7.59C Vancouver 7.59C VancouverMay 25, 2020 3:40 PM -
3 ਵਾਰ ਓਲੰਪਿਕ ਗੋਲਡ ਮੈਡਲ ਜੇਤੂ ਰਹੇ ਮਸ਼ਹੂਰ ਹਾਕੀ ਖਿਡਾਰੀ ਬਲਬੀਰ ਸਿੰਘ ਸੀਨੀਅਰ ਦਾ 95 ਸਾਲ ਦੀ ਉਮਰ ਵਿੱਚ ਸਵਰਗਵਾਸ ਹੋ ਗਿਆ ਹੈ।
ਇਹ ਖਬਰ ਉਨ੍ਹਾਂ ਦੇ ਪੋਤੇ ਕਬੀਰ ਨੇ ਇਕ ਸਟੇਟਮੈਂਟ ਰਾਹੀਂ ਸਾਂਝੀ ਕੀਤੀ।
ਬਲਬੀਰ ਸਿੰਘ ਨੂੰ 12 ਮਈ ਨੂੰ ਦਿਲ ਦਾ ਦੌਰਾ ਪੈਣ ਤੋਂ ਬਾਅਦ ਹਸਪਤਾਲ ਵਿੱਚ ਦਾਖ਼ਲ ਕੀਤਾ ਗਿਆ ਸੀ ਜਿਸ ਤੋਂ ਬਾਅਦ ਉਨ੍ਹਾਂ ਨੂੰ ਦੋ ਹੋਰ ਦਿਲ ਦੇ ਦੌਰੇ ਪਏ ਅਤੇ ਉਨ੍ਹਾਂ ਦੀ ਹਾਲਤ ਕਾਫੀ ਨਾਜ਼ੁਕ ਬਣੀ ਹੋਈ ਸੀ।
ਬਲਬੀਰ ਸਿੰਘ ਤਿੰਨ ਵਾਰ ਓਲੰਪਿਕ ਗੋਲਡ ਚੈਂਪੀਅਨ ਬਣੇ।
1948 ਵਿੱਚ ਲੰਡਨ ਦੀਆਂ ਓਲੰਪਿਕ ਖੇਡਾਂ ਵਿੱਚ ਭਾਰਤ ਦੀ ਸ਼ਾਨਦਾਰ ਜਿੱਤ ਵਿਚ ਉਨ੍ਹਾਂ ਨੇ ਅਹਿਮ ਭੂਮਿਕਾ ਨਿਭਾਈ, 1952 ਵਿੱਚ ਹੈਲਸਿੰਕੀ ਖੇਡਾਂ ਦੌਰਾਨ ਬਲਬੀਰ ਸਿੰਘ ਵਾਈਸ ਕੈਪਟਨ ਸਨ ਅਤੇ 1956 ਵਿੱਚ ਮੈਲਬਰਨ ਦੀਆਂ ਖੇਡਾਂ ਦੌਰਾਨ ਉਨ੍ਹਾਂ ਨੇ ਭਾਰਤੀ ਟੀਮ ਦੀ ਕਪਤਾਨ ਵਜੋਂ ਅਗਵਾਈ ਕੀਤੀ।
1947 ਤੋਂ 1958 ਵਿਚਕਾਰ ਆਪਣੇ ਹਾਕੀ ਦੇ ਸਫਰ ਦੌਰਾਨ ਉਨ੍ਹਾਂ ਨੇ 61 ਅੰਤਰਰਾਸ਼ਟਰੀ ਮੈਚ ਖੇਡੇ ਅਤੇ 246 ਗੋਲ ਕੀਤੇ।
1975 ਦੌਰਾਨ ਵਰਲਡ ਕੱਪ ਜਿੱਤਣ ਵਾਲੀ ਟੀਮ ਦੇ ਬਲਬੀਰ ਸਿੰਘ ਮੈਨੇਜਰ ਵੀ ਸਨ।
