14.04C Vancouver 14.04C VancouverJun 19, 2024 5:59 PM - The Canadian Press
ਕੈਨੇਡਾ ਸਰਕਾਰ ਦਾ ਰਾਸ਼ਟਰੀ ਫਾਰਮਾਕੇਅਰ ਪ੍ਰੋਗਰਾਮ 1 ਅਪ੍ਰੈਲ 2025 ਤੋਂ ਲੌਂਚ ਹੋਵੇਗਾ। ਸਿਹਤ ਮੰਤਰੀ ਮਾਰਕ ਹੌਲੈਂਡ ਨੇ ਬੁੱਧਵਾਰ ਨੂੰ ਕਿਹਾ ਕਿ ਉਹ ਇਸ ਨੂੰ ਸ਼ੁਰੂ ਕਰਨ ਦਾ ਇਹ ਟੀਚਾ ਰੱਖ ਰਹੇ ਹਨ।
ਕੈਨੇਡੀਅਨਾਂ ਨੂੰ ਸ਼ੂਗਰ ਅਤੇ ਗਰਭ ਨਿਰੋਧਕ ਦਵਾਈਆਂ ਫਰੀ ਵਿਚ ਮੁਹੱਈਆ ਕਰਵਾਉਣ ਨਾਲ ਸਬੰਧਤ ਫਾਰਮਾਕੇਅਰ ਐਕਟ ਲਿਬਰਲਸ ਅਤੇ ਐੱਨ. ਡੀ. ਪੀ. ਵਿਚਕਾਰ ਹੋਏ ਰਾਜਨੀਤਕ ਸਮਝੌਤੇ ਦਾ ਹਿੱਸਾ ਹੈ
ਨੇ ਪੰਜ ਸਾਲਾਂ ਵਿਚ ਇਸ ਪ੍ਰੋਗਰਾਮ ਲਈ $1.5 ਬਿਲੀਅਨ ਦਾ ਬਜਟ ਰੱਖਿਆ ਹੈ। ਟਰੂਡੋ ਸਰਕਾਰ ਦੇ ਸਿਹਤ ਮੰਤਰੀ ਨੇ ਕਿਹਾ ਕਿ ਉਹ ਫਾਰਮਾਕੇਅਰ ਬਿੱਲ ਨੂੰ ਸ਼ਾਹੀ ਮਨਜ਼ੂਰੀ ਮਿਲਣ ਦੀ ਉਡੀਕ ਵਿਚ ਹਨ ਪਰ ਇਸ ਲਈ ਤੇਜ਼ੀ ਲਈ ਕੰਮ ਕਰ ਰਹੇ ਹਨ ਅਤੇ ਸੂਬਾ ਸਰਕਾਰਾਂ ਨਾਲ ਡੀਲ ਲਈ ਗੱਲਬਾਤ ਸ਼ੁਰੂ ਕਰਨ ਵਾਸਤੇ ਉਦੋਂ ਤੱਕ ਇੰਤਜ਼ਾਰ ਨਹੀਂ ਕਰਨਗੇ।
ਹੌਲੈਂਡ ਨੇ ਕਿਹਾ ਕਿ ਮੇਰਾ ਉਦੇਸ਼ ਅਗਲੇ ਸਾਲ 1 ਅਪ੍ਰੈਲ ਤੋਂ ਹਰ ਸੂਬੇ ਅਤੇ ਖੇਤਰ ਵਿਚ ਫਾਰਮਾਕੇਅਰ ਪ੍ਰੋਗਰਾਮ ਤਹਿਤ ਦਵਾਈਆਂ ਦੀ ਪਹੁੰਚ ਨੂੰ ਦੇਖਣਾ ਹੈ ਅਤੇ ਇਸੇ ਟੀਚੇ ’ਤੇ ਉਹ ਲੱਗੇ ਹੋਏ ਹਨ।
ਗੌਰਤਲਬ ਹੈ ਕਿ ਫੈਡਰਲ ਸਰਕਾਰ ਨੇ ਨੈਸ਼ਨਲ ਫਾਰਮਾਕੇਅਰ ਬਿੱਲ ਫਰਵਰੀ ਵਿਚ ਪੇਸ਼ ਕੀਤਾ ਸੀ, ਜੋ ਹਾਊਸ ਆਫ ਕਾਮਨ ਵਿਚ ਪਾਸ ਹੋ ਚੁੱਕਾ ਹੈ ਅਤੇ ਹੁਣ ਇਹ ਸੈਨੇਟ ਕੋਲ ਹੈ। ਹੌਲੈਂਡ ਨੇ ਕਿਹਾ ਕਿ ਉਹ ਸੈਨੇਟ ਨੂੰ ਇਸ ’ਤੇ ਜਲਦੀ ਨਾਲ ਕੰਮ ਕਰਨ ਲਈ ਕਹਿ ਰਹੇ ਹਨ।
