18.19C Vancouver 18.19C VancouverMar 2, 2021 3:43 AM -
ਇਸ ਹਫ਼ਤੇ ਬੀ.ਸੀ. ਸਰਕਾਰ ਵੱਲੋਂ ਇੰਡੀਪੈਂਡੈਂਟ ਲਿਵਿੰਗ ਅਤੇ ਸੀਨੀਅਰ ਸੱਪੋਰਟਿਵ ਹਾਊਸਿੰਗ 'ਚ ਰਹਿਣ ਵਾਲੇ ਬੁਜ਼ੁਰਗਾਂ ਅਤੇ ਸਟਾਫ਼ ਨੂੰ ਅਤੇ ਹੋਮ ਕੇਅਰ ਸੱਪੋਰਟ ਹਾਸਿਲ ਕਰਨ ਵਾਲੇ ਲੋਕਾਂ ਅਤੇ ਸੇਵਾ ਪ੍ਰਦਾਨ ਕਰਨ ਵਾਲੇ ਲੋਕਾਂ ਨੂੰ ਵੈਕਸੀਨ ਹਾਸਿਲ ਕਰਨ ਲਈ ਸੰਪਰਕ ਕੀਤਾ ਜਾਵੇਗਾ।
ਮਾਰਚ ਦੇ ਦੂਜੇ ਹਫ਼ਤੇ ਤੋਂ ਫੋਨ ਜਾਂ ਇੰਟਰਨੈਟ ਜ਼ਰੀਏ ਵੈਕਸੀਨ ਦੇ ਲਈ ਅਪਾਇੰਟਮੈਂਟ ਹਾਸਿਲ ਕਰਨ ਦਾ ਸਿਲਸਿਲਾ ਸ਼ੁਰੂ ਹੋਵੇਗਾ।
8 ਮਾਰਚ ਤੋਂ 90 ਸਾਲ ਤੋਂ ਵਧੇਰੀ ਉਮਰ ਵਾਲੇ ਲੋਕ ਅਤੇ 65 ਸਾਲ ਤੋਂ ਵਧੇਰੀ ਉਮਰ ਵਾਲੇ ਇੰਡੀਜਨਸ ਲੋਕ ਵੈਕਸੀਨ ਹਾਸਿਲ ਕਰਨ ਲਈ ਅਪਾਇੰਟਮੈਂਟ ਹਾਸਿਲ ਕਰ ਸਕਣਗੇ।
ਇਸ ਤੋਂ ਬਾਅਦ 15 ਮਾਰਚ ਤੋਂ 85 ਸਾਲ ਤੋਂ ਵਧੇਰੀ ਉਮਰ ਵਾਲੇ ਅਤੇ ਫਿਰ 22 ਮਾਰਚ ਤੋਂ 80 ਸਾਲ ਤੋਂ ਵਧੇਰੀ ਉਮਰ ਵਾਲੇ ਲੋਕ ਵੈਕਸੀਨ ਹਾਸਿਲ ਕਰਨ ਲਈ ਸੰਪਰਕ ਕਰ ਸਕਣਗੇ।
ਅਪ੍ਰੈਲ ਤੋਂ ਜੂਨ ਵਿਚਾਲੇ ਤੀਜੇ ਪੜ੍ਹਾਅ ਦੌਰਾਨ 60 ਤੋਂ 79 ਸਾਲ ਦੇ ਲੋਕਾਂ ਨੂੰ ਵੈਕਸੀਨ ਪ੍ਰਦਾਨ ਕੀਤੀ ਜਾਵੇਗੀ।
ਜੁਲਾਈ ਤੋਂ ਸਿਤੰਬਰ ਵਿਚਾਲੇ ਚੌਥੇ ਪੜ੍ਹਾਅ ਦੌਰਾਨ 60 ਸਾਲ ਤੋਂ ਘਟ ਉਮਰ ਦੇ ਲੋਕਾਂ ਨੂੰ ਵੈਕਸੀਨੇਟ ਕੀਤਾ ਜਾਵੇਗਾ।
ਇਹ ਜਾਣਕਾਰੀ ਦੇਣ ਲਈ ਅੱਜ ਪ੍ਰੀਮਿਅਰ ਜੌਨ ਹੌਰਗਨ, ਸਿਹਤ ਮੰਤਰੀ ਐਡਰੀਅਨ ਡਿਕਸ ਅਤੇ ਪ੍ਰੋਵਿੰਸ਼ੀਅਲ ਸਿਹਤ ਅਫ਼ਸਰ, ਡਾ. ਬੌਨੀ ਹੈਨਰੀ ਮੌਜੂਦ ਸਨ।
ਹੁਣ ਵੈਕਸੀਨੇਸ਼ਨ ਪ੍ਰੀਕਿਰਿਆ 'ਚ ਇੱਕ ਤਬਦੀਲੀ ਵੀ ਕੀਤੀ ਗਈ ਹੈ।
ਹੁਣ 42 ਦਿਨਾਂ ਦੇ ਫਰਕ ਦੀ ਜਗ੍ਹਾ 'ਤੇ 4 ਮਹੀਨੇ ਦੇ ਫਰਕ 'ਤੇ ਵੈਕਸੀਨ ਦੀ ਦੂਜੀ ਖੁਰਾਕ ਪ੍ਰਦਾਨ ਕੀਤੀ ਜਾਵੇਗੀ।
