11.75C Vancouver 11.75C VancouverJul 27, 2022 6:56 PM - The Canadian Press
ਹੌਕੀ ਕੈਨੇਡਾ ਦੇ ਚੀਫ਼ ਫਾਈਨੈਂਸ਼ੀਅਲ ਅਫ਼ਸਰ ਦਾ ਕਹਿਣਾ ਹੈ ਕਿ ਸਾਲ 1989 ਤੋਂ ਗਵਰਨਿੰਗ ਬੌਡੀ ਨੇ 9 ਸੈਟਲਮੈਂਟਸ ਯਾਨੀ ਕਿ ਸਮਝੌਤਿਆਂ ਲਈ $7.6 ਮਿਲੀਅਨ ਦੀ ਪੇਮੈਂਟ ਕੀਤੀ ਹੈ।
ਇਸ 'ਚ ਵਧੇਰੇ ਮਾਮਲੇ ਸੈਕਸ਼ੂਅਲ ਐਬਿਊਜਰ ਗ੍ਰਾਹਮ ਜੇਮਸ ਨਾਲ ਸੰਬੰਧਤ ਦੱਸੇ ਗਏ।
ਹਾਊਸ ਆਫ ਕਾਮਨਜ਼ ਹੈਰੀਟੇਜ ਕਮੇਟੀ ਵੱਲੋਂ ਕੀਤੀ ਜਾ ਰਹੀ ਸੁਣਵਾਈ ਦੌਰਾਨ ਇਹ ਖੁਲਾਸਾ ਕੀਤਾ ਗਿਆ ਹੈ।
ਕਮੇਟੀ ਵੱਲੋਂ ਸਵਾਲ ਕੀਤੇ ਜਾ ਰਹੇ ਹਨ ਕਿ ਗਵਰਨਿੰਗ ਬੌਡੀ ਵੱਲੋਂ ਸਾਲ 2018 ਨਾਲ ਸੰਬੰਧਤ ਜਿਨਸੀ ਹਮਲੇ ਸੰਬੰਧੀ ਇਲਜਾਮਾਂ ਨਾਲ ਨਜਿੱਠਣ ਲਈ ਕੀ ਕਦਮ ਚੁੱਕੇ ਗਏ।
ਯਾਦ ਰਹੇ ਗ੍ਰਾਹਮ ਜੇਮਸ ਨੂੰ 6 ਸਾਬਕਾ ਖਿਡਾਰੀਆਂ 'ਤੇ ਜਿਨਸੀ ਹਮਲੇ ਦਾ ਦੋਸ਼ੀ ਪਾਇਆ ਗਿਆ ਸੀ।
ਇਹ ਘਟਨਾਵਾਂ 1980 ਦੇ ਦਹਾਕੇ ਸੇ ਅੰਤ ਅਤੇ 1990 ਦੇ ਦਹਾਕੇ ਦੀ ਸ਼ੁਰੂਆਤ 'ਚ ਵਾਪਰੀਆਂ ਸਨ।
ਪੀੜਤ ਖਿਡਾਰੀ ਵੈਸਟਰਨ ਹੌਕੀ ਲੀਗ 'ਚ ਸਵਿਫਟ ਕਰੰਟ ਬਰੌਂਕੋਸ ਦੀ ਟੀਮ ਨਾਲ ਸੰਬੰਧਤ ਸਨ।
ਅੱਜ ਹੌਕੀ ਕੈਨੇਡਾ ਦੇ ਪ੍ਰਧਾਨ ਵੱਲੋਂ ਵੀ ਕਮੇਟੀ ਦੇ ਸਵਾਲਾਂ ਦਾ ਸਾਹਮਣਾ ਕੀਤਾ ਜਾ ਰਿਹਾ ਹੈ।
ਯਾਦ ਰਹੇ ਇਸ ਤੋਂ ਪਹਿਲਾਂ ਸੋਮਵਾਰ ਨੂੰ ਕਮੇਟੀ ਨੇ ਸਪੋਰਟ ਕੈਨੇਡਾ ਨੂੰ ਇਸੇ ਮਾਮਲੇ 'ਚ ਸਵਾਲ ਕੀਤੇ ਸਨ।
ਇਸ ਮੌਕੇ ਖੇਡ ਮੰਤਰੀ ਪਾਸਕਲ ਸੇਂਟ ਔਂਜ ਵੀ ਮੌਜੂਦ ਸਨ।
ਮਾਮਲਾ ਜੂਨੀਅਰ ਹੌਕੀ ਟੀਮ ਨਾਲ ਸੰਬੰਧਤ ਹੈ ਅਤੇ ਇੱਕ ਔਰਤ ਦਾ ਕਹਿਣਾ ਹੈ ਕਿ 8 ਖਿਡਾਰੀਆਂ ਨੇ ਉਸ 'ਤੇ ਜਿਨਸੀ ਹਮਲਾ ਕੀਤਾ ਸੀ।
ਮਾਮਲਾ ਔਂਟੈਰੀਓ ਦੇ ਲੰਡਨ ਨਾਲ ਸੰਬੰਧਤ ਦੱਸਿਆ ਗਿਆ ਸੀ।
