30.22C Vancouver 30.22C VancouverDec 30, 2020 8:31 PM -
ਹੈਲਥ ਕੈਨੇਡਾ ਦਾ ਕਹਿਣਾ ਹੈ ਕਿ ਉਹ ਕੋਈ ਪੱਕੀ ਸਮੇਂ ਸੀਮਾ ਨਹੀਂ ਦੱਸ ਸਕਦੇ, ਜਦ ਕੋਵਿਡ-19 ਸੰਬੰਧੀ ਐਸਟ੍ਰਾਜ਼ੈਨਕਾ ਦੀ ਵੈਕਸੀਨ ਨੂੰ ਮਨਜ਼ੂਰੀ ਦਿੱਤੀ ਜਾ ਸਕਦੀ ਹੈ।
ਅੱਜ ਬ੍ਰਿਟੇਨ ਨੇ ਇਸ ਵੈਕਸੀਨ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ।
ਇਸ ਡਰੱਗ ਨੂੰ ਯੂ.ਕੇ ਦੀ ਡਰੱਗ ਬਣਾਉਣ ਵਾਲੀ ਕੰਪਨੀ ਅਤੇ ਔਕਸਫਰਡ ਯੂਨੀਵਰਸਿਟੀ ਨੇ ਤਿਆਰ ਕੀਤਾ ਹੈ।
ਅੱਜ ਡਿਪਟੀ ਚੀਫ਼ ਪਬਲਿਕ ਹੈਲਥ ਅਫ਼ਸਰ, ਡਾ. ਹੌਵਰਡ ਨਿਊ ਨੇ ਦੱਸਿਆ ਕਿ ਯੂ.ਕੇ. ਵੈਕਸੀਨ ਨੂੰ ਮਨਜ਼ੂਰੀ ਜ਼ਰੂਰ ਮਿਲੀ ਹੋ ਸਕਦੀ ਹੈ, ਪਰ ਹੈਲਥ ਕੈਨੇਡਾ ਦਾ ਵੈਕਸੀਨ ਨੂੰ ਮਨਜ਼ੂਰੀ ਦੇਣ ਦਾ ਇੱਕ ਠੋਸ ਤਰੀਕਾ ਹੈ ਅਤੇ ਜਿਸ ਪ੍ਰੀਕਿਰਿਆ ਤਹਿਤ ਫਾਈਜ਼ਰ ਅਤੇ ਮੌਡਰਨਾ ਦੀ ਵੈਕਸੀਨ ਨੂੰ ਮਨਜ਼ੂਰੀ ਮਿਲੀ ਹੈ, ਉਸੇ ਤਹਿਤ ਬਾਕੀ ਵੈਕਸੀਨਾਂ ਨੂੰ ਪਰਖਿਆ ਜਾਵੇਗਾ।
ਯਾਦ ਰਹੇ ਬ੍ਰਿਟੇਨ 'ਚ ਅੱਜ ਇਸ ਵੈਕਸੀਨ ਨੂੰ ਮਨਜ਼ੂਰੀ ਮਿਲੀ ਹੈ ਅਤੇ ਇਸ ਨੂੰ ਮਨਜ਼ੂਰੀ ਦੇਣ ਵਾਲਾ ਬ੍ਰਿਟੇਨ, ਵਿਸ਼ਵ ਦਾ ਪਹਿਲਾਂ ਦੇਸ਼ ਬਣ ਗਿਆ ਹੈ।
