19.15C Vancouver 19.15C VancouverDec 14, 2021 10:31 PM - The Canadian Press
ਕੈਨੇਡਾ ਦੀ ਡਿਪਟੀ ਪ੍ਰਧਾਨ ਮੰਤਰੀ ਅਤੇ ਵਿੱਤ ਮੰਤਰੀ, ਕ੍ਰਿਸਟੀਆ ਫ੍ਰੀਲੈਂਡ ਨੇ ਦੇਸ਼ ਦੀ ਫਿਸਕਲ ਅਪਡੇਟ ਸਾਂਝੀ ਕੀਤੀ ਹੈ।
ਉਨ੍ਹਾਂ ਜਾਣਕਾਰੀ ਦਿੱਤੀ ਹੈ ਕਿ ਸਾਲ 2021-2022 ਲਈ ਪ੍ਰੋਜੈਕਟਿਡ ਡੈਫੀਸਿਟ $144.5 ਬਿਲੀਅਨ ਦਾ ਹੈ।
ਪਹਿਲਾਂ ਪੇਸ਼ ਕੀਤੇ ਗਏ $154 ਬਿਲੀਅਨ ਤੋਂ ਵਧੇਰੇ ਦੇ ਡੈਫੀਸਿਟ ਮੁਕਾਬਲੇ ਇਹ ਅਨੁਮਾਨ ਛੋਟਾ ਅੰਕੜਾ ਪੇਸ਼ ਕਰਦਾ ਹੈ।
ਸਰਕਾਰ ਦੀ ਪ੍ਰੋਜੈਕਸ਼ਨ 'ਚ ਦੱਸਿਆ ਗਿਆ ਹੈ ਕਿ ਅਗਲੇ ਸਾਲ ਫਿਸਕਲ ਡੈਫੀਸਿਟ ਘਟ ਕੇ $58.4 ਬਿਲੀਅਨ ਦਾ ਰਹਿ ਸਕਦਾ ਹੈ।
ਸਾਲ 2026-2027 ਤਕ ਇਸ ਦੇ ਕਰੀਬ $13 ਬਿਲੀਅਨ 'ਤੇ ਰਹਿਣ ਦੀ ਪ੍ਰੋਜੈਕਸ਼ਨ ਪੇਸ਼ ਕੀਤੀ ਗਈ ਹੈ।
ਸਰਕਾਰ ਵੱਲੋਂ ਅਗਲੇ 7 ਸਾਲ 'ਚ ਨਵੇਂ ਖਰਚਿਆਂ 'ਚ $71.2 ਬਿਲੀਅਨ ਖਰਚੇ ਜਾਣ ਦੀ ਜਾਣਕਾਰੀ ਵੀ ਦਿੱਤੀ ਗਈ ਹੈ।
ਉਨ੍ਹਾਂ ਜਾਣਕਾਰੀ ਦਿੱਤੀ ਕਿ ਆਉਂਦੇ ਸਮੇਂ 'ਚ ਕੀਤੇ ਜਾ ਰਹੇ ਖਰਚਿਆਂ 'ਚ ਬੀ.ਸੀ. ਦੀ ਹੜ੍ਹਾਂ ਤੋਂ ਰਿਕਵਰੀ ਲਈ $5 ਬਿਲੀਅਨ ਰੱਖੇ ਗਏ ਹਨ।
ਕੋਵਿਡ-19 ਦੇ ਓਮੀਕਰੌਨ ਵੇਰੀਐਂਟ ਪ੍ਰਤੀ ਰਿਸਪਾਂਸ ਲਈ ਫੈਡਰਲ ਸਰਕਾਰ ਨੇ $4.5 ਬਿਲੀਅਨ ਦੀ ਰਾਸ਼ੀ ਰੱਖੀ ਹੈ।
ਅਪਡੇਟ ਸਾਂਝੀ ਕਰਦੇ ਹੋਏ ਕ੍ਰਿਸਟੀਆ ਫ੍ਰੀਲੈਂਡ ਨੇ ਕਿਹਾ ਕਿ, ਕੋਵਿਡ-19 ਸੰਬੰਧੀ ਵੈਕਸੀਨ ਨੂੰ ਮੁਫਤ 'ਚ ਪ੍ਰਦਾਨ ਕੀਤੇ ਜਾਣਾ ਜਾਰੀ ਰਵੇਗਾ।
