13.93C Vancouver 13.93C VancouverDec 23, 2024 7:23 PM - Connect Newsroom
ਬੀ.ਸੀ. ਵਿਚ ਹੋਮ ਫਲਿਪਿੰਗ ਟੈਕਸ 1 ਜਨਵਰੀ 2025 ਤੋਂ ਲਾਗੂ ਹੋ ਰਿਹਾ ਹੈ। ਇਹ ਟੈਕਸ ਉਨ੍ਹਾਂ ਲੋਕਾਂ ਨੂੰ ਟਾਰਗੇਟ ਕਰੇਗਾ ਜੋ ਅਚਲ ਜਾਇਦਾਦ ਵਿਚ ਸੱਟਾ ਗਤੀਵਿਧੀ ਤੋਂ ਮੁਨਾਫਾ ਕਮਾਉਂਦੇ ਹਨ।
ਇਸ ਟੈਕਸ ਦਾ ਉਦੇਸ਼ ਅਜਿਹੇ ਨਿਵੇਸ਼ਕਾਂ ਨੂੰ ਜਲਦੀ ਨਾਲ ਲਾਭ ਕਮਾਉਣ ਲਈ ਘਰ ਖਰੀਦਣ ਤੋਂ ਰੋਕਣਾ ਹੈ। ਵਿੱਤ ਮੰਤਰੀ ਬ੍ਰੈਂਡਾ ਬੇਲੀ ਨੇ ਕਿਹਾ ਕਿ ਅਚਲ ਜਾਇਦਾਦ ਸੱਟੇਬਾਜ਼ਾਂ ਕਾਰਨ ਘਰਾਂ ਦੀਆਂ ਕੀਮਤਾਂ ਵਿਚ ਵਾਧਾ ਹੁੰਦਾ ਹੈ, ਜਿਸ ਨੇ ਹੋਰਾਂ ਲਈ ਘਰ ਖਰੀਦਣ ਨੂੰ ਚੁਣੌਤੀਪੂਰਨ ਬਣਾਇਆ ਹੈ, ਇਸ ਲਈ ਇਸ ’ਤੇ ਹੁਣ ਸ਼ਿਕੰਜਾ ਕੱਸਿਆ ਜਾ ਰਿਹਾ ਹੈ।
ਦੱਸ ਦੇਈਏ ਕਿ ਅਚਲ ਜਾਇਦਾਦ ਸੱਟੇਬਾਜ਼ ਉਹ ਹਨ ਜੋ ਪ੍ਰੋਪਰਟੀ ਜਾਂ ਜ਼ਮੀਨ ਨੂੰ ਲਾਭ ਵਿਚ ਵੇਚਣ ਲਈ ਖਰੀਦਦੇ ਹਨ। ਸੂਬਾ ਸਰਕਾਰ ਮੁਤਾਬਕ, ਹੋਮ ਫਲਿਪਿੰਗ ਟੈਕਸ ਉਨ੍ਹਾਂ ਮਾਲਕਾਂ ’ਤੇ ਲਾਗੂ ਹੋਵੇਗਾ ਜੋ ਘਰ ਖਰੀਦਣ ਦੇ ਦੋ ਸਾਲ ਅੰਦਰ ਇਸ ਨੂੰ ਵੇਚ ਦਿੰਦੇ ਹਨ।
ਹਾਲਾਂਕਿ, ਤਲਾਕ ਜਾਂ ਨੌਕਰੀ ਛੁੱਟਣ ਜਾਂ ਪਰਿਵਾਰਕ ਮੈਂਬਰਸ਼ਿਪ ਵਿਚ ਤਬਦੀਲੀ ਕਾਰਨ ਮਕਾਨ ਵੇਚਣ ਵਾਲਿਆਂ ਲਈ ਛੋਟ ਦੀ ਵਿਵਸਥਾ ਹੈ।
