15.02C Vancouver 15.02C VancouverNov 17, 2023 9:59 PM - The Canadian Press
ਇੱਕ ਜਹਾਜ਼ ਦਾ ਮਲਬਾ ਇਸ ਹਫਤੇ ਸੁਰਖੀਆਂ 'ਚ ਬਣਿਆ ਹੋਇਆ ਸੀ, ਜਿਸਨੂੰ ਪੁਲਿਸ ਨੇ ਬੀ.ਸੀ. ਵਿੱਚ ਦਹਾਕਿਆਂ ਪੁਰਾਣੀ ਕਰੈਸ਼ ਸਾਈਟ ਸਮਝਿਆ ਸੀ, ਪਰ ਹੁਣ ਇਸ ਬਾਰੇ ਅਸਲ ਸੱਚਾਈ ਸਾਹਮਣੇ ਆਈ ਹੈ।
ਦਰਅਸਲ ਇਹ ਜਹਾਜ਼ ਇੱਥੇ ਕਰੈਸ਼ ਨਹੀਂ ਹੋਇਆ ਬਲਕਿ ਸਿਖਲਾਈ ਦੇ ਉਦੇਸ਼ਾਂ ਲਈ ਜਾਣਬੁੱਝ ਕੇ ਉਸਨੂੰ ਉੱਥੇ ਰੱਖਿਆ ਗਿਆ ਸੀ।
ਵਾਲੰਟੀਅਰ ਏਅਰ ਸੇਫਟੀ ਗਰੁੱਪ ਪੀਈਪੀ-ਏਅਰ ਦੇ ਕਾਰਜਕਾਰੀ ਨਿਰਦੇਸ਼ਕ ਫਰੈਡ ਕੈਰੀ ਦਾ ਕਹਿਣਾ ਹੈ ਕਿ ਨਿੱਜੀ ਜਾਇਦਾਦ 'ਤੇ ਸਿਖਲਾਈ ਲਗਭਗ 18 ਮਹੀਨਿਆਂ ਤੋਂ ਕੀਤੀ ਜਾ ਰਹੀ ਅਤੇ ਇਹ ਰਾਇਲ ਕੈਨੇਡੀਅਨ ਏਅਰ ਫੋਰਸ ਦੇ ਜੁਆਇੰਟ ਰੈਸਕਿਊ ਕੋਆਰਡੀਨੇਸ਼ਨ ਸੈਂਟਰ ਨਾਲ ਰਜਿਸਟਰ ਕੀਤੀ ਗਈ ਹੈ।
ਹਾਲਾਂਕਿ ਲੋਕਾਂ ਨੂੰ ਇਹ ਦੱਸਣ ਲਈ ਉਨ੍ਹਾਂ ਦੇ ਗਰੁੱਪ ਨੇ ਟੈਗਸ ਨਾਲ ਮਾਰਕ ਕੀਤਾ ਸੀ ਕਿ ਇਹ ਕਰੈਸ਼ ਸਾਈਟ ਨਹੀਂ ਹੈ। ਜ਼ਿਕਰਯੋਗ ਹੈ ਕਿ ਬੁੱਧਵਾਰ ਨੂੰ ਟਰਾਂਸਪੋਰਟੇਸ਼ਨ ਸੇਫਟੀ ਬੋਰਡ ਨੇ ਜਾਣਕਾਰੀ ਸਾਂਝੀ ਕੀਤੀ ਹੈ ਕਿ ਉਨ੍ਹਾਂ ਨੂੰ ਦਹਾਕਿਆਂ ਪੁਰਾਣਾ ਇੱਕ ਜਹਾਜ਼ ਦਾ ਮਲਬਾ ਕੈਮਲੂਪਸ ਦੇ ਦੱਖਣ ਵਿੱਚ ਮਿਲਿਆ ਹੈ।
ਖਬਰਾਂ ਸਾਹਮਣੇ ਆਉਣ ਤੋਂ ਬਾਅਦ ਹੁਣ ਇਸ ਗੁੱਥੀ ਨੂੰ ਸੁਲਝਾ ਲਿਆ ਗਿਆ ਹੈ ਕਿ ਇਹ ਜਹਾਜ਼ ਹਾਦਸਾਗ੍ਰਸਤ ਨਹੀਂ ਸੀ ਹੋਇਆ ਬਲਕਿ ਇਸਨੂੰ ਟਰੇਨਿੰਗ ਕਾਰਨ ਇੱਥੇ ਰੱਖਿਆ ਗਿਆ ਸੀ।
