16.87C Vancouver 16.87C VancouverSep 1, 2022 12:47 AM - The Canadian Press
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਇੱਕ ਵਾਰ ਫਿਰ ਤੋਂ ਹੌਕੀ ਕੈਨੇਡਾ ਸੰਬੰਧੀ ਟਿੱਪਣੀਆਂ ਕੀਤੀਆਂ ਹਨ।
ਉਨ੍ਹਾਂ ਕਿਹਾ ਕਿ ਹੌਕੀ ਕੈਨੇਡਾ ਦੀ ਲੀਡਰਸ਼ਿਪ ਨੇ ਨਾ ਸਿਰਫ ਫੈਡਰਲ ਸਰਕਾਰ ਬਲਕਿ ਕਨੇਡੀਅਨ ਲੋਕਾਂ ਦਾ ਵੀ ਭਰੋਸਾ ਗਵਾ ਦਿੱਤਾ ਹੈ।
ਟਰੂਡੋ ਨੇ 2 ਵਿਸ਼ਵ ਜੂਨੀਅਰ ਟੀਮਾਂ ਦੇ ਖਿਡਾਰੀਆਂ ਨਾਲ ਸੰਬੰਧਤ ਜਿਨਸੀ ਹਮਲਿਆਂ ਦੇ ਇਲਜਾਮਾਂ ਨਾਲ ਨਜਿੱਠਣ ਦੇ ਹੌਕੀ ਕੈਨੇਡਾ ਦੇ ਤਰੀਕੇ ਸੰਬੰਧੀ ਦੂਜੀ ਵਾਰ ਹੌਕੀ ਕੈਨੇਡਾ ਨੂੰ ਘੇਰਿਆ ਹੈ।
ਉਨ੍ਹਾਂ ਕਿਹਾ ਕਿ ਜਿੰਨਾ ਲੰਮਾ ਸਮਾਂ ਸੰਗਠਨ ਦੀ ਗਵਰਨਿੰਗ ਬੌਡੀ ਇਹ ਅਹਿਸਾਸ ਕਰਨ 'ਤੇ ਲਗਾਵੇਗੀ ਕਿ ਉਨ੍ਹਾਂ ਭਰੋਸਾ ਗਵਾਇਆ ਹੈ, ਉਨ੍ਹਾਂ ਹੀ ਸੰਗਠਨ ਨੂੰ ਮੁਸ਼ਕਿਲ ਦਾ ਸਾਹਮਣਾ ਕਰਨਾ ਪਵੇਗਾ।
ਟਰੂਡੋ ਨੇ ਇਹ ਟਿੱਪਣੀ ਉਸ ਸਮੇਂ ਕੀਤੀ ਹੈ ਜਦ ਇਸੇ ਹਫ਼ਤੇ ਹੌਕੀ ਕੈਨੇਡਾ ਦੇ ਬੋਰਡ ਆਫ ਡਾਇਰੈਕਟਰਸ ਨੇ ਇੱਕ ਬਿਆਨ ਜਾਰੀ ਕਰ ਆਖਿਆ ਸੀ ਕਿ ਉਹ ਪ੍ਰੈਜ਼ੀਡੈਂਟ ਸਕੌਟ ਸਮਿਥ ਅਤੇ ਉਨ੍ਹਾਂ ਦੀ ਐਗਜੀਕਿਊਟਿਵ ਟੀਮ ਦਾ ਸਮਰਥਨ ਕਰਦੇ ਹਨ।
ਇਹ ਜਾਣਕਾਰੀ ਉਸ ਵੇਲੇ ਸਾਹਮਣੇ ਆਈ ਜਦ ਸੰਗਠਨ ਦੀ ਲੀਡਰਸ਼ਿਪ ਨੂੰ ਬਦਲਣ ਦੀ ਮੰਗ ਉੱਠ ਰਹੀ ਸੀ।
