21.2C Vancouver 21.2C VancouverAug 28, 2023 7:04 PM - The Canadian Press
ਬ੍ਰਿਟਿਸ਼ ਕੋਲੰਬੀਆ ਵਿੱਚ ਲਗਭਗ 400 ਐਕਟਿਵ ਜੰਗਲੀ ਅੱਗਾਂ ਹਨ, ਜਿਸ ਕਰਕੇ ਕੁਝ ਹਿੱਸਿਆਂ ਵਿੱਚ ਅੱਜ ਵੀ ਲਗਾਤਾਰ ਗਰਮੀ ਜਾਰੀ ਰਹਿਣ ਦੀ ਉਮੀਦ ਹੈ।
ਐਨਵਾਇਰਮੈਂਟ ਕੈਨੇਡਾ ਦਾ ਕਹਿਣਾ ਹੈ ਕਿ ਨੌਰਥ ਬੀ.ਸੀ. ਵਿੱਚ ਕਈ ਕਮਿਊਨਿਟੀਜ਼ ਹੀਟ ਵਾਰਨਿੰਗਸ ਦਾ ਸਾਹਮਣਾ ਕਰ ਰਹੀਆਂ ਹਨ।
ਰੋਜ਼ਾਨਾ ਹਾਈ ਤਾਪਮਾਨ ਦੇ 30 ਡਿਗਰੀ ਤੋਂ ਵੱਧ ਪਹੁੰਚਣ ਦੀ ਭਵਿੱਖਬਾਣੀ ਕੀਤੀ ਗਈ ਹੈ।
ਇਸ ਸਮੇਂ ਫੋਰਟ ਨੇਲਸਨ, ਫੋਰਟ ਸੇਂਟ ਜੌਨ, ਡੌਸਨ ਕ੍ਰੀਕ, ਟੰਬਲਰ ਰਿਜ ਅਤੇ ਟੈਰੇਸ ਵਿੱਚ ਹੀਟ ਵਾਰਨਿੰਗ ਜਾਰੀ ਕੀਤੀ ਗਈ ਹੈ।
ਐਨਵਾਇਰਮੈਂਟ ਕੈਨੇਡਾ ਦੇ ਅੰਕੜਿਆਂ ਅਨੁਸਾਰ ਫੋਰਟ ਨੈਲਸਨ ਵਿੱਚ ਤਾਪਮਾਨ 32 ਡਿਗਰੀ ਸੈਲਸੀਅਸ ਤੱਕ ਪਹੁੰਚਣ ਦੀ ਸੰਭਾਵਨਾ ਹੈ, ਜੋ ਕਿ 27 ਅਗਸਤ ਨੂੰ 32.4 ਡਿਗਰੀ ਸੈਲਸੀਅਸ ਸੀ।
ਜੰਗਲੀ ਅੱਗ ਦੇ ਧੂੰਏਂ ਕਾਰਨ ਬ੍ਰਿਟਿਸ਼ ਕੋਲੰਬੀਆ ਦੇ ਵੱਡੇ ਹਿੱਸੇ ਵਿੱਚ ਏਅਰ ਕੁਆਲਿਟੀ ਐਡਵਾਇਜ਼ਰੀ ਜਾਰੀ ਕੀਤੀ ਹੈ, ਜਿਸ ਵਿੱਚ ਮੈਟਰੋ ਵੈਨਕੂਵਰ, ਵੈਨਕੂਵਰ ਆਈਲੈਂਡ ਦੇ ਬਹੁਤ ਸਾਰੇ ਹਿੱਸੇ ਅਤੇ ਵਿਸਲਰ, ਕਾਮਲੂਪਸ, ਕਲੋਨਾ, ਗੋਲਡਨ, ਫਰਨੀ, ਪ੍ਰਿੰਸ ਜਾਰਜ ਅਤੇ ਸਮਿਥਰਸ ਵਰਗੀਆਂ ਕਮਿਊਨਿਟੀਜ਼ ਸ਼ਾਮਿਲ ਹਨ ।
ਫਾਇਰ ਫਾਈਟਰਜ਼ ਦਾ ਕਹਿਣਾ ਹੈ ਕਿ ਪਿਛਲੇ ਹਫਤੇ ਓਕਾਨਾਗਨ ਅਤੇ ਸ਼ੁਸਵਾਪ ਖੇਤਰਾਂ ਵਿੱਚ ਭਾਰੀ ਬਾਰਿਸ਼ ਹੋਈ, ਜਿਸ ਨਾਲ ਅੱਗ ਨੂੰ ਬੁਝਾਉਣ ਵਿੱਚ ਕਾਫ਼ੀ ਮਦਦ ਮਿਲੀ ਸੀ, ਪਰ ਇਸ ਹਫਤੇ ਸੰਭਾਵਤ ਤੌਰ 'ਤੇ ਵਧੇਰੇ ਚੁਣੌਤੀਪੂਰਨ ਵਾਲਾ ਮੌਸਮ ਰਹਿ ਸਕਦਾ ਹੈ।
