15.25C Vancouver 15.25C VancouverSep 2, 2020 3:38 PM -
ਹੈਲਥ ਕੈਨੇਡਾ ਨੇ ਕੋਵਿਡ -19 ਦੀਆਂ ਘਰ ਵਿੱਚ ਵਰਤੀਆਂ ਜਾ ਸਕਦੀਆਂ ਟੈਸਟ ਕਿੱਟਾਂ ਦੇ ਸੰਬੰਧ ਵਿੱਚ ਆਪਣੀ ਨੀਤੀ ਵਿੱਚ ਤਬਦੀਲੀ ਕੀਤੀ ਹੈ।
ਏਜੰਸੀ ਮੁਤਾਬਕ ਉਹ ਅਜਿਹੀਆਂ ਟੈਸਟ ਕਿੱਟਾਂ ਲਈ ਭੇਜੀਆਂ ਅਰਜ਼ੀਆਂ ਨੂੰ ਰਿਵਿਊ ਕਰੇਗੀ।
ਪਹਿਲਾਂ ਜੂਨ ਵਿੱਚ ਵਿਭਾਗ ਨੇ ਕਿਹਾ ਸੀ ਕਿ ਉਹ ਅਜਿਹੀਆਂ ਅਰਜ਼ੀਆਂ ਦੀ ਪੜਚੋਲ ਨਹੀਂ ਕਰੇਗੀ।
ਹੈਲਥ ਮਨਿਸਟਰ ਪੈਟੀ ਹਾਇਡੂ ਦੇ ਬੁਲਾਰੇ, ਕੋਲ ਡੇਵਿਡਸਨ ਮੁਤਾਬਕ ਉਹ ਨਿਯਮ ਉਨ੍ਹਾਂ ਕਿੱਟਾਂ ਤੇ ਲਾਗੂ ਹੁੰਦਾ ਹੈ ਜਿਨ੍ਹਾਂ ਨਾਲ ਕੋਵਿਡ -19 ਡਾਇਗਨੋਜ਼ ਕੀਤਾ ਜਾ ਸਕਦਾ ਹੈ।
ਡੇਵਿਡਸਨ ਅਨੁਸਾਰ ਮਹਾਂਮਾਰੀ ਦੇ ਵਿੱਚ ਆਏ ਬਦਲਾਵਾਂ ਕਾਰਨ ਹੈਲਥ ਕੈਨੇਡਾ ਹੁਣ ਵਾਇਰਸ ਦੀ ਸਕ੍ਰੀਨਿੰਗ ਲਈ ਘਰੇ ਇਸਤੇਮਾਲ ਕੀਤੀਆਂ ਜਾ ਸਕਦੀਆਂ ਟੈਸਟ ਕਿੱਟਾਂ ਉੱਤੇ ਵਿਚਾਰ ਕਰ ਰਹੀ ਹੈ।
ਹਾਇਡੂ ਮੁਤਾਬਕ ਏਜੰਸੀ ਦੇ ਅਧਿਕਾਰੀ ਨੇ ਇਸ ਹਫਤੇ ਗਲਤ ਜਾਣਕਾਰੀ ਸਾਂਝੀ ਕੀਤੀ ਸੀ ਕਿ ਇਨ੍ਹਾਂ ਕਿੱਟਾਂ ਬਾਰੇ ਵਿਚਾਰ ਨਹੀਂ ਕੀਤਾ ਜਾਵੇਗਾ।
ਉਨ੍ਹਾਂ ਕਿਹਾ ਕਿ ਵਾਇਰਸ ਨੂੰ ਕੈਨੇਡਾ ਵਿੱਚ ਠੱਲ੍ਹ ਪਾਉਣ ਲਈ ਇਸ ਬਾਰੇ ਜਲਦ ਤੋਂ ਜਲਦ ਪਤਾ ਲਾਉਣਾ ਅਹਿਮ ਹੈ ਅਤੇ ਕੋਵਿਡ -19 ਦੇ ਟੈਸਟਾਂ ਵਿੱਚ ਵਾਧਾ ਕਰਨ ਲਈ ਫੈਡਰਲ ਸਰਕਾਰ ਵੱਲੋਂ ਨਿਯਮਾਂ ਵਿਚ ਕੁਝ ਐਮਰਜੈਂਸੀ ਤਬਦੀਲੀਆਂ ਕੀਤੀਆਂ ਗਈਆਂ ਹਨ ਅਤੇ ਹੈਲਥ ਕੈਨੇਡਾ ਨੇ ਅਜਿਹੇ ਕੁਝ ਉਪਕਰਨਾਂ ਨੂੰ ਮਨਜ਼ੂਰੀ ਦੇ ਵੀ ਦਿੱਤੀ ਹੈ।
ਹਾਇਡੂ ਅਨੁਸਾਰ ਇਸ ਸੰਬੰਧ ਵਿੱਚ ਹੈਲਥ ਕੈਨੇਡਾ ਕਈ ਨਿਰਮਾਤਾਵਾਂ ਨਾਲ ਕੰਮ ਕਰ ਰਹੀ ਹੈ।
