12.64C Vancouver 12.64C VancouverJan 25, 2023 1:46 AM - Connect News
ਸਰ੍ਹੀ 'ਚ ਜਿਨਸੀ ਹਮਲੇ ਦੀ ਵਾਰਦਾਤ ਵਾਪਰੀ ਹੈ।
ਪੁਲਿਸ ਵੱਲੋਂ ਲੋਕਾਂ ਨੂੰ ਅਪੀਲ ਕੀਤੀ ਗਈ ਹੈ ਕਿ ਘਟਨਾ ਸੰਬੰਧੀ ਕੋਈ ਜਾਣਕਾਰੀ ਹੋਵੇ ਤਾਂ ਦੱਸਿਆ ਜਾਵੇ।
23 ਜਨਵਰੀ/ਸੋਮਵਾਰ ਨੂੰ ਸਵੇਰ ਕਰੀਬ 10.53 ਵਜੇ ਸਰ੍ਹੀ ਆਰ.ਸੀ.ਐਮ.ਪੀ. ਨੂੰ ਜਾਣਕਾਰੀ ਮਿਲੀ ਸੀ ਕਿ ਕਿਂਗ ਜੌਰਜ ਬੁਲੇਵਾਰਡ ਅਤੇ 102 ਐਵੀਨਿਊ ਕੋਲ ਇੱਕ ਔਰਤ ਨੂੰ ਗਰੋਪ ਕੀਤਾ ਗਿਆ ਸੀ।
ਪੁਲਿਸ ਨੇ ਇਲਾਕੇ 'ਚ ਸੀ.ਸੀ.ਟੀ.ਵੀ. ਫੁਟੇਜ ਖੰਗਾਲੀ ਅਤੇ ਇੱਕ ਸ਼ੱਕੀ ਦੀ ਤਸਵੀਰ ਸਾਂਝੀ ਕੀਤੀ ਗਈ ਹੈ।
ਤਸਵੀਰ 'ਚ ਸ਼ੱਕੀ ਦੀ ਸ਼ਕਲ ਸਪਸ਼ਟ ਨਹੀਂ ਵਿਖਾਈ ਦਿੰਦੀ ਹੈ ਪਰ ਪੁਲਿਸ ਨੂੰ ਉਮੀਦ ਹੈ ਕਿ ਉਸ ਦੇ ਕੱਪੜਿਆਂ ਅਤੇ ਬੈਗ ਆਸਰੇ ਕੋਈ ਨਾ ਕੋਈ ਕੁਝ ਜਾਣਕਾਰੀ ਸਾਂਝੀ ਕਰ ਸਕੇਗਾ।
ਸ਼ੱਕੀ ਦਾ ਕੱਦ ਕਰੀਬ 5'7" ਅਤੇ ਉਮਰ 20 ਤੋਂ 30 ਸਾਲ ਦਰਮਿਆਨ ਮੰਨੀ ਜਾ ਰਹੀ ਹੈ।