ਉਨ੍ਹਾਂ ਕਿਹਾ ਕਿ ਓਮੀਕਰੌਨ ਵੇਰੀਐਂਟ ਦੇ ਫੈਲਾਅ ਵਿਚਾਲੇ ਵੈਕਸੀਨ ਦੇ ਬੂਸਟਰ ਸ਼ਾਟ ਹਾਸਿਲ ਕਰਨਾ ਹੋਰ ਵੀ ਜਰੂਰੀ ਹੋ ਗਿਆ ਹੈ।
ਕ੍ਰਿਸਟੀਆ ਫ੍ਰੀਲੈਂਡ ਨੇ ਕਨੇਡੀਅਨ ਲੋਕਾਂ ਨੂੰ ਉਤਸ਼ਾਹਤ ਕੀਤਾ ਕਿ ਵੈਕਸੀਨ ਦੀਆਂ ਬੂਸਟਰ ਖੁਰਾਕਾਂ ਹਾਸਿਲ ਕੀਤੀਆਂ ਜਾਣ।
ਉਨ੍ਹਾਂ ਇਹ ਵੀ ਦੱਸਿਆ ਕਿ ਫੈਡਰਲ ਸਰਕਾਰ ਕੋਵਿਡ-19 ਦੇ ਮਰੀਜਾਂ ਲਈ ਐਂਟੀ-ਵਾਇਰਲ ਡਰੱਗਸ 'ਚ ਵੀ ਨਿਵੇਸ਼ ਕਰ ਰਹੇ ਹਨ।
ਔਟਵਾ ਵੱਲੋਂ ਫਰਸਟ ਨੇਸ਼ਨਸ ਬੱਚਿਆਂ ਲਈ $40 ਬਿਲੀਅਨ ਦੀ ਕੰਪਨਸੇਸ਼ਨ ਵੀ ਰੱਖੀ ਜਾ ਰਹੀ ਹੈ।
ਕ੍ਰਿਸਟੀਆ ਫ੍ਰੀਲੈਂਡ ਨੇ ਵਰਚੁਅਲ ਢੰਗ ਨਾਲ ਪੇਸ਼ ਕੀਤਾ ਬਜਟ ਡੈਫੀਸਿਟ
ਦੇਸ਼ ਦੀ ਡਿਪਟੀ ਪ੍ਰਧਾਨ ਮੰਤਰੀ ਅਤੇ ਵਿੱਤ ਮੰਤਰੀ, ਕ੍ਰਿਸਟੀਆ ਫ੍ਰੀਲੈਂਡ ਵੱਲੋਂ ਫੈਡਰਲ ਫਿਸਕਲ ਅਪਡੇਟ ਲਈ ਖੁਦ ਇਨ-ਪਰਸਨ ਪਹੁੰਚ ਨਹੀਂ ਕੀਤੀ ਗਈ।
ਇਹ ਅਪਡੇਟ ਵਰਚੁਅਲ ਢੰਗ ਨਾਲ ਪ੍ਰਦਾਨ ਕੀਤੀ ਗਈ ਹੈ।
ਅਜਿਹਾ ਕੋਵਿਡ-19 ਸੰਬੰਧੀ ਚਿੰਤਾ ਦੇ ਮੱਦੇਨਜਰ ਕੀਤਾ ਗਿਆ ਹੈ।
ਫ੍ਰੀਲੈਂਡ ਨੇ ਇੱਕ ਟਵੀਟ ਕਰਦੇ ਹੋਏ ਜਾਣਕਾਰੀ ਦਿੱਤੀ ਸੀ ਕਿ ਉਨ੍ਹਾਂ ਦੇ 2 ਸਟਾਫਰ ਵਾਇਰਸ ਤੋਂ ਪੀੜਤ ਪਾਏ ਗਏ ਹਨ।
ਦੋਵਾਂ ਸਟਾਫਰਸ ਦੇ ਰੈਪਿਡ ਐਂਟੀਜੈਨ ਟੈਸਟ ਕੀਤੇ ਗਏ ਸਨ।
ਹਾਲਾਂਕਿ ਇਸ ਤੋਂ ਬਾਅਦ ਕ੍ਰਿਸਟੀਆ ਫ੍ਰੀਲੈਂਡ ਦੇ ਦੋਵੇਂ ਮੌਲੀਕਿਊਲਰ ਟੈਸਟ ਨੈਗੇਟਿਵ ਆਏ ਸਨ।
ਪਰ ਫਿਰ ਵੀ ਉਨ੍ਹਾਂ ਚੌਕਸੀ ਵਰਤਦੇ ਹੋਏ ਫਿਸਕਲ ਅਪਡੇਟ ਵਰਚੁਅਲ ਢੰਗ ਨਾਲ ਪੇਸ਼ ਕਰਨ ਦਾ ਫੈਸਲਾ ਲਿਆ।
ਯਾਦ ਰਹੇ ਇਹ ਫੈਡਰਲ ਚੋਣਾਂ ਤੋਂ ਬਾਅਦ ਪਹਿਲੀ ਵਿੱਤੀ ਅਪਡੇਟ ਹੈ।
