16.17C Vancouver 16.17C VancouverJun 3, 2021 9:28 PM -
ਵੈਨਕੂਵਰ ਪੁਲਿਸ ਵੱਲੋਂ ਇੱਕ ਬੇਘਰ ਵਿਅਕਤੀ ਦੀ ਮੌਤ ਦੀ ਘਟਨਾ ਦੀ ਜਾਂਚ ਕੀਤੀ ਜਾ ਰਹੀ ਹੈ।
ਇਸ ਵਿਅਕਤੀ 'ਤੇ ਉਸ ਮੌਕੇ ਇੱਕ ਗੱਡੀ ਚੜ੍ਹ ਗਈ ਸੀ ਜਦ ਉਹ ਡਾਊਨਟਾਊਨ ਈਸਟਸਾਈਡ ਦੇ ਇਲਾਕੇ 'ਚ ਲੇਨਵੇ 'ਤੇ ਸੌਂ ਗਿਆ ਸੀ।
ਸਾਰਜੈਂਟ ਸਟੀਵ ਐਡੀਸਨ ਨੇ ਕਿਹਾ ਕਿ ਇਹ ਕਈ ਪੱਧਰਾਂ 'ਤੇ ਦੁੱਖਦਾਈ ਅਤੇ ਨਿਰਾਸ਼ ਕਰਨ ਵਾਲਾ ਮਾਮਲਾ ਹੈ।
ਉਨ੍ਹਾਂ ਕਿਹਾ ਕਿ ਘਟਨਾ ਅਜਿਹੀਆਂ ਪਰਿਸਥਿਤੀਆਂ 'ਚ ਵਾਪਰੀ ਜੋ ਭਿਆਨਕ ਸਨ ਪਰ ਜਿਸ ਤੋਂ ਬਚਾਅ ਕੀਤਾ ਜਾ ਸਕਦਾ ਸੀ।
ਉਨ੍ਹਾਂ ਕਿਹਾ ਕਿ ਘਟਨਾ ਨੂੰ ਕਿਸੇ ਸ਼ੱਕੀ ਮਾਮਲੇ ਨਾਲ ਜੋੜ ਕੇ ਨਹੀਂ ਵੇਖਿਆ ਜਾ ਰਿਹਾ।
ਪੀੜਤ ਦੀ ਉਮਰ 39 ਸਾਲ ਦੱਸੀ ਗਈ ਹੈ।
ਇਹ ਵਿਅਕਤੀ ਕਥਿਤ ਤੌਰ 'ਤੇ ਗੋਰ ਸਟ੍ਰੀਟ ਅਤੇ ਯੂਨੀਅਨ ਐਵੀਨਿਊ ਦੇ ਇਲਾਕੇ 'ਚ 26 ਮਈ ਨੂੰ ਡਰੱਗਸ ਲੈਂਦੇ ਹੋਏ ਇੱਕ ਪਾਰਕੇਡ ਗੇਟ ਦੇ ਸਾਹਮਣੇ ਦੁਪਹਿਰ ਕਰੀਬ 3.30 ਵਜੇ ਸੌਂ ਗਿਆ ਸੀ।
ਹੇਠਲੀ ਪਾਰਕਿੰਗ ਵੱਲ ਜਾਂਦੇ ਇੱਕ ਚਾਲਕ ਨੇ ਗਲਤੀ ਤੋਂ ਇਸ ਵਿਅਕਤੀ 'ਤੇ ਗੱਡੀ ਚੜ੍ਹਾ ਦਿੱਤੀ।
ਇਸ ਵਿਅਕਤੀ ਨੂੰ ਹਸਪਤਾਲ ਪਹੁੰਚਾਇਆ ਗਿਆ ਪਰ ਮੰਗਲਵਾਰ ਨੂੰ ਉਸ ਨੇ ਦਮ ਤੋੜ ਦਿੱਤਾ।
ਜਾਂਚ ਤੋਂ ਬਾਅਦ ਅਤੇ ਸਿਕਿਉਰਿਟੀ ਫੁਟੇਜ ਵੇਖਣ ਤੋਂ ਬਾਅਦ ਵਾਹਨ ਚਾਲਕ ਖਿਲਾਫ ਕੋਈ ਟਿਕਟ ਜਾਰੀ ਕਰਨ ਜਾਂ ਕੋਈ ਦੋਸ਼ ਲਗਾਉਣ 'ਤੇ ਕੰਮ ਨਹੀਂ ਕੀਤਾ ਜਾ ਰਿਹਾ।
