਕਿਹਾ ਕਿ ਅਮਰੀਕਾ 'ਚ ਉਜਾਗਰ ਹੋ ਰਹੀਆਂ ਜਾਣਕਾਰੀਆਂ 'ਤੇ ਗੌਰ ਕੀਤਾ ਜਾ ਰਿਹਾ ਹੈ ਅਤੇ ਅੱਗੇ ਦੇ ਫੈਸਲੇ ਵੀ ਉਸੇ ਅਨੁਸਾਰ ਲਏ ਜਾਣਗੇ।

ਪਰ ਉਨ੍ਹਾਂ ਕਿਹਾ ਕਿ ਇਸ ਤੋਂ ਇਹ ਵੀ ਪਤਾ ਚਲਦਾ ਹੈ ਕਿ ਵੱਧ ਤੋਂ ਵੱਧ ਵੈਕਸੀਨ ਕਰਾਰ ਹਾਸਿਲ ਕਰਨੇ ਕਿੰਨੇ ਜ਼ਰੂਰੀ ਸਨ, ਜਿਸ ਨਾਲ ਕਿ ਕਿਸੇ ਇੱਕ ਪਾਸੇ ਵਿਘਨ ਪੈਣ ਦੇ ਬਾਵਜੂਦ ਵੈਕਸੀਨ ਪ੍ਰੀਕਿਰਿਆ ਜਾਰੀ ਰਹਿਣਾ ਸੰਭਵ ਬਣਾਇਆ ਜਾ ਸਕਦਾ ਸੀ।

ਯਾਦ ਰਹੇ ਅੱਜ ਅਮਰੀਕਾ ਨੇ ਕੋਵਿਡ-19 ਸੰਬੰਧੀ ਜੌਨਸਨ ਐਂਡ ਜੌਨਸਨ ਦੀ ਵੈਕਸੀਨ 'ਤੇ ਟੈਂਪਰੇਰੀ ਪੱਧਰ 'ਤੇ ਰੋਕ ਲਗਾਉਣ ਦੀ ਸਿਫਾਰਿਸ਼ ਕੀਤੀ ਹੈ।

ਅਜਿਹੀਆਂ 6 ਰਿਪੋਰਟਸ ਦੀ ਜਾਂਚ ਕੀਤੀ ਜਾ ਰਹੀ ਹੈ, ਜਿੱਥੇ ਇਸ ਵੈਕਸੀਨ ਨਾਲ ਸੰਬੰਧਤ ਬਲੱਡ ਕਲੌਟਸ ਬਣਨ ਦੀ ਜਾਣਕਾਰੀ ਸਾਹਮਣੇ ਆਈ ਹੈ।

ਜਾਣਕਾਰੀ ਅਨੁਸਾਰ ਅਮਰੀਕਾ 'ਚ ਇਹ ਡੋਜ਼ ਹਾਸਿਲ ਕਰਨ ਵਾਲੇ 6.8 ਮਿਲੀਅਨ ਲੋਕਾਂ 'ਚ 6 ਔਰਤਾਂ ਨੂੰ ਇਸ ਵੈਕਸੀਨ ਦੇ ਸ਼ੌਟ ਲੱਗਣ ਤੋਂ ਬਾਅਦ 6 ਤੋਂ 13 ਦਿਨ ਵਿਚਾਲੇ ਬਲੱਡ ਕਲੌਟ ਸਥਾਪਿਤ ਹੋ ਗਏ ਸਨ।

ਇਹਨਾਂ 'ਚ ਇੱਕ ਦੀ ਮੌਤ ਹੋ ਗਈ।

ਹੈਲਥ ਕੈਨੇਡਾ ਦਾ ਟਵੀਟ:

(1 of 2) HC is aware of the U.S.’ pause on the use of the Janssen #COVID19 vaccine due to reports of unusual blood clots. Health Canada authorized this vaccine on March 5; however, there have been no shipments to Canada. http://ow.ly/JYjx50Enxnz