24.31C Vancouver 24.31C VancouverJun 27, 2022 7:02 PM - The Canadian Press
ਐਨਵਾਇਰਨਮੈਂਟ ਕੈਨੇਡਾ ਦਾ ਕਹਿਣਾ ਹੈ ਕਿ ਬੀ.ਸੀ. ਅਤੇ ਯੂਕੌਨ ਦੇ ਕਈ ਹਿੱਸਿਆਂ 'ਚ ਗਰਮੀ ਸੰਬੰਧਤ ਚੇਤਾਵਨੀਆਂ ਘਟੋ-ਘੱਟ ਇੱਕ ਹੋਰ ਦਿਨ ਤਕ ਜਾਰੀ ਰਹਿਣਗੀਆਂ।
ਹਾਲਾਂਕਿ ਏਜੈਂਸੀ ਦਾ ਕਹਿਣਾ ਹੈ ਕਿ ਠੰਡਾ ਤਾਪਮਾਨ ਵੀ ਜਲਦੀ ਹੀ ਦਸਤਕ ਦੇਵੇਗਾ।
ਏਜੈਂਸੀ ਵੱਲੋਂ ਮੈਟਰੋ ਵੈਨਕੂਵਰ ਅਤੇ ਬੀ.ਸੀ. ਦੇ ਦੱਖਣੀ ਤਟ ਦੇ ਕੁਝ ਹਿੱਸਿਆਂ ਲਈ ਚੇਤਾਵਨੀ ਜਾਰੀ ਰੱਖੀ ਗਈ ਹੈ।
ਇਸ ਤੋਂ ਇਲਾਵਾ ਕੀਟਿਮੈਟ ਅਤੇ ਟੈਰੇਸ ਸਮੇਤ ਉੱਤਰੀ ਤਟ ਦੇ ਕੁਝ ਹਿੱਸਿਆਂ ਅਤੇ ਯੂਕੌਨ ਦੇ ਡੌਸਨ ਇਲਾਕੇ 'ਚ ਗਰਮੀ ਸੰਬੰਧਤ ਚੇਤਾਵਨੀ ਜਾਰੀ ਹੈ।
ਵੈਨਕੂਵਰ, ਫਰੇਜ਼ਰ ਵੈਲੀ ਅਤੇ ਹਾਓ ਸਾਊਂਡ ਦੇ ਇਲਾਕੇ 'ਚ ਅੱਜ ਤਾਪਮਾਨ 34 ਡਿਗਰੀ ਤਕ ਪਹੁੰਚਣ ਦੇ ਆਸਾਰ ਦੱਸੇ ਗਏ ਹਨ।
ਐਤਵਾਰ ਨੂੰ ਲਿਟਨ ਦੇ ਇਲਾਕੇ 'ਚ ਤਾਪਮਾਨ 36.9 ਡਿਗਰੀ 'ਤੇ ਦਰਜ ਕੀਤਾ ਗਿਆ।
ਵਧਦੀ ਗਰਮੀ ਵਿਚਾਲੇ ਪਹਾੜਾਂ 'ਤੇ ਬਰਫ ਪਿਘਲਣ ਦੇ ਵੀ ਆਸਾਰ ਦੱਸੇ ਗਏ ਹਨ ਜਿਸ ਕਾਰਨ ਦਰਿਆਵਾਂ ਅਤੇ ਸਟਰੀਮਸ 'ਚ ਪਾਣੀ ਦਾ ਪੱਧਰ ਵਧਣ ਦਾ ਖਤਰਾ ਵੀ ਬਣਿਆ ਹੋਇਆ ਹੈ।
