12.07C Vancouver 12.07C VancouverAug 23, 2023 9:37 PM - Connect News
ਓਕਾਨੈਗਨ ਵਿੱਚ ਫਾਇਰਫਾਈਟਰਜ਼ ਦਾ ਕਹਿਣਾ ਹੈ ਕਿ ਰਾਤ ਭਰ ਭਾਰੀ ਮੀਂਹ ਨੇ ਜੰਗਲੀ ਅੱਗ ਨੂੰ ਬੁਝਾਉਣ ਵਿੱਚ ਮਦਦ ਕੀਤੀ ਹੈ।
ਇਸ ਅੱਗ ਕਰਕੇ ਹਜ਼ਾਰਾਂ ਲੋਕਾਂ ਨੂੰ ਘਰ ਛੱਡਣ ਲਈ ਮਜਬੂਰ ਹੋਣਾ ਪਿਆ ਸੀ।
ਫਾਇਰਫਾਈਟਰਜ਼ ਨੇ ਕਿਹਾ ਕਿ ਪਿਛਲੇ ਵੀਰਵਾਰ ਤੋਂ ਓਕਾਨੈਗਨ ਲੇਕ ਦੇ ਆਲੇ-ਦੁਆਲੇ ਫੈਲੀ ਅੱਗ ਕਾਰਨ 174 ਘਰਾਂ ਨੂੰ ਨੁਕਸਾਨ ਪਹੁੰਚਿਆ ਹੈ।
ਵੈਸਟ ਕੇਲੋਨਾ ਫਾਇਰ ਚੀਫ ਜੇਸਨ ਬ੍ਰੋਲੰਡ ਦਾ ਕਹਿਣਾ ਹੈ ਕਿ ਵੈਸਟ ਕੇਲੋਨਾ ਅਤੇ ਵੈਸਟਬੈਂਕ ਫਸਟ ਨੇਸ਼ਨ ਵਿੱਚ ਕੁੱਲ 84 ਸੰਪਤੀਆਂ ਨੂੰ ਨੁਕਸਾਨ ਪਹੁੰਚਿਆ ਹੈ।
ਨਾਰਥ ਵੈਸਟਸਾਈਡ ਫਾਇਰ ਰੈਸਕਿਊ ਵਿਭਾਗ ਦੇ ਚੀਫ Ross Kotscherofski ਦਾ ਕਹਿਣਾ ਹੈ ਕਿ ਮੀਂਹ ਨੇ ਪੂਰਬ ਵਾਲੇ ਪਾਸੇ ਅੱਗ ਨੂੰ ਬੁਝਾਉਣ ਵਿੱਚ ਮਦਦ ਕੀਤੀ ਹੈ।
ਮੰਗਲਵਾਰ ਨੂੰ ਜੰਗਲ ਦੀ ਅੱਗ ਬਾਰੇ ਜਾਣਕਾਰੀ ਦਿੰਦੇ ਹੋਏ ਵੈਸਟ ਕੇਲੋਨਾ ਫਾਇਰ ਚੀਫ਼ ਜੇਸਨ ਬ੍ਰੋਲੰਡ ਨੇ ਕਿਹਾ ਕਿ ਵੈਸਟ ਕੇਲੋਨਾ 'ਚ ਮੈਕਡੂਗਲ ਕ੍ਰੀਕ ਜੰਗਲ ਦੀ ਅੱਗ ਤੋਂ 3,000 ਤੋਂ ਵੱਧ ਘਰਾਂ ਨੂੰ ਬਚਾਇਆ ਗਿਆ ਹੈ।
