14.21C Vancouver 14.21C VancouverJul 30, 2020 7:52 PM -
ਦੱਖਣੀ ਐਲਬਰਟਾ, ਸੈਂਟਰਲ ਅਤੇ ਦੱਖਣਪੂਰਬ ਸਸਕੈਚਵਿਨ ਅਤੇ ਬ੍ਰਿਟਿਸ਼ ਕੋਲੰਬੀਆ ਦੇ ਦੱਖਣੀ ਇੰਟੀਰੀਅਰ 'ਚ ਰਿਕਾਰਡਤੋੜ ਗਰਮੀ ਦਰਜ ਕੀਤੀ ਜਾ ਰਹੀ ਹੈ।
ਇਨ੍ਹਾਂ ਇਲਾਕਿਆਂ ਲਈ ਐਨਵਾਇਰਨਮੈਂਟ ਕੈਨੇਡਾ ਵੱਲੋਂ ਗਰਮ ਤਾਪਮਾਨ ਸੰਬੰਧੀ ਚੇਤਾਵਨੀਆਂ ਅਤੇ ਸਪੈਸ਼ਲ ਵੈਦਰ ਸਟੇਟਮੈਂਟਸ ਵੀ ਜਾਰੀ ਕੀਤੀਆਂ ਗਈਆਂ ਹਨ।
ਬੀ.ਸੀ. ਦੀ ਲਿਟਨ ਕਮਿਊਨਿਟੀ ਨੂੰ ਆਮ ਤੌਰ 'ਤੇ ਦੇਸ਼ ਦਾ ਸਭ ਤੋਂ ਗਰਮ ਰਹਿਣ ਵਾਲਾ ਇਲਾਕਾ ਦੱਸਿਆ ਜਾਂਦਾ ਹੈ, ਅਤੇ ਇਸ ਇਲਾਕੇ 'ਚ ਤਾਪਮਾਨ 40 ਡਿਗਰੀ 'ਸੀ' ਤੱਕ ਜਾਣ ਦਾ ਅਨੁਮਾਨ ਹੈ।
ਕੈਮਲੂਪਸ 'ਚ ਵੀ ਤਾਪਮਾਨ 39 ਡਿਗਰੀ ਤੱਕ ਰਹਿਣ ਦਾ ਅਨੁਮਾਨ ਹੈ। ਐਲਬਰਟਾ ਅਤੇ ਸਸਕੈਚਵਿਨ 'ਚ ਤਾਪਮਾਨ ਇਸ ਤੋਂ ਠੰਡਾ ਹੈ, ਪਰ ਲੈਥਬ੍ਰਿਜ, ਮੈਡੀਸਿਨ ਹੈਟ, ਅਤੇ ਸਸਕਾਤੂਨ ਦੇ ਇਲਾਕਿਆਂ 'ਚ ਨਮੀ ਵਧੇਰੇ ਰਹਿਣ ਕਾਰਨ, ਤਾਪਮਾਨ ਦੇ 40 ਡਿਗਰੀ ਤੱਕ ਪਹੁੰਚਣ ਦਾ ਅਨੁਮਾਨ ਹੈ।
'ਵੈਦਰ ਆਫ਼ਿਸ' ਦਾ ਕਹਿਣਾ ਹੈ ਕਿ, ਸ਼ੁੱਕਰਵਾਰ ਤੱਕ ਤਾਪਮਾਨ ਥੋੜ੍ਹਾ ਠੰਡਾ ਹੋ ਜਾਣ ਬਾਰੇ ਅਨੁਮਾਨ ਹੈ।
ਬੀ.ਸੀ. ਵਾਸੀਆਂ ਨੂੰ ਵੀ ਬੈਕਕੰਟਰੀ 'ਚ ਜਾਂਦੇ ਹੋਏ ਧਿਆਨ ਰੱਖਣ ਨੂੰ ਕਿਹਾ ਗਿਆ ਹੈ।
