ਐਂਡਰਬੀ ਨੇੜੇ ਹੈਲੀਕਾਪਟਰ ਹਾਦਸਾ, ਚਾਰ ਲੋਕਾਂ ਨੂੰ ਹਸਪਤਾਲ ਪਹੁੰਚਾਇਆ ਗਿਆ

ਬੀ.ਸੀ. ਦੇ Enderby ਨੇੜੇ ਇੱਕ ਹੈਲੀਕਾਪਟਰ ਕਰੈਸ਼ ਹੋ ਗਿਆ ਜਿਸ ਕਾਰਨ ਚਾਰ ਲੋਕਾਂ ਨੂੰ ਹਸਪਤਾਲ ਦਾਖਿਲ ਕਰਵਾਇਆ ਗਿਆ ਹੈ।

ਬੀ.ਸੀ. ਐਮਰਜੈਂਸੀ ਹੈਲਥ ਸਰਵਿਸਿਜ਼ ਦਾ ਕਹਿਣਾ ਹੈ ਕਿ ਸ਼ਨੀਵਾਰ ਸ਼ਾਮ 8:00 ਵਜੇ ਦੇ ਕਰੀਬ ਉਹਨਾਂ ਨੂੰ ਇੱਕ ਕਾਲ 'ਤੇ ਸੂਚਨਾ ਮਿਲੀ ਕਿ ਇੱਕ ਹੈਲੀਕਾਪਟਰ Mebel Lake Resort ਦੇ ਨੇੜੇ Shuswap River 'ਚ ਕਰੈਸ਼ ਹੋ ਗਿਆ ਹੈ।

ਹਾਦਸੇ ਮਗਰੋਂ ਘਟਨਾ ਸਥਾਨ 'ਤੇ 7 ਐਂਬੂਲੈਂਸਾਂ ਪਹੁੰਚ ਗਈਆਂ ਤੇ ਪੈਰਾਮੈਡਿਕਸ ਨੇ ਮੌਕੇ 'ਤੇ ਚਾਰ ਲੋਕਾਂ ਨੂੰ ਮੁਢੱਲੀ ਸਹਾਇਤਾ ਦੇਣ ਮਗਰੋਂ ਹਸਪਤਾਲ ਵਿਚ ਦਾਖਿਲ ਕਰਵਾਇਆ।

ਉਹਨਾਂ ਸਾਰਿਆਂ ਦੀ ਹਾਲਤ ਸਥਿਰ ਦੱਸੀ ਜਾ ਰਹੀ ਹੈ।

ਘਟਨਾ ਸਥਾਨ ਦੇ ਨਜ਼ਦੀਕ ਰਹਿਣ ਵਾਲੇ ਲੋਕਾਂ ਨੇ ਦੱਸਿਆ ਕਿ ਜਦੋ ਉਹਨਾਂ ਨੇ ਅਚਾਨਕ ਦੇਖਿਆ ਕਿ ਜਹਾਜ਼ ਅਸਮਾਨ ਤੋਂ ਹੇਠਾਂ ਆ ਕੇ ਸਿੱਧਾ ਨਦੀ 'ਚ ਜਾ ਡਿੱਗਾ, ਤਾਂ ਉਹਨਾਂ ਨੇ ਭੱਜ ਕੇ ਦੋ ਲੋਕਾਂ ਨੂੰ ਹੈਲੀਕਾਪਟਰ ਤੋਂ ਬਾਹਰ ਕੱਢਿਆ ਅਤੇ ਦੋ ਹੋਰ ਆਪਣੇ ਆਪ ਬਾਹਰ ਨਿਕਲਣ ਵਿੱਚ ਕਾਮਯਾਬ ਰਹੇ।

ਉਥੋਂ ਲੰਘ ਰਹੇ ਹੋਰ ਲੋਕ ਵੀ ਮਦਦ ਲਈ ਅੱਗੇ ਆਏ।

ਜ਼ਖਮੀਆਂ ਦਾ ਫਿਲਹਾਲ ਹਸਪਤਾਲ 'ਚ ਇਲਾਜ਼ ਚੱਲ ਰਿਹਾ ਹੈ।